Ez 33:28 - Kaqchiquel Bible

²⁸ Kan xtinben k'a chire ri iruwach'ulew richin xtok jun tz'iran y xtinwelesaj ri iwuchuq'a' ri achoq ik'in inimirisan-iwi'. Ronojel ri juyu' xke'ok tz'iran, richin man jun chik wineq xtiq'ax chiri'.

Ez 33:28 ပူးပေါင်းရင်းမြစ်များ

Ez 7:24

Yin xkenk'en k'a pe itzel taq winaqi' ri e richin ch'aqa' chik ruwach'ulew richin xke'ok'oje' chupan ri iwachoch. Chuqa' ri jay ri akuchi niya-wi kiq'ij ch'aqa' chik dios, re' xke'ok man ch'ajch'oj ta. Y kere' kan xtinqasaj k'a kiq'ij ri e nima'q taq iwinaq.

Wuj Richin ri Miqueas 7:13

Ri kiruwach'ulew kan xtitole' k'a kan roma ri kibanobal ri winaqi' ri ek'o chuwech.

Ez 24:21

Stape' janila nikajo' ri wachoch ri k'o pa Jerusalem y kan janila kikuquban kik'u'x rik'in, yin kan xtinya' jun nimalej ruk'ayewal pa ruwi'. Y ri imi'al y ri ik'ajol ri xe'iya' kan pa Jerusalem xa xkekamisex.

Ez 6:14

Chupan ri q'ij ri', xtintzeqej k'a nuq'a' pa kiwi' ri awinaq israelita richin ninya' rutojbalil-mak pa kiwi'. Y kan k'a kela' pa xokon chire ri tz'iran ruwach'ulew, k'a kela' pa xaman chire ri tinamit Riblá, kan xtinben k'a tz'iran chire chijun ri ruwach'ulew. Y kan xtiketamaj chi ja yin Jehová, xcha' chuwe.

Wuj Richin ri Jeremías 44:22

Jak'a ri Jehová man nukoch' ta chik ri itzel taq ibanobal ri ye'ibanala'. Roma ri' ri qaruwach'ulew wakami k'o pa wululen y man jun k'o chiri'. Kan xok k'a jun k'ambel-tzij richin qajineq itzel pa ruwi', y wakami kan nak'en rukiy toq natz'et.

Wuj Richin ri Jeremías 44:6

Roma ri' kan janila xyakatej woyowal y kan xinwelesaj woyowal pa ruwi' ri ruwach'ulew Judá y pa taq bey richin ri tinamit Jerusalem. Kan xwuluwu' y xtole' kan re tinamit re', k'a re wakami.

Wuj Richin ri Jeremías 44:2

Kere' ninbij yin Jehová k'iytisanel richin ronojel, ri i-Dios: Rix kan xitz'et ronojel ri ruk'ayewal ri xinteq-pe pa ruwi' ri Jerusalem y pa kiwi' konojel tinamit richin Judá. Y roma ri', re wakami kan man jun chik wineq k'o chiri' y kan xwuluwu' kan jumul,

Ez 36:4

Roma ri' tak'axatej k'a ri nuch'abel pa ruwi' taq juyu', ri kokoj taq juyu', ri siwan, ri taq'aj kojol taq juyu', ri akuchi e wulatejineq kan y ri tinamit ri xe'ok kan tz'iran, chiri' ri akuchi xe'uk'uex-el ronojel ri ek'o chupan. Re ruwach'ulew re' xa kan xyojobex y roma ri' yin Jehová ninya' k'a nutzij chi

Ez 15:8

Y kan xtinben k'a chire ri ruwach'ulew chi xtibetole' kan, roma rije' man xkiben ta ri xinbij chike. Ja yin Jehová ri yibin, xcha'.

Ez 12:20

Konojel k'a tinamit ri ek'o chiri' kan xketole' kan y xtok tz'iran. K'ari' xtiketamaj ri winaqi' chi ja yin ri' ri in Jehová, xcha'.

Wuj Richin ri Jeremías 25:11

Chijun k'a ri itinamit kan xtik'is y kan xtitole' kan. Y re tzobaj winaqi' re' kan xtibekisamajij oxk'al lajuj juna' ri rey richin Babilonia.

