Ez 33:19 - Kaqchiquel Bible

¹⁹ Jak'a wi jun wineq ri itzel ruk'aslen nuya' ta kan ri itzel rubanobal y nuben ri utz, rija' kan xtik'ase'.

Ez 33:19 ပူးပေါင်းရင်းမြစ်များ

Ez 33:14

Rik'in juba' ninbij chire jun wineq ri rujachon-ri' chubanik ri etzelal chi rija' kan xtiken roma ri itzel rubanobal. Jak'a wi rija' xa nitzolej k'a pe ruk'u'x y nuya' kan ri itzel k'aslen y nuchop k'a rubanik ri utz,

Ez 18:21

Y wi ta ri banoy etzelal nuchojmirisaj ruk'aslen y man nuben ta chik ri achi'el rubanon-pe y nutaqej ronojel ruwech pixa' y nuben ronojel pa ruchojmilal, kan xtik'ase' k'a kan y man xtinwelesaj ta ri ruk'aslen.

Ez 33:12

Roma ri' rat Ezequiel, taya' chike ri awinaq re jun rutzijol re': Wi k'o ta jun wineq ri utz ruk'aslen y niyakatej chuwij, ronojel ri utz rubanon-pe man jun rejqalen y man xtikolotej ta kan chire ri rutojbalil. Y wi ta jun wineq ri k'o ta jun rumak y nuya' kan ri itzel rubanobal, man rik'in ta k'a ri itzel ruk'aslen rubanon-pe, man jari' ta ri xtikamisan richin. Y wi ta ri utz ruk'aslen nimakun, ri utz ri xuben ojer kan, man jun chik xtuq'ajuj richin chi roma ta ri' man ta xtiken.

Ez 33:18

Wi jun wineq choj ruk'aslen nuya' ta kan ri utzilej k'aslen ri ruk'uan y nuchop ta rubanik itzel banobel, re wineq re' kan xtiken roma kan itzel ri yeruben.

Ez 33:20

Rix winaqi' israelita kan ye'ikamuluj k'a rubixik y nibij chi yin Jehová xa kan man pa ruchojmilal ta ri ninben. Jak'a yin kan chi'ijujunal k'a xtinq'et-tzij pan iwi'. Wi rix xtiben utz, yin xtinya' urtisanik pan iwi'. Jak'a wi xtiben itzel, yin kan xtinya' rutojbalil ri imak, xcha' ri Dios.