Ez 33:21 - Kaqchiquel Bible

²¹ K'o k'a jun q'ij jun achin xanimej-pe ri chiri' pa Jerusalem y xapon wik'in, toq xtz'aqet kablajuj juna' chi xojk'amer-pe pa Babilonia, chupan ri ro' q'ij chire ri ik' kablajuj. Y rija' xutzijoj chuwe chi ri tinamit Jerusalem xch'akatej pa kiq'a' ri e etzelanel qichin.

Ez 33:21 ပူးပေါင်းရင်းမြစ်များ

Ez 40:1

Toq xtz'aqet juwineq wo'o' juna' chi qojk'amer-pe pa Babilonia, chuqa' jari' toq xtz'aqet kajlajuj juna' tich'akatej ri qatinamit Jerusalem. Y chupan ri q'ij lajuj chire ri nabey ik' chire ri juna' ri', xpe ri ruchuq'a' ri Jehová pa nuwi' y chupan jun achi'el achik' xiruk'uaj-el pan Israel.

Ez 32:1

Toq xtz'aqet yan kablajuj juna' chi xojk'amer-pe pa Babilonia, chupan ri nabey q'ij chire ri ik' kablajuj, ri Jehová xch'on chik wik'in y xubij chuwe:

2 Rey 25:10

Y ri Nebuzaradán xuteq rubixik chike ri aj-labal aj-Babilonia richin tikiwulaj ri tz'aq ri k'o chirij ri tinamit.

2 Rey 25:4

Chupan ri q'ij ri' ri aj-Babilonia xkiben jun jul chupan ri tz'aq richin ye'ok chupan ri tinamit. Roma ri' ri Sedequías y konojel ri aj-labal xe'animej-el ri aq'a' ri' stape' ri aj-Babilonia kisutin-rij ri tz'aq. Ri Sedequías y ri achi'a' xe'ik'o-el ke taq ri' akuchi k'o-wi ruchi' ri ruqejoj ri rey, ri k'o chukojol ri ka'i' tz'aq. Rije' xkichop-el bey richin xebe pa relebel-q'ij chire ri raqen-ya' Jordán.

Wuj Richin ri Jeremías 40:1

Toq xch'akatej yan ri Jerusalem, yin kan in ximon k'a rik'in cadena chikikojol ri nuwinaq aj-Judá richin yojuk'uex yan el pa Babilonia. Y chiri' pa tinamit Ramá xapon ri Nebuzaradán aj-raqen pa kiwi' ri aj-labal. Jari' toq xiril y xirukol kan. Y jari' toq ri Jehová xch'on wik'in.

Ez 24:1

Toq xtz'aqet yan beleje' juna' chi oj uk'uan-el pa Babilonia, chupan ri q'ij lajuj chire ri ik' lajuj, jari' toq ri Jehová xubij chuwe:

Ez 24:2

Rat Ezequiel, tatz'ibaj k'a re rajlabal re q'ij re' roma ri rey richin Babilonia xa xuteq rubixik chi tichapatej ri oyowal chiri' pa tinamit Jerusalem.

Ez 31:1

Toq xtz'aqet yan julajuj juna' chi xojk'amer-pe pa Babilonia, chupan ri nabey q'ij chire ri rox ik', ri Jehová xch'on chik wik'in y xubij chuwe:

Ez 32:17

Toq xtz'aqet wolajuj q'ij, ri Jehová xch'on chik wik'in y xubij chuwe: