Ez 32:24 - Kaqchiquel Bible

^24-25 Chiri' chuqa' ek'o-wi ri aj-labal aj-Elam ri xeken chi espada. Rije' chuqa' xekixibij ri ch'aqa' chik winaqi', jak'a re wakami, konojel k'a re winaqi' re', ri maneq Dios chikiwech, ek'o chikikojol ri xeken yan el. Y re wakami xa man jun ruwaq'ijaj ri xkik'ul, roma xa junan xek'oje' kik'in rije'.

Ez 32:24 ပူးပေါင်းရင်းမြစ်များ

Ez 32:30

Chiri' ek'o-wi konojel ri e aj-raqen ri xek'oje' pa xaman y konojel ri winaqi' aj-Sidón. Stape' re winaqi' re' xkiya' jun xibinri'il chike ri ch'aqa' chik winaqi', jak'a re wakami xa ek'o chik chikikojol ri xeken pa labal y kan xqasex k'a kiq'ij. Re winaqi' re' man xkiya' ta nuq'ij y re wakami xa e muqun chik.

Ez 32:18

Rat Ezequiel, katoq' junan kik'in ri ixoqi' richin ch'aqa' chik ruwach'ulew ri kan k'o kiq'ij. Katoq' pa kiwi' ri janila chi winaqi' ri e richin ri ruwach'ulew Egipto ri xkebe pa jul richin muqbel kik'in ri e kaminaqi' chik el.

Ez 26:20

Y konojel k'a winaqi' xkeken-el y xke'apon akuchi ek'o-wi ri kaminaqi', ri xek'ase' ojer kan. Keri' k'a xkixk'oje' chikikojol kaminaqi' ri ek'o chuxe' ri ulew ri e wulatejineq chik kan richin jantape'. Y man jun bey chik xkaq'alajin chuwech re ruwach'ulew.

Ez 16:54

Keri' xtakoch' ri k'ix roma ri xaben chike ri e ka'i' awach'alal y kan xkatok jun kuqubabel-k'u'x chike.

Ez 16:52

Rat k'o chi nakoch' ri qasanri'il, roma más xamakun chikiwech ri e ka'i' awach'alal. Xaben chike rije' chi man jun kimak y roma ri' kan k'o chi xtawejqalej ri k'ix.

Wuj Richin ri Rutikeribel 10:22

Ri e rijatzul ri Sem, ja ri Elam, ri Asur, ri Arfaxad, ri jun ri xubini'aj chuqa' Lud y ri Aram.

Ez 44:13

Re winaqi' re' kan man e utz ta richin yesamej richin ye'ok sacerdote y chuqa' man e utz ta richin yekichop ri samajibel; k'atala' chik yekichop ri kan ch'aron chuwe yin. Kan k'o chi xtikejqalej ri ruk'ixbilal ri itzel taq kibanobal ri xekibanala'.

Ez 39:26

Ri ojer kan toq rije' ek'o pa kiruwach'ulew man jun achike ninaqo kichin, rije' xkiben banobel ri man niqa' ta chinuwech y xinkimalij kan. Jak'a chupan ri q'ij ri' man xtikiben ta chik keri'.

Ez 34:29

Kan xtinya' jebelej ulew richin tiko'n chike richin chi man jun bey chik xtikitej wayjal. Chuqa' man xkeya'ox ta chik pa tijoj-poqonal koma ri ch'aqa' chik ruwach'ulew.

Wuj Richin ri Jeremías 25:25

ri aj-Zimrí, ri aj-Elam, ri aj-Media,

Wuj Richin ri Rutikeribel 14:1

Y k'o k'a jun q'ij xyakatej jun labal chikikojol e ka'i' tzobaj q'atoy taq tzij. Ri e kaji' rey richin ri jun tzobaj ja ri Amrafel rey ri k'o pa ruwi' ri ruwach'ulew ri Sinar, ri Arioc rey pa ruwi' ri ruwach'ulew ri Elasar, ri Quedorlaómer rey pa ruwi' ri ruwach'ulew Elam y ri Tidal rey pa ruwi' ri ruwach'ulew Goím; jare' ri jun tzobaj. Y ri jun chik tzobaj ja ri Bera rey ri k'o pa ruwi' ri tinamit Sodoma, ri Birsá rey pa ruwi' ri tinamit Gomorra, ri Sinab rey pa ruwi' ri tinamit Admá, ri Seméber rey pa ruwi' ri tinamit Seboím y ri rey pa ruwi' ri tinamit Bela, ri chuqa' nibix Sóar chire.

Wuj Richin ri Habacuc 2:16

Y re wakami pa ruk'exel chi xtiya'ox ta aq'ij, xa kan xtiqasex aq'ij. Xtaqum k'a k'iy vino richin chi ri xke'aben xtuk'en-pe k'ixbilal. Wakami, pan awi' rat xtiqaqa-wi royowal ri Jehová. Y re' kan xtuben chawe chi xkabiyin achi'el jun q'abarel, y kan xkak'ixbitej.

