Ez 33:22 - Kaqchiquel Bible

²² Jak'a ri aq'a' toq man jani tapon ri uk'uayon ri rutzijol chuwe, ri Jehová xutzeqej yan ri ruq'a' pa nuwi' richin xitikir xich'on chik jun bey. Y ri nimaq'a' toq xoqaqa ri achin ri niya'on rutzijol chuwe xich'on rik'in.

Ez 33:22 ပူးပေါင်းရင်းမြစ်များ

Ez 37:1

Ri Jehová xuya' ri ruq'a' pa nuwi' richin xiruk'uaj-el pa jun achi'el achik' pa jun taq'aj kojol juyu' ri akuchi nojineq rik'in baq kichin winaqi'.

San Lucas 1:64

Kan chupan k'a ri ramaj ri', ri Zacarías xch'on chik jun bey. Y xunimirisaj ruq'ij ri Dios.

Ez 40:1

Toq xtz'aqet juwineq wo'o' juna' chi qojk'amer-pe pa Babilonia, chuqa' jari' toq xtz'aqet kajlajuj juna' tich'akatej ri qatinamit Jerusalem. Y chupan ri q'ij lajuj chire ri nabey ik' chire ri juna' ri', xpe ri ruchuq'a' ri Jehová pa nuwi' y chupan jun achi'el achik' xiruk'uaj-el pan Israel.

Ez 3:22

Y chirij re' ri ruchuq'a' ri Jehová xpe chik jun bey wik'in y xubij chuwe chi kibiyin pa taq'aj y chiri' xtich'on wik'in.

2 Corintios 6:11

Roj kan man jun k'a ri man ta qabin chiwe rix qach'alal ri ixk'o pa Corinto. Kan ronojel k'a ri k'o pa qánima xqabij yan chiwe.

Ez 8:1

Xk'uluwachitej k'a chi chupan ri ro' q'ij chire ri ruwaq ik' richin ri ruwaq juna' toq oj eleneq-pe pa qaruwach'ulew. Yin Ezequiel in tz'uyul k'a pa wachoch y ri achi'a' ri k'o kiq'ij richin ri Judá e tz'uyul-apo chinuwech. Jari' toq ri ruchuq'a' ri Jehová xoqaqa pa nuwi'.

Ez 29:21

Chupan k'a ri q'ij ri', xtinben chi ri awinaq israelita xtinimer ri kuchuq'a' y rat Ezequiel, kan xkatikir chik xkach'on kik'in. Y k'ari' xtiketamaj chi ja yin Jehová, xcha'.

Ez 33:23

Chirij re' ri Jehová xch'on wik'in y xubij chuwe:

Ez 24:25

Y ri Dios xubij chuwe chi xtrelesaj-el ri rachoch ri achoq ik'in kikuquban kik'u'x ri nuwinaq y achoq ik'in yekikot-wi. Chuqa' xtrelesaj k'a ri kik'aslen ri kimi'al-kik'ajol.