Ez 32:18 - Kaqchiquel Bible

¹⁸ Rat Ezequiel, katoq' junan kik'in ri ixoqi' richin ch'aqa' chik ruwach'ulew ri kan k'o kiq'ij. Katoq' pa kiwi' ri janila chi winaqi' ri e richin ri ruwach'ulew Egipto ri xkebe pa jul richin muqbel kik'in ri e kaminaqi' chik el.

Ez 32:18 ပူးပေါင်းရင်းမြစ်များ

Wuj Richin Bix Chire ri Dios 30:9

Xinbij k'a: ¿Achike ta k'a xtuk'en-pe ri nukamik? ¿Achike k'a xtuk'en-pe toq in muqun chik kan? ¿Kan xkitikir kami xtinya' aq'ij toq xa in poqolaj chik? ¿Kan xtitikir kami ri poqolaj ri' xtutzijoj chi man yinamalij ta kan?

Wuj Richin Bix Chire ri Dios 63:9

Jak'a ri ye'ajowan nikelesaj ri nuk'aslen xa xkekamisex; xkekamisex chi espada, y ri kich'akul kan xtok kiway ri chikopi' ri ek'o pa k'echelaj.

Wuj Richin ri Isaías 14:15

Jak'a re wakami xa chupan ri jul richin muqbel xabe-wi-qa. Xa kan xabe k'a qa pa ruk'isibel chire ri nimalej jul.

Wuj Richin ri Isaías 16:9

Roma ri' yojoq' achi'el ye'oq' ri winaqi' aj-Jazer, roma ri tiko'n uva ri ek'o pa Sibmá, ri Hesbón y ri Elalé. roma kan pa ruwi' ri tiko'n y ruwech ri tiko'n xban-wi ri labal. Kan maneq chik kikoten toq niwux ruwech ri uva, y kan man niban ta chik nimaq'ij roma toq niwachin ri uva.

Wuj Richin ri Jeremías 1:10

Wakami yin ninya' ri nuch'abel pan achi'. Chupan re q'ij re' ninben chawe chi rat yach'on kik'in ri q'atbel taq tzij y ri tzobaj taq winaqi', richin yenwelesaj-el y yenwulaj, richin yek'is y yenke'ej; richin yenpaba-q'anej y yentik-qa, xcha' chuwe.

Ez 26:20

Y konojel k'a winaqi' xkeken-el y xke'apon akuchi ek'o-wi ri kaminaqi', ri xek'ase' ojer kan. Keri' k'a xkixk'oje' chikikojol kaminaqi' ri ek'o chuxe' ri ulew ri e wulatejineq chik kan richin jantape'. Y man jun bey chik xkaq'alajin chuwech re ruwach'ulew.

Ez 31:14

Y re' xtibanatej chi kan man jun chik ruwach'ulew xtinimer-q'anej achi'el re jun che' re', stape' kan chuchi' ya' k'o-wi. Konojel k'a ruwach'ulew k'o chi yek'is; achi'el yeken ri winaqi' y k'o chi yemuq chuxe' ulew y nibekimolo-ki' chiri' akuchi ek'o-wi ri ch'aqa' kaminaqi', keri' xtibanatej kik'in rije'.

Ez 31:16

Toq yin xtink'is ri ruwach'ulew ri', ri ch'aqa' chik ruwach'ulew kan xkesilon roma xibinri'il. Y toq xtitorix ri che' ri' k'ari' xkekikot ri ch'aqa' chik che', ri xek'is ojer ri xek'oje' pa qejoj ri kan nik'ases y ri ek'o chiri' pa juyu' Líbano.

Ez 32:12

Xtinben k'a chi ri janila chi winaqi' xketzaq chi espada pa kiq'a' ri más e itzel taq aj-labal. Y rije' k'o janila kuchuq'a' chikiwech ri ch'aqa' chik ruwach'ulew. Y roma ri' kan xtikiqasaj k'a ri runimirinen ri aruwach'ulew Egipto y xkekik'is ri janila chi awinaq.

Ez 32:16

Re jun bix re' richin bis y kan kere' k'a rubixaxik ri xtikibixaj ri ixoqi' richin e k'iy ruwach'ulew. Re jun bix re' richin ri ruwach'ulew Egipto y kichin ri e janila chi winaqi' aj chiri', yin Jehová ri yibin.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Ez 32:21

Y ri chiri' chikikojol ri kaminaqi' ri xk'oje' kuchuq'a' pa labal toq k'a e k'es na xtikik'ul-ki' chiri'. Xkech'on chikij ri aj-Egipto y xtikibij: Re winaqi' re' ri maneq Dios chikiwech kan xepe yan k'a wawe' qik'in roj ri oj kaminaqi' chik, xkecha'.

Ez 43:3

Y ri rubanik ri xintz'et, achi'el ri xk'utumej chinuwech toq xpe richin xoruwulaj kan ri Jerusalem y chuqa' achi'el rubanik ri xk'utumej chinuwech ri chuchi' ri raqen-ya' Quebar. Y roma ri' yin kixukuk xiqaqa pan ulew.

Os 6:5

Roma ri' yin kan nuq'alajirisan chik chiwech ri xtinbenbana' iwik'in koma ri q'alajirisanela' richin ri nuch'abel. Rik'in k'a ri nuch'abel xixink'is-el, ri ruchojmilal ri ninben yin kan niq'alajin k'a achi'el ri saqil.

Wuj Richin ri Miqueas 1:8

Roma ri' kan yibison y kan yijiq'ijo'x chi oq'ej. Xkiwuyin k'a chi oq'ej achi'el yewuyin ri utiwa', y achi'el ri jiloj ri nikiben ri alaji' aj-xik' taq chikopi' toq e malin kan roma ri kite'. Roma k'a ri nubis kan maneq nuxajab y nutziaq xtinkusaj.

San Mateo 11:23

Y rix aj-Capernaum, ri kan ix beneq pa jotol roma janila inimirisan iq'ij, man rik'in ri' xa xtiqasex k'a iq'ij y xa k'a pa jul akuchi k'o ri tijoj-poqonal xkixbeqaqa-wi. Roma xa ta ronojel ri meyel taq banobel ri xbanatej iwik'in ja ta ri' ri xbanatej chikiwech ri aj-Sodoma, rije' xa kan xkinimaj ta y man ta xek'is rachibilan ri kitinamit. Y xa k'a ek'o ta na re q'ij re'.

San Lucas 19:41

Toq xapon chunaqaj ri tinamit, xutzu' y xroq'ej.

Romanos 12:15

Kixkikot kik'in ri yekikot, y kixoq' kik'in ri ye'oq'.