Dn 8:2

Yin kan xinna' k'a chi ink'o pa tinamit Susa, akuchi-k'o-wi ri ruk'u'x ri ajawaren, ri chiri' pa ruwach'ulew Elam. Y yin ink'o k'a chuchi' ri raqen-ya' rubini'an Ulai.

Ez 36:15

Yin man xtinya' ta q'ij richin nak'axatej chik ri itzel ch'abel kichin ch'aqa' chik winaqi' richin ri ch'aqa' chik ruwach'ulew y chuqa' man xtinya' ta q'ij chi maneq chik winaqi' chupan ri kiruwach'ulew, xcha'.

Ez 32:21

Y ri chiri' chikikojol ri kaminaqi' ri xk'oje' kuchuq'a' pa labal toq k'a e k'es na xtikik'ul-ki' chiri'. Xkech'on chikij ri aj-Egipto y xtikibij: Re winaqi' re' ri maneq Dios chikiwech kan xepe yan k'a wawe' qik'in roj ri oj kaminaqi' chik, xkecha'.

Ez 31:14

Y re' xtibanatej chi kan man jun chik ruwach'ulew xtinimer-q'anej achi'el re jun che' re', stape' kan chuchi' ya' k'o-wi. Konojel k'a ruwach'ulew k'o chi yek'is; achi'el yeken ri winaqi' y k'o chi yemuq chuxe' ulew y nibekimolo-ki' chiri' akuchi ek'o-wi ri ch'aqa' kaminaqi', keri' xtibanatej kik'in rije'.

Wuj Richin ri Isaías 11:11

Chupan k'a ri q'ij ri', ri Jehová kan xtuk'ut chik jun bey ri nimalej ruchuq'a' richin yerumol konojel ri qawinaq ri man jani ketzolin-pe. Xtuben k'a chi xketzolin konojel ri ek'o chiri' pan Asiria, pan Egipto, pan Etiopía, pan Elam, pa Babilonia, pan Hamat, y ri ruwach'ulew ri ek'o chuchi' ri palou.

Wuj Richin ri Achin Job 28:13

Ri achin kan man retaman ta k'a achike bey ri nuk'uan k'a chiri', ri bey ri' kan man xtril ta re wawe' pa ruwi' re ruwach'ulew.

1 Crón 1:17

Jere' ri e ruk'ajol kan ri Sem: Ri Elam, ri Asur, ri Arfaxad, ri Lud y ri Aram. Jere' ri e ruk'ajol kan ri Aram: Ri Us, ri Hul, ri Guéter y ri Mas.

San Mateo 11:23

Y rix aj-Capernaum, ri kan ix beneq pa jotol roma janila inimirisan iq'ij, man rik'in ri' xa xtiqasex k'a iq'ij y xa k'a pa jul akuchi k'o ri tijoj-poqonal xkixbeqaqa-wi. Roma xa ta ronojel ri meyel taq banobel ri xbanatej iwik'in ja ta ri' ri xbanatej chikiwech ri aj-Sodoma, rije' xa kan xkinimaj ta y man ta xek'is rachibilan ri kitinamit. Y xa k'a ek'o ta na re q'ij re'.

Wuj Richin Bix Chire ri Dios 142:5

Yin kan xich'on k'a awik'in rat Jehová; ninbij k'a chi ja rat ri at nukuqubabel-k'u'x, y re wawe' chuwech re ruwach'ulew kan xaxe wi rat ri atk'o wik'in.

Wuj Richin ri Isaías 38:11

Chuqa' xinch'ob chi kan man xtintz'et ta chik awech rat Jehová chupan ri awachoch, ni man jun chik wineq ri k'o chuwech re ruwach'ulew.

Wuj Richin ri Jeremías 11:19

Yin kan man jun k'a ninmey, achi'el jun ti karne'l ri yuqen-el richin nibekamisex y kan man wetaman ta k'a chi k'o itzel nikich'ob chuwij. Y nikibij chi yichoy-el achi'el jun che' ri jebel ruwech, richin yinkelesaj-el chuwech re ruwach'ulew, richin chi man jun chik xtinatan wichin.

Ez 31:18

Rix aj-Egipto y ri i-rey, ri iruwach'ulew xuben achi'el ri che' ri más jebel ok y janila nim chikiwech ri ch'aqa' chik che' richin ri qejoj ri kan nik'ases. Man rik'in ri' xtinben chi ri iruwach'ulew xtik'is, achi'el ri ch'aqa' chik che' richin ri qejoj ri' ri xetorix yan. Xa kan junan xkixk'oje' chikikojol ri kaminaqi' ri man xkiya' ta nuq'ij y chuqa' ri xeken pan oyowal, xcha'.

Ez 32:19

Tak'utuj chike ri aj-Egipto wi kan más e jebel ok rije' chikiwech ri ch'aqa' chik. Tabij chike chi kebiyin kik'in ri e kaminaqi' chik el richin yek'oje' kik'in ri winaqi' ri maneq Dios chikiwech.