Ez 33:4 - Kaqchiquel Bible

⁴ Jak'a ri wineq ri xrak'axaj jebel ri trompeta toq xq'ajan y xuben chi achi'el man xrak'axaj ta, kan xtapon k'a ri kamik rik'in y rija' xtrejqalej ri rukamik.

Ez 33:4 ပူးပေါင်းရင်းမြစ်များ

Ez 18:13

Kan nuk'ul ral ri méro ri nuya' pa qajik chike ri ruwinaq y toq nuya' pa qajik chike ri man e ruwinaq ta kan nuk'utuj k'iy ral chike. Re itzel alk'ualaxel re' kan man xtik'ase' ta k'a k'iy q'ij. Roma ronojel ri itzel taq rubanobal ri xeruben, kan xtiken k'a. Kan man jun makul chire y kan xtrejqalej ri rumak.

Hechos 18:6

Jak'a rije' kan man niqa' ta k'a chikiwech ri nubij ri Pablo, y k'iy k'a itzel taq tzij ri yekibila'. Roma ri' ri Pablo xutotaj ri rutziaq, richin keri' tikinabej chi man utz ta ri xkiben. Xubij k'a chuqa' chike: Ja rix k'o imak wi xkixbeqaqa pa ruk'ayewal. Yin xinel yan k'a chuwech, roma kan xinya' ri rutzijol chiwe. Re wakami yixinya' k'a kan, richin yibe kik'in ri winaqi' ri xa man e judío ta, xcha' kan chike.

Ez 33:9

Jak'a wi rat xaya' rutzijol chire y rija' man xuchojmirisaj ta ri ruk'aslen, rija' kan xtiken k'a roma ri rumak. Jak'a rat man xtawejqalej ta ri rukamik.

Wuj Richin ri Jeremías 6:17

Xenya' chajinela' richin chi xkibij chiwe chi tiya' ixikin chire ri trompeta. Jak'a rix xa xibij chi man niwajo' ta niya' ixikin chire.

2 Crón 25:16

Y toq ri q'alajirisanel nubij keri', jari' toq ri rey xubij-apo: ¿At ya'on kan rat richin napixabaj ri rey? Man chaq ronojel ke'abij. ¿O nawajo' richin yakamisex?, xcha'. K'ari' ri q'alajirisanel xtane' rik'in re ch'abel re': Wakami wetaman chik chi ri Dios kan xkaberuk'isa' roma kere' xaben, y man xataqej ta ri xinbij chawe, xcha'.

Ez 33:5

Roma xa xrak'axaj ri trompeta y xa xuben chi man xrak'axaj ta, kan xtrejqalej k'a ri rumak, jak'a ri nixupun ri trompeta man jun rumak roma kan xuya' rutzijol.

Santiago 1:22

Y man xaxe k'a tiwak'axaj ri ruch'abel ri Dios, xa kan tibana' chuqa' ri nubij. Roma wi xaxe niwak'axaj ri ruch'abel ri Dios y man niben ta ri nubij, xa iyon rix niq'ol-qa-iwi'.

Hechos 20:26

Roma ri' kan ninbij kan chiwe, chi man numak ta yin wi ek'o ri xkebeqaqa k'a chupan ri ruk'ayewal.

Wuj Richin Etamabel-Tzij 29:1

Ri wineq banoy richin etzelal, ri kan man nuqasaj ta ri', kan pa jun ti ramaj xtiya'ox-pe ri kamik pa ruwi' y man jun chik ri xtikolon richin.

1 Rey 2:37

Y wi k'o jun q'ij xkatel-el wawe' y xtaq'axaj ri ch'uti'n raqen-ya' Cedrón, tawetamaj k'a chi xkabeken y kan ja rat ri k'o amak, xcha' ri Salomón chire.

2 Sam 1:16

Y toq niken yan qa, jari' toq ri David xubij chire: Ja rat k'o amak roma kan xaya' chawij chi ja rat xakamisan ri rey ri rucha'on ri Jehová, xcha'.

Wuj Richin ri Chojmirisabelri'il 20:9

Wi k'o ta jun wineq nroyoj itzel pa ruwi' rute' o pa ruwi' rutata', kan tikamisex k'a, roma kan rute' o rutata', y xroyoj itzel pa ruwi' roma ruyon k'a rija' xukanoj rukamik.

Wuj Richin ri Jeremías 25:3

Kan ja chupan ri juna' oxlajuj richin ri ruq'atbal-tzij kan ri Josías ruk'ajol ri Amón, k'a chupan re q'ij re', juwineq oxi' yan k'a juna' ri ruchapon-pe ri nich'on ri Jehová wik'in. Yin kan in ch'owineq k'a pe iwik'in, jak'a rix xa man iya'on ta ixikin chire ri nuch'abel.