Ez 34:16 - Kaqchiquel Bible

¹⁶ Xkenkanoj k'a ri e sachineq, xkenwaq'omaj ri e sokotajineq y xkento' ri maneq kuchuq'a'. Kan xkenchajij k'a ri nuwinaq pa ruchojmilal. Jak'a ri k'o kuchuq'a' y e ti'oj kan xkenk'is.

Ez 34:16 ပူးပေါင်းရင်းမြစ်များ

San Lucas 19:10

Roma yin, ri xiqaqa-pe achi'el wineq chi'ikojol, kan in peteneq-wi chikikolik y chikikanoxik ri e sachinaqi', xcha' ri Jesús.

Ez 34:4

Rix man ye'ibochi'ij ta, achi'el ri yuq'unel ri man yeruto' ta juba' ri taq karne'l ri maneq kuchuq'a', ni man yeraq'omaj ta juba' ri taq e yawa'i' ni man nupis ta juba' kaqen toq e q'ajineq y ni man yerukanoj ta ri yesach kan. Keri' rix kan e iya'on pa poqon.

Wuj Richin ri Isaías 49:26

Chuqa' chike ri yetz'ilo iwichin, kan xtinben richin xtikitej-qa-ki' rije', y kan xkeq'aber rik'in ri kikik'el rije' ri xtikiqum, achi'el toq yeq'aber rik'in ri vino. Xtibanatej ronojel re' richin chi'iwonojel xtiwetamaj chi ja yin Jehová, ri in kolonel, ri xiloq'on iwichin, ri k'o nimalej uchuq'a' wik'in richin yixinto' rix israelita.

Ez 34:11

Yin Jehová ninbij chi xkenbenkanoj ri nuwinaq y kan xkenchajij jebel, achi'el jun utzilej yuq'unel kichin ri taq karne'l.

Marcos 2:17

Toq ri Jesús xrak'axaj-pe ri nikibij ri achi'a' ri', xubij k'a chike: Ri man e yawa'i' ta man nik'atzin ta aq'omanela' chike. Jak'a ri e yawa'i', ri' kan k'atzinel-wi ri aq'omanel chike. Yin man xipe ta chikikanoxik ri janila winaqi' ri choj kik'aslen. Yin xipe chikikanoxik ri man choj ta kik'aslen richin nitzolej-pe kik'u'x, xcha'.

Ez 39:18

Xtikitej k'a ri kich'akul ri aj-labal y xtikiqum k'a kik' kichin q'atbel taq tzij e richin chijun ri ruwach'ulew. Y konojel rije' ri xketijo, xtikiben k'a chire achi'el xa ta nikitej ri karne'l, ri tzuntzun o ri e ti'oj taq wákix e richin ri ruwach'ulew Basán.

Wuj Richin ri Isaías 10:16

Roma ri' yin Jehová ri k'iytisanel richin ronojel, xa kan xtinteq-pe jun nima-yabil pa kiwi' ri aj-labal aj-Asiria. Y chuqa' ri yabil ri' xtibeqaqa pa ruwi' ri ki-rey, y rija' kan xtipe jun nimalej k'aten chirij, achi'el xa ta k'o racheq-q'aq' chupan ri rutziaq.

Wuj Richin ri Isaías 5:17

K'ari' ri winaqi' israelita xkebe pa jotol, achi'el ri karne'l ri kan chupan ri kisoq'olbal rije' yewa-wi, y achi'el ri taq alaji' karne'l ri xtikitej ri kiq'os chikikojol jay kichin ri beyoma' ri xa e wulatejineq kan.

Wuj Richin ri Miqueas 7:14

Jehová, tabana' utzil ke'ayuq'uj ri awinaq rik'in ri awutzil. Tayuq'uj re tzobaj karne'l re' re kan e awichin rat. Roma xa kiyon-ok ek'o pa k'echelaj ri e sutin-rij rik'in qasanbel taq ulew. Tabana' utzil ke'ayuqej chik ri awinaq, achi'el xaben ri ojer kan, toq xe'ayuq'uj chupan ri soq'olbel richin ri Basán y ri Galaad.

Wuj Richin ri Jeremías 10:24

Toq yojmakun, tabana' utzil qojach'olij pa ruchojmilal, jak'a man rik'in ta awoyowal, roma wi keri', xa xqojak'is.

Wuj Richin ri Jeremías 9:15

Roma ri' yin kan xtinben k'a chike, richin xtikitej k'ayilej-q'os y xtikiqum ya' ri nikamisan. Yin Jehová ri in k'iytisanel richin ronojel ri yibin.

Wuj Richin ri Isaías 40:11

Rija' kan xqojruchajij roj ri oj rutinamit, achi'el jun yuq'unel ri kan yeruchajij ri rawej. Xqojruq'etej pa ruq'a', achi'el jun yuq'unel nuq'etej ri ti karne'l. Xqojruch'elej-el chuwa-ruk'u'x, achi'el nuben jun yuq'unel kik'in ri chikopi'. Y kan eqal xqojruk'uaj, achi'el nuben jun yuq'unel kik'in ri karne'l ri k'a juba' ke'alex taq kal.

