Ez 34:11 - Kaqchiquel Bible

¹¹ Yin Jehová ninbij chi xkenbenkanoj ri nuwinaq y kan xkenchajij jebel, achi'el jun utzilej yuq'unel kichin ri taq karne'l.

Ez 34:11 ပူးပေါင်းရင်းမြစ်များ

San Juan 10:16

Y yin man xaxe ta k'a q'ataj nukarne'l re' ri ek'o, xa kan ek'o k'a chuqa' ch'aqa' chik ri man jani ek'o ta wawe' chupan re jun qejoj re'. Kan xkenk'en k'a pe richin xtikak'axaj chuqa' ri nuch'abel. Chupan ri q'ij ri' xaxe yin ri xkinok kiyuq'unel, y xtik'oje' xaxe jun q'ataj nukarne'l.

San Lucas 19:10

Roma yin, ri xiqaqa-pe achi'el wineq chi'ikojol, kan in peteneq-wi chikikolik y chikikanoxik ri e sachinaqi', xcha' ri Jesús.

Wuj Richin ri Jeremías 31:8

Yin kan xkenk'en k'a pe kere' pa xaman chire ri ruwach'ulew y kan xkenmol k'a pe konojel, stape' k'a pa ruk'ulba't ri ruwach'ulew ek'o-wi. Y xkepe k'a konojel, chuqa' ri moyi', ri e jetz', ri ixoqi' ri koyoben taq kal y ri xek'oje' yan taq kal; kan janila k'a e k'iy ri xketzolin-pe.

Wuj Richin ri Jeremías 23:3

Stape' yin xkentaluj-el pa taq ch'aqa' chik ruwach'ulew, jak'a kan xtapon chik jun q'ij ri xtinmol chik kichi'. Xkentzolij k'a pe ri akuchi xeyuq'ux-wi pa nabey. Y wawe' xkek'iy-wi y kan xkek'iyer.

Wuj Richin ri Isaías 56:8

Yin Jehová ri ink'o pa ruwi' ronojel, y ja yin xkimolon kichi' konojel ri aj-Israel ri xa kitalun-ki'. Y ninjikiba' nutzij chi xkenmol chik ch'aqa' winaqi' kik'in.

Wuj Richin Bix Chire ri Dios 80:1

Tawak'axaj ri qach'owen, rat nimalej Jehová ri yachajin ri tinamit Israel. Qojachajij k'a, achi'el nuben jun yuq'unel kik'in ri taq rukarne'l. Rat ri atk'o pa kiwi' ri kiwachibel ri querubín,*f80*

Wuj Richin ri Isaías 45:12

Yin xinben re ruwach'ulew, y ja yin xibanon kichin konojel winaqi'. Kan ja ri nuq'a' yin xrik'on ri kaj; chuqa' kan ja yin xibin richin yek'oje' ri xmotza'.

Wuj Richin Bix Chire ri Dios 119:176

Yin kan xibiyin k'a achi'el jun karne'l ri sachineq. Jak'a rat Jehová kan kinakanoj yin ri in samajel, roma kan man numestan ta ri apixa'.

Deut 32:39

Titz'eta' k'a wakami, xaxe k'a ri Jehová ri qitzij Dios. Ja rija' ri nelesan ri k'aslen y rija' niya'on k'aslen; rija' ri nisokon iwichin rik'in ri ruk'ayewal y ja rija' naq'oman iwichin, Y man jun xkixkolon pa ruq'a'.

Os 5:14

Yin kan xkiyakatej k'a chirij ri Israel, achi'el toq niyakatej royowal jun koj. Xkiyakatej chuqa' chikij ri aj-Judá achi'el nuben jun alaj koj. Kan jak'a yin xkiwulan kichin, chirij ri' kan xkitzolej k'a; xkenchop k'a y man jun xkekolon pa nuq'a'.

Ez 6:3

Kan xtipe jun labal pa kiwi' ri juyu', ri taq'aj ruwi' taq juyu', ri ch'uti'n raqen taq ya' y ri taq'aj. Chuqa' kan xkewulatej k'a ri akuchi niya'ox-wi kiq'ij ri wachibel.

Ez 5:8

Xa roma ri' yin Jehová ri in rajaw ronojel ninbij chi yin chuqa' xkiyakatej chiwij rix winaqi' aj-Jerusalem. Kan chikiwech k'a ri tinamit ri ek'o chi'inaqaj xtinben chiwe chi xtijoj ri imak.

Wuj Richin ri Isaías 51:12

Ri Jehová nubij: Ja yin, ja yin ri' ri yikuquban ik'u'x. ¿Ix achike k'a rix richin chi nixibij-iwi' chuwech ri wineq ri xa q'axel, wineq ri xa kan chi'anin nik'is achi'el q'ayis?

Wuj Richin ri Isaías 48:15

Yin, ja yin ri xich'on. Y ja yin xinoyon ri achin ri'. Yin xtink'en-pe, richin ronojel utz xtel chuwech.

Wuj Richin ri Chojmirisabelri'il 26:28

yin chuqa' xtinpaba-wi' chiwech y rik'in k'a woyowal xtinya' chik wuqu' mul rutojbalil pan iwi' roma ri mak ri ye'iben.

Wuj Richin ri Rutikeribel 6:17

Yin kan xkenbenjaqa' k'a pe ya' pa ruwi' re ruwach'ulew, y ri ya' kan xkerumuq k'a konojel ri nikijiq'aj kaq'iq' ri ek'o chuxe' ri kaj. Konojel re' xkebek'is.

San Juan 10:11

Y ja yin k'a ri utzilej yuq'unel, y ri jun utzilej yuq'unel nuya' ri ruk'aslen richin utz yek'oje' ri rukarne'l.

Ez 11:17

Jak'a ri ek'o pa ximonri'il ninbij chike: Yin xtinben chiwe richin xkixel-pe pa taq ruwach'ulew ri akuchi ixintalun-wi-el y kan xkixinmol chik. Y k'ari' xtinya' chik chiwe ri iruwach'ulew Israel.

Ez 20:41

Toq yin xkixinmol chi'iwonojel ri ixk'o pa taq ruwach'ulew ri akuchi ix nutalun-wi, jari' toq rix kan xtik'ut k'a ri nuk'ojlen chikiwech konojel winaqi' richin ri ruwach'ulew. Y jari' toq yin xkixink'ul rix achi'el jun sipanik ri kan nijubulin ruxla'.

Wuj Richin ri Zacarías 9:16

Chupan ri q'ij ri' yin Jehová kan xkixinkol, achi'el nuben jun yuq'unel kik'in ri taq rukarne'l. Y kan jebel k'a xtiben chupan ri iruwach'ulew, achi'el yeyok'olin ri jalajoj kiwech taq abej ri nibe chuwech jun corona.

Wuj Richin ri Zacarías 10:3

Roma ri' yin Jehová kan janila xyakatej woyowal chikij ri yuq'unela' ri'. Kan xtinya' k'a rutojbalil-mak pa kiwi'. Pa kik'exel rije', ja yin Jehová ri k'o ronojel uchuq'a' wik'in ri xkiyuq'un kichin ri winaqi' aj-Judá, y kan xtinben chike chi xtikina-ki' achi'el ri kiej ri janila kuchuq'a' richin yebe pa labal.