Ez 34:10 - Kaqchiquel Bible

¹⁰ Kan xkiyakatej k'a chiwij y rix k'o chi xtibij chuwe achike roma man xe'ichajij ta ri nuwinaq. Man xkixk'oje' ta chik pa kiwi', man xkixtikir ta chik xtiwelesaj ri k'o kik'in y man xtiben ta chik chike richin nikitej poqon.

Ez 34:10 ပူးပေါင်းရင်းမြစ်များ

Wuj Richin ri Zacarías 10:3

Roma ri' yin Jehová kan janila xyakatej woyowal chikij ri yuq'unela' ri'. Kan xtinya' k'a rutojbalil-mak pa kiwi'. Pa kik'exel rije', ja yin Jehová ri k'o ronojel uchuq'a' wik'in ri xkiyuq'un kichin ri winaqi' aj-Judá, y kan xtinben chike chi xtikina-ki' achi'el ri kiej ri janila kuchuq'a' richin yebe pa labal.

Ez 34:2

Rat Ezequiel, kan ke'ach'olij ri aj-raqen ri ek'o pa ruwi' ri tinamit Israel roma rije' nikiben ri man utz ta. Y kere' tabij chike: Toq'ex k'a iwech rix ri ix aj-raqen pa ruwi' ri nutinamit Israel roma xa ja rix nichajij-qa-iwi', pa ruk'exel ye'ichajij ri iwinaq, achi'el ri yuq'unela' ri man yekichajij ta ri kikarne'l.

Ez 13:8

Roma ri' yin Jehová kan xkibeyakatej chikij ri xa nikibananej ri nikibila' y chikij ri nikibij chi k'o nik'utumej chikiwech y xa man qitzij ta.

Wuj Richin ri Jeremías 21:13

Rix aj-Jerusalem ri ixk'o chiri' pa taq'aj kojol juyu', kan ikuquban ik'u'x rik'in ri nimalej abej ri k'o chiri'. Rix kan nibij k'a chi man jun xtinaqo iwichin. Chuqa' nibij chi man jun nitikir nok-apo chupan ri itinamit. Yin Jehová ninbij chi kan xkinok etzelanel iwichin.

Hebreos 13:17

Kan tiqanimaj k'a kitzij ri qach'alal ri e uk'uey qichin richin niqaya' kikoten pa taq kánima, roma ja rije' ri yechajin ri qánima, y k'o chi nibekiq'alajirisaj chuwech ri Dios ri samaj ri nikiben. Roma wi xa man niqanimaj ta kitzij, rije' xtikiben ri kisamaj rik'in bis. Y re' xa man jun utz ruk'amon-pe.

Wuj Richin ri Nahum 2:13

Ri Jehová k'iytisanel richin ronojel nubij: Jare' ink'o richin yixink'is. Xkenporoj k'a ri i-carruaje y xkebuqulin pa sib, Kan xkenk'is k'a ri iwalk'ual. Kan man xtinya' ta kan richin ja rix ta yixch'akon. Y kan man jun bey chik k'a xtak'axatej kich'abel ri yech'on pan iwi' rix.

Ez 34:8

Yin Jehová ninbij chi xepe yan jalajoj kiwech e etzelanel wichin richin xekik'is yan ri nuwinaq, achi'el ri k'uxunela' taq chikopi' ri ye'uk'uan-el ri karne'l. Chuqa' xa iyon rix ichajin-qa-iwi' y man e ichajin ta rije'.

Ez 3:18

Toq yin ninwajo' ninbij chire jun awinaq aj-mak chi niqaqa kamik pa ruwi', rat k'o chi xtabij chire. Y wi man xtabij ta chire y rija' man nuya' ta kan ri mak richin chi nik'ase' chik juba', re wineq re' kan xtiken k'a roma ri rumak y yin xtink'utuj k'a ri ruk'aslen chawe rat.

Wuj Richin Bix Chire ri Dios 23:5

Rat Jehová kan naben jun nimaq'ij richin yiwa' chikiwech ri e etzelanel wichin. Kan naya' k'a utz peten chuwe, Y kan nanojisaj k'a ri nuqumbal, k'a toq nipulin-el.

1 Pedro 3:12

Ri rutzubal ri Jehová ruya'on k'a pa kiwi' ri choj kik'aslen. Rija' kan nrak'axaj ri kich'owen. Ri Jehová kan nuteq k'a pe ri royowal pa kiwi' ri man utz ta nikiben.

Ez 35:3

Y jare' k'a ri rutzijol: Yin, ri Jehová, kan in yakatajineq chiwij, y xtinq'alajirisaj chiwe ri xtibanatej pan iwi'. Xtintzeqej k'a ri nuq'a' pan iwi' y xtinben jun tz'iran chire ri iruwach'ulew y xtitole' kan.

Ez 34:22

Jak'a yin kan xkenkol ri nutinamit. Kan man xtinya' ta chik q'ij richin ye'eleq'ex-el, kan jak'a yin xkiq'aton-tzij chi'ikojol rix.

Ez 21:3

Yin kan xkinok k'a etzelanel kichin y xtinwelesaj ri nu-espada chikij y kan xkenkamisaj konojel ri winaqi', ri choj kik'aslen y ri aj-maki'.

Ez 5:8

Xa roma ri' yin Jehová ri in rajaw ronojel ninbij chi yin chuqa' xkiyakatej chiwij rix winaqi' aj-Jerusalem. Kan chikiwech k'a ri tinamit ri ek'o chi'inaqaj xtinben chiwe chi xtijoj ri imak.

Ez 3:20

Y chuqa' toq k'o jun awinaq ri choj ruk'aslen ri rubanon-pe y k'ate' nuya' kan re jun utzilej k'aslen re' y nuchop rubanik etzelal, rat xtabij chire. Jak'a wi rat man jun xtabij chire y yin xtinya-pe ruk'ayewal pa ruwi' richin niken, yin man xtinya' ta ri rejqalen ri utz ri xeruben y chawe k'a rat ri xtink'utuj-wi ri ruk'aslen roma man xabij ta chire ri ruk'amon richin ta xuben.

Wuj Richin ri Jeremías 50:31

Yin Jehová ri k'o ronojel uchuq'a' wik'in ninbij chi kan in yakatajineq chikij konojel ri kinimirisan-ki'. Y wakami xapon ri q'ij richin ninya' ri rutojbalil pa kiwi'.

Wuj Richin ri Jeremías 39:6

Y ri Nabucodonosor xuteq kikamisaxik ri e ruk'ajol ri Sedequías, chiri' chuwech rija'. Keri' chuqa' xuben kik'in konojel ri aj-raqen ri e richin Judá.

Ez 13:23

Roma ri', man jun bey chik xtik'utumej chikiwech ri man e qitzij ta, ni man xtiq'alajirisex ta chik ch'abel ri xa man e qitzij ta. Y yin kan xtinkol k'a el ri nutinamit pa kiq'a' y k'ari' xtiketamaj rije' chi ja yin Jehová, xcha'.

Ez 34:9

Roma ri' rix aj-raqen tiwak'axaj k'a ri nuch'abel yin Jehová: