Ez 33:27 - Kaqchiquel Bible

²⁷ Taya' k'a re rutzijol re' chike: Chi'iwonojel rix ri ixk'o kan pa taq tinamit ri e wulatejineq, kan xkixkamisex. Y rix ri ixk'o pa taq juyu', xtinben chiwe chi xkixtij koma ri k'uxunela' taq chikopi'. Y rix ri iwewan-iwi' kojol taq jul xkixken k'a roma yabil.

Ez 33:27 ပူးပေါင်းရင်းမြစ်များ

Wuj Richin ri Jeremías 42:22

Roma ri' re wakami kan qitzij ninbij chiwe chi xkixken chi espada o rik'in wayjal o rik'in nima-yabil, chiri' akuchi nirayij yixbek'oje-wi, xicha' chike.

1 Sam 13:6

Toq ri israelita xkina' chi kan yech'akatej yan koma ri aj-Filistea, xa xe'animej y xkewaj-ki' pa taq jul, chuxe' taq ulew, kojol taq abej y chupan ri nima'q taq jul ri e k'oton.

Ez 39:4

richin rat kan xkaken k'a pa taq juyu' richin ri ruwach'ulew Israel y chuqa' ri aj-labal ri e awachibilan-pe, junan kik'in ri winaqi' ri kibanon tununri'il awik'in. Y ri ich'akul kan xke'ok kiway ronojel kiwech aj-xik' taq chikopi' ri nikitej ti'ij y xke'ok chuqa' kiway konojel k'uxunela' taq chikopi'.

Ez 33:24

Ri awinaq ri k'a ek'o na chiri' pa Judá, ri ek'o pa taq tinamit ri e wulatejineq chik kan, nikich'ob chi ri Abraham xa ruyon-ok y man rik'in ri' xok rajaw ri ruwach'ulew. Roma ri' rije' nikich'ob chi roma rije' e janila e k'iy kan xketikir chuqa' xtikichinaj ri ruwach'ulew ri'.

Wuj Richin ri Jeremías 44:12

Xtinben chiwe ri xixpe pan Egipto chi kan xkixink'is. Xkixtzaq chi espada y xkixken roma wayjal. Ri más ko'ol k'a ri más nim, kan xkixinkamisaj y xkixok ya'ol taq k'ix. Iwoma rix ri ch'aqa' chik winaqi' xtikixibij-ki' y chuqa' xtiqaqa itzel pan iwi'.

Wuj Richin ri Jeremías 41:9

Y ri jul ri akuchi xeruya-wi ri kich'akul ri kaminaqi' ri xerukamisaj ri Ismael, ja jul ri' ri xuben ri rey Asá ojer kan, richin xuto-ri' chuwech ri Baasá, rey richin ri tinamit Israel. Jak'a ri Ismael kan xnojisaj chi kaminaqi'.

Wuj Richin ri Isaías 2:19

Toq ri Jehová xtiyakatej richin nusiloj ri ruwach'ulew, ri winaqi' xtikewaj-ki' chuxe' nima'q taq abej, y chuxe' taq jul xtikewaj-ki' chuwech ri Jehová, roma rija' kan k'o rukiy y ri rusaqil ri ruk'ojlemal kan nunojisaj ri ruwach'ulew rik'in xibinri'il.

1 Sam 24:3

Y toq ri Saúl xapon akuchi yek'oje-wi ri tzobaj karne'l ri chuchi' bey, chiri' k'o k'a jun nimalej jul. Y rija' xok k'a apo chiri' richin xbechulun kan. Jak'a ri David y ri aj-labal xa kan k'a chupan apo ri jul ri' ek'o-wi.

1 Sam 23:14

Y ri David xebek'oje' k'a chuwi' taq juyu' richin xbekewaj-ki' pa taq jul chiri' pa tz'iran ruwach'ulew richin Zif. Y ri Saúl kan ronojel k'a q'ij xerukanoj, jak'a ri Dios man xeruk'ut ta chuwech.

1 Sam 22:1

Y chirij re', ri David xel k'a el pa Gat richin xrewaj-el-ri' chupan ri jul chiri' pa Adulam. Y toq ri rach'alal y konojel ri ek'o pa rachoch ri rutata' xketamaj akuchi k'o-wi chuqa' rije' xbekewaj-ki' rik'in.

Wuj Kichin ri To'onela' 6:2

Y rije' kan xkiben k'a chike ri israelita chi xkitej poqon, y roma ri' xkikanola' ri akuchi xkewala-wi-ki': Ek'o xkewala-ki' kojol taq juyu', pa ruwi' taq juyu' y pa taq jul ri ek'o chiri'. Chiri' xek'oje-wi richin xkito-ki'.

Ez 14:21

Roma ri' kere' ninbij yin: Xtapon k'a ri q'ij chi yin xtinteq k'a pe kaji' ruwech ruk'ayewal pa ruwi' ri tinamit Jerusalem: Ri oyowal, ri wayjal, ri k'uxunela' taq chikopi' y ri yabil. Y re' kan xkeruk'is ri winaqi' y ri kawej.

Wuj Richin ri Sofonías 1:2

Jare' k'a ri rutzijol ri xuya' ri Jehová chuwe: Xkenk'is-el konojel ri ek'o chuwech re ruwach'ulew. Yin Jehová ri yibin.