Ez 34:13 - Kaqchiquel Bible

¹³ Yin xkinelesan k'a kichin pa taq ruwach'ulew ri man kichin ta rije', y xkenmol k'a y xkenk'uaj pa kiruwach'ulew rije'. Xkenk'uaj richin xkebewa' pa taq juyu' richin ri kiruwach'ulew. Chuqa' xke'uk'ya' pa taq ch'uti'n raqen-ya' y xkek'oje' chupan chijun ri ruwach'ulew.

Ez 34:13 ပူးပေါင်းရင်းမြစ်များ

Wuj Richin Bix Chire ri Dios 106:47

Ri winaqi' israelita xkibij k'a: Jehová qa-Dios roj, qojakolo' k'a. Qojawelesaj-el chikikojol ri winaqi' ri man yatkitzeqelibej ta rat, Qojamolo' chik richin niqanimirisaj ri loq'olej abi', richin chi rik'in kikoten xtiqaya' aq'ij, yecha'.

Wuj Richin Bix Chire ri Dios 37:3

Takuquba' ak'u'x rik'in ri Jehová, y tabana' ri utz. Man tamalij kan y xk'ase' chupan ri ruwach'ulew.

Wuj Richin ri Isaías 30:25

Y xtibanatej k'a chupan ri q'ij ri', toq xkeken ri e etzelanel iwichin, y toq xketzaq ri kitobal, jari' toq xkebejaqatej-pe raqen taq ya' y nima'q rubey taq ya' chiri' pa ruwi' ronojel taq juyu' richin urtisanik pan iwi' rix.

Wuj Richin ri Isaías 49:9

Xtibij chike ri ek'o pa cárcel, chi ke'el-pe, y chike ri ek'o pa q'equ'm, chi tikik'utu-pe-ki'. Y rokik e tzolejineq-pe chupan ri kibey, xtikil ri kiway. Rokik e peteneq chupan ri tz'iran ruwach'ulew, kan k'o ri xtikitej.

Wuj Richin ri Jeremías 23:8

Xa kan xtikibij k'a: Utz ruwa-ruq'ij ri Jehová chi xerelesaj-pe ri qawinaq israelita chiri' chupan ri ruwach'ulew ri k'o pa xaman y ri pa taq ch'aqa' chik ruwach'ulew ri akuchi e rutalun-wi-el, xkecha'. Y keri' xkek'oje' jun bey chik chupan ri kiruwach'ulew, xcha' ri Dios.

Wuj Richin ri Jeremías 30:18

Chuqa' xtinjel ri ik'aslen y kan xtinjoyowaj iwech. Ri itinamit xtipabex chik q'anej pa ruwi' ri wulatejineq kan y ri rachoch ri rey kan xtipabex chik q'anej ri kan akuchi k'o-wi-pe.

Wuj Richin ri Jeremías 30:3

Roma k'o jun q'ij toq yin xkenk'en chik pe konojel ri winaqi' aj-Israel y ri aj-Judá, ri e nutalun-el pa taq ch'aqa' chik ruwach'ulew. Kan xkenk'en chik k'a pe jun bey chupan re ruwach'ulew ri xinya' chike ri iwati't-imama' richin xkichinaj rije', xcha' chuwe.

Wuj Richin ri Jeremías 31:8

Yin kan xkenk'en k'a pe kere' pa xaman chire ri ruwach'ulew y kan xkenmol k'a pe konojel, stape' k'a pa ruk'ulba't ri ruwach'ulew ek'o-wi. Y xkepe k'a konojel, chuqa' ri moyi', ri e jetz', ri ixoqi' ri koyoben taq kal y ri xek'oje' yan taq kal; kan janila k'a e k'iy ri xketzolin-pe.

Wuj Richin ri Jeremías 32:37

Jak'a toq maneq chik woyowal, k'ari' xkenmol chik konojel ri winaqi' ri' ri akuchi xentaluj-wi-el. Kan xkenk'en k'a pe re wawe' y xkenjikiba' re wawe' richin yek'ase' pa kiruwach'ulew.

Wuj Richin ri Jeremías 33:12

Yin Jehová ri k'iytisanel richin ronojel, ninbij: Chupan re ruwach'ulew re', man jun chik wineq ni chikop k'o. Jak'a ri q'ij ri' xtik'oje' chik kiway ri chikopi' ri akuchi ri yuq'unela' yetikir nikiyuq'uj chik ri taq kikarne'l.

Wuj Richin ri Jeremías 50:19

Xtinben chi rix xkixtzolin pan iruwach'ulew. Y chiri' kan jebel xkixwa' achi'el jun karne'l ri nik'oje' k'iy ruq'os chiri' pa juyu' Carmelo, pa ruwach'ulew Basán, pa k'echelaj richin Efraín y chiri' pa Galaad.

Ez 11:17

Jak'a ri ek'o pa ximonri'il ninbij chike: Yin xtinben chiwe richin xkixel-pe pa taq ruwach'ulew ri akuchi ixintalun-wi-el y kan xkixinmol chik. Y k'ari' xtinya' chik chiwe ri iruwach'ulew Israel.

