Ez 32:13 - Kaqchiquel Bible

¹³ Kan xkenk'is konojel ri awawej ri ek'o chuchi' ri raqen ya' y roma ri' man jun bey chik xtikitz'ilobisaj ri ya' rik'in kaqen; ni ta ri winaqi', ni ta ri chikopi'.

Ez 32:13 ပူးပေါင်းရင်းမြစ်များ

Ez 29:11

Kan man jun xtiq'ax chiri', ni ta wineq, ni ta ri chikopi'. Xa kan kawineq k'a juna' xtuben keri'.

Ez 29:8

Roma ri' yin Jehová ninbij chi kan xtinben k'a chiwe chi xkixchap chi oyowal y xkixkamisex k'a chi'iwonojel rix y ri iwawej.

Ez 34:18

Rix ri kan k'o iwuchuq'a', ronojel ri nik'atzin chiwe kan k'o iwik'in. Man rik'in ri' rix nik'is ri man nikusaj ta, achi'el nikiben ri karne'l toq nikitej jebel taq q'os, y k'ari' nikixeq' kan chi'aqen ri q'os ri k'a nitotej na kan. Y ri ya' nikiqum chay-chay y k'ari' rik'in kaqen nikitukukej ri nik'oje' kan.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Ez 30:12

Xtinchaqirisaj k'a ri kokoj raqen taq ya' richin ri Nilo y k'ari' xtinjech k'a ri kulew ri aj-Egipto pa kiq'a' ri e itzel taq winaqi'. Y xtinben chike ri winaqi' ri' richin xtikiwulaj kan ri ruwach'ulew y xtikik'uaj-el ronojel ri k'o chiri'. Yin Jehová ri yibin.

Ez 32:14

K'ari' xtinben chike ri ya' chi xtok chik ch'ajch'oj y ri raqen taq ya' xkebiyin eqal-eqal achi'el toq nibiyin ri aceite. Yin Jehová ri yibin.