San Mateo 15:24

Y ri Jesús xubij: Yin xitaq-pe xaxe chikikanoxik ri qawinaq judío ri man ek'o ta pa rajawaren ri Dios, xcha'.

Wuj Richin ri Jeremías 50:11

Rix ri aj-Babilonia toq xik'uaj-el ronojel pa nutinamit, kan xixkikot y xixnimaq'ijun. Rix kan xixtzopin rik'in kikoten achi'el nuben jun nima-alaj ixoq wákix nitzopiyaj toq nich'ay ri trigo. Chuqa' xixyijij achi'el nikiben ri kiej.

Wuj Richin ri Jeremías 23:15

Roma ri' yin Jehová ri k'o ronojel uchuq'a' pa nuq'a' kere' ninbij chiwe rix ri nibananej chi ix q'alajirisey nuch'abel: Xtinben chiwe chi xtitej xaqixaq. Chuqa' kan xtinya' k'a ya' chiwe ri yixrukamisaj. Iwoma rix qajineq ri etzelal pa ruwi' chijun ri ruwach'ulew.

Deut 32:15

Jak'a rix aj-Jesurún,*f5* toq jebel xixtzuq yan, xa xixyakatej chirij ri xilin iwichin. Rix xixok k'a achi'el jun chikop ri liq'-liq' rij, kan jebel k'a xixti'ojir. Jari' toq kan xipiskolij-el-iwi', jari' toq xixbe nej chire ri Dios ri xbanon iwichin. Xa xiwetzelaj kan ri Dios, ri nimalej abej, ri akuchi xiwil to'onik.

Wuj Richin Bix Chire ri Dios 147:3

Rija' yeraq'omaj ri niq'axon ri kánima, kan nupis k'a ri kisokotajik.

Wuj Richin ri Isaías 1:5

¿Achike k'a roma k'a niwajo' na más tijoj-poqonal? ¿K'a niwajo' na yixk'oje' chupan ri iyakatajinenri'il? Rix kan ix achi'el jun wineq ri janila yawa'. Chijun ri ijolon kan janila k'a sokotajineq, y ri iwánima janila chik niq'axon,

Wuj Richin ri Jeremías 31:8

Yin kan xkenk'en k'a pe kere' pa xaman chire ri ruwach'ulew y kan xkenmol k'a pe konojel, stape' k'a pa ruk'ulba't ri ruwach'ulew ek'o-wi. Y xkepe k'a konojel, chuqa' ri moyi', ri e jetz', ri ixoqi' ri koyoben taq kal y ri xek'oje' yan taq kal; kan janila k'a e k'iy ri xketzolin-pe.

Wuj Richin ri Jeremías 50:6

Rix nutinamit xa ix achi'el karne'l ri ix sachineq, roma ri aj-raqen xa xixkitaluj kan achi'el nuben jun yuq'unel ri yerutaluj kan ri rukarne'l. Rije' xkiya' q'ij chiwe chi xixsach kan pa taq juyu'. Xixel-el pa juyu' y kan ximestaj kan ri iqejoj.

Ez 20:34

Yin kan xkixinmol chikikojol ri tinamit ri akuchi ixintalun-wi-el. Kan xtink'ut k'a ri nimalej wuchuq'a' y kan xtinya' rutojbalil-mak pan iwi'.

Wuj Richin ri Sofonías 3:19

Chupan ri q'ij ri' yin xkenk'is konojel ri xetz'ilon iwichin. Kan xkento' ri e kajtajineq kan, y xkenk'en chik pe ri e talutajineq-el. Xtinben chiwe chi xtik'oje' chik iq'ij, y kan utz itzijol xtik'oje' chuwech chijun ruwach'ulew. Y re' pa ruk'exel ri ruk'ixbilal ri xiq'axaj.

Wuj Richin Bix Chire ri Dios 72:2

richin rija' xtiq'aton-tzij pa ruwi' ri tinamit, y richin xtuya' ruchojmilal pa kiwi' ri yetz'ilox.

Wuj Richin ri Jeremías 23:5

Xtoqaqa k'a jun q'ij toq yin xtinben chi ri David xtik'oje' jun rijatzul ri kan xtok jun rey ri xtuq'et-tzij rik'in na'oj. Rija' kan xtuq'et-tzij pa ruchojmilal y kan choj.

Wuj Richin ri Miqueas 5:3

Y re' k'a man jani tibanatej, roma ri Dios xkerumalij k'a kan ri qawinaq israelita, k'a xtapon na ri q'ij toq xtalex ri rey ri'. Chupan ri q'ij ri' xketzolej-pe pa taq ruwach'ulew konojel ri qawinaq.

Wuj Richin ri Zacarías 10:3

Roma ri' yin Jehová kan janila xyakatej woyowal chikij ri yuq'unela' ri'. Kan xtinya' k'a rutojbalil-mak pa kiwi'. Pa kik'exel rije', ja yin Jehová ri k'o ronojel uchuq'a' wik'in ri xkiyuq'un kichin ri winaqi' aj-Judá, y kan xtinben chike chi xtikina-ki' achi'el ri kiej ri janila kuchuq'a' richin yebe pa labal.