Ez 20:41

Toq yin xkixinmol chi'iwonojel ri ixk'o pa taq ruwach'ulew ri akuchi ix nutalun-wi, jari' toq rix kan xtik'ut k'a ri nuk'ojlen chikiwech konojel winaqi' richin ri ruwach'ulew. Y jari' toq yin xkixink'ul rix achi'el jun sipanik ri kan nijubulin ruxla'.

Ez 20:42

Rix kan xtiwetamaj k'a in achike yin Jehová, ri rubanik ri nuna'oj, toq kan xkixink'en-pe chupan re ruwach'ulew richin Israel, ri ruwach'ulew ri kan nubin chi kan ninya-wi chike ri iwati't-imama'.

Ez 36:12

Xtinben k'a chi ri nutinamit Israel xtok chik kichin re ruwach'ulew re', richin chi xkek'oje' kan chiri' y xtikichinaj kan. Y man jun bey chik xtinya' q'ij chi xkeken ta roma wayjal ri kalk'ual.

Ez 36:24

Yin kan xkixinwelesaj k'a pe chikikojol ri tzobaj taq winaqi' ri e richin ri ch'aqa' chik ruwach'ulew y kan xkixinmol k'a y xkixink'uaj chik pan iruwach'ulew.

Ez 36:29

Kan xkixinkol k'a chuwech banobel ri nibanon chiwe chi yixok man ch'ajch'oj ta. Y chuqa' xtinya' pa ruk'iyal ri jalajoj ruwech ixin chiwe richin man jun bey chik xtitej wayjal.

Ez 36:30

Kan xtinben k'a chi janila xkewachin ri jalajoj ruwech che' y kan xtiwachin k'a ri ulew, richin man jun bey chik xtiqasex iq'ij chikikojol ri ch'aqa' chik winaqi' roma wayjal.

Ez 38:8

Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Ez 39:25

Man rik'in ri' yin Jehová ninbij chi xtinjoyowaj kiwech ri awinaq israelita y kan xkenk'en k'a pe akuchi e nutalun-wi-el roma rije' e rijatzul kan ri Jacob. Xtinben ronojel re' richin ninimirisaj ri loq'olej nubi'.

Ez 39:27

Y toq xkenwelesaj-pe chikikojol ri ch'aqa' chik tinamit ri akuchi ek'o-wi ri e etzelanel kichin, chikiwech ri winaqi' ri' kan xtink'ut k'a wi' chi yin kan in loq'olej-wi roma ri utzilej taq kibanobal ri awinaq israelita.

Am 9:14

Kan keri' k'a xtibanatej chi xkixinwelesaj-pe pa ximonri'il rix israelita. Xtipabex chik q'anej jun bey ri itinamit ri e wulatejineq kan, richin xkixk'oje' chik jun bey chiri'. Rix xtitik chik qa i-uva y xtiqum chik ri vino. Chuqa' xtitik qa jalajoj ruwech che' y kan ja rix xkixtijo.

Wuj Richin ri Miqueas 2:12

Ri Jehová xubij: Xkenmol chik konojel ri winaqi' israelita; xkenmol k'a ri xek'oje' kan chire ri rijatzul kan ri Jacob. Xkenya' akuchi man jun xtinaqo kichin, achi'el nuben ri yuq'unel kik'in ri karne'l pa ki-coral. Chupan ri ruwach'ulew ri' xkek'oje' pa ruk'iyal winaqi', achi'el jun soq'olbel nojineq rik'in karne'l, xcha' ri Dios.

Wuj Richin ri Miqueas 4:6

Toq xtapon ri q'ij ri' ri Jehová kan xkerumol chik ri xekajtej kan, y xtuben k'a chike ri e kajtajineq chi xke'ok jun tinamit. Xkerumol chuqa' ri kitalun-ki' richin xke'ok jun nimalej ruwach'ulew ri kan k'o ruchuq'a'. Y stape' xuben chike chi xkik'owisaj tijoj-poqonal, ri Jehová xtiq'aton-tzij pa kiwi' ri chiri' pa ruwi' ri juyu' Sión. Y keri' k'a xtuben tibe-q'ij tibe-seq.

Wuj Richin ri Miqueas 5:4

Y rija' kan xkeruyuq'uj rije' rik'in ri runimirinen y ri uchuq'a' richin ri Jehová ri qa-Dios. Y rije' kan kuqul k'a kik'u'x xkek'ase', roma ri rey ri' kan xtinimirisex k'a ruq'ij chuwech chijun ruwach'ulew.

Wuj Richin ri Sofonías 3:13

Ri ti juba' ri xkekolotej kan chiwe man xtikiben ta chik ri man utz ta. Man xtikitz'uk ta chik tzij. Kan man jun chik itzel ch'obonik xtikimey. Kan xkewa-xke'uk'ya' chi utzil, xke'uxlan k'a y kan man jun chik xtinaqo kichin.

Deut 30:3

K'ari' rija' xtuben chiwe chi xkixtzolej-pe chupan ri ximonri'il, kan xtujoyowaj iwech chi'iwonojel y xkixberuk'ama-pe akuchi ix rutalun-el y kan xkixrumol chik k'a jun bey chupan ri iruwach'ulew.