Wuj Richin ri Jeremías 16:16

Yin Jehová ri yibin. Xkenteq k'a pe e k'iy karunela' richin yekichop-el. Xkenteq-pe e k'iy kanonela' y xkekichop-el ri ek'o pa taq juyu' y pa ruwi' kojol taq juyu' y k'a pa taq jul chire ri nima'q taq abej.

Wuj Richin ri Jeremías 9:11

Y ri Dios xubij chi xtiberubana' chire ri tinamit Jerusalem chi xtipe jun wululen pa ruwi'. Chuqa' xtuben chire chi xtok kijul ri chikopi' achi'el utiwa'. Y chike ri ch'aqa' chik tinamit richin ri Judá xtuben richin xke'ok tz'iran taq ruwach'ulew y kan man jun chik wineq ri xtik'oje' chiri'.

Wuj Richin ri Isaías 6:11

Y yin xink'utuj chire ri janipe' q'ij xtiyaloj re ruk'ayewal re'. Y rija' xubij chuwe: K'a ja toq ri tinamit xtitole' kan, y kan man jun chik kajaw: K'a ja toq man jun chik wineq chupan ri taq jay, y toq ri ruwach'ulew richin tiko'n xtok kan tz'iran:

2 Crón 36:21

Ronojel re' xbanatej richin xtz'aqet ri rubin ri Jehová chire ri Jeremías ri q'alajirisey ruch'abel. Keri' ri ruwach'ulew Judá xk'oje' kan rik'in uxlanenri'il, k'a toq xtz'aqet na oxk'al lajuj juna' richin xuxlan.

Wuj Richin ri Isaías 41:15

Kan xtinben chi xtik'oje' iwuchuq'a', achi'el jun tz'alem ch'ayibel trigo ri ya'on clavo chirij. Kan xke'ik'is ri e etzelanel iwichin, achi'el xa ta niq'ax re jun ch'ayibel trigo re' pa ruwi' ri juyu'. Y rix kan xtiben poqolaj chike, achi'el toq nuk'uaj kaq'iq' ri solot.

Wuj Richin ri Jeremías 9:10

Yin yinoq' y yibison roma ri k'echelaj. Yin ninbixaj jun bix richin bis roma ri juyu' richin soq'olbel, roma xa xek'at y man jun chik achike ye'ik'o pa kiwi'. Kan man nak'axex ta chik koq'ej ri awej y keri' chuqa' ri aj-xik' taq chikopi' y ri chikopi' richin k'echelaj. Konojel xa xe'animej yan el.

Wuj Richin ri Jeremías 18:16

Jak'a re wakami ri iruwach'ulew xtok jun tz'iran. Konojel winaqi' richin ch'aqa' chik ruwach'ulew ri xkeq'ax keri' kan janila xtikimey y kan xtikisiloj ri kijolon. Y jantape' k'a xtikiyojobej.

Wuj Richin ri Jeremías 52:27

Y chiri' xerukamisaj-wi kan. Y ri ch'aqa' chik aj-Judá xe'uk'uex-el pa ximonri'il nej chire ri kiruwach'ulew.

Ez 5:14

Yin kan xtinben k'a chire ri itinamit Jerusalem chi kan man jun chik rejqalen. Kan xtinqasaj k'a ruq'ij chikiwech konojel ruwach'ulew ri ek'o chunaqaj.

Ez 33:29

Toq yin xtinwulaj ri ruwach'ulew y xtinben kan tz'iran chire roma ri imak ri kan yenwixowaj, jari' toq xtiwetamaj k'a chi ja yin Jehová, xkacha' chike.

Wuj Richin ri Sofonías 1:2

Jare' k'a ri rutzijol ri xuya' ri Jehová chuwe: Xkenk'is-el konojel ri ek'o chuwech re ruwach'ulew. Yin Jehová ri yibin.

Wuj Richin ri Chojmirisabelri'il 26:19

Kan xtinqasaj k'a iq'ij, ri kaj man chik xtuya' ta pe job, y roma ri' kan xtikowir ri iwulew.