Ez 33:17 - Kaqchiquel Bible

¹⁷ Jujun chiwe rix israelita nibij k'a chi yin man pa ruchojmilal ta ri ninben, xa jak'a rix ri man pa ruchojmilal ta ri niben.

Ez 33:17 ပူးပေါင်းရင်းမြစ်များ

Ez 18:29

Jak'a rix nibij chi yin xa man pa ruchojmilal ta yinajin chubanik. Jak'a yin ninbij chi xa ja rix ri tinamit Israel ri man pa ruchojmilal ta ri niben.

Ez 18:25

Jak'a rix nibij chi yin man pa ruchojmilal ta ri ninben. Roma ri' kan ninbij chiwe rix winaqi' israelita chi xa ja rix ri yixbanon ronojel itzel taq banobel y re' man pa ruchojmilal ta.

Ez 33:20

Rix winaqi' israelita kan ye'ikamuluj k'a rubixik y nibij chi yin Jehová xa kan man pa ruchojmilal ta ri ninben. Jak'a yin kan chi'ijujunal k'a xtinq'et-tzij pan iwi'. Wi rix xtiben utz, yin xtinya' urtisanik pan iwi'. Jak'a wi xtiben itzel, yin kan xtinya' rutojbalil ri imak, xcha' ri Dios.

Wuj Richin ri Achin Job 40:8

¿Achike roma toq rat nabij chi ri nuq'atbel-tzij yin xa man utz ta ri nuk'en-pe, y xaxe richin chi niq'alajin chi rat xa man at aj-mak ta?

Wuj Richin ri Achin Job 35:2

¿Nach'ob rat chi kan utz ri xabij chi rat más at choj chuwech ri Dios?

Ez 33:2

Rat Ezequiel, kach'on kik'in ri awinaq y taya' re jun rutzijol re' chike: Toq yin xtinben chi xtipe jun labal pa ruwi' jun ruwach'ulew. Ri winaqi' richin ri ruwach'ulew ri' xtikiya' jun chajinel.

Ez 33:16

Wi rija' nuben kere', kan xtik'ase' roma xuben ri utz y man jun bey chik xtoqaqa chinuk'u'x ri rumak ri rubanalon-pe.

Ez 33:18

Wi jun wineq choj ruk'aslen nuya' ta kan ri utzilej k'aslen ri ruk'uan y nuchop ta rubanik itzel banobel, re wineq re' kan xtiken roma kan itzel ri yeruben.