Ez 32:10 - Kaqchiquel Bible

¹⁰ Awoma k'a rat xtipe xibinri'il pa kiwi' ch'aqa' chik tinamit y ri e q'atoy taq tzij kan janila xtikik'en rukiy toq xkatzaq. Rije' xkebaybot roma xibinri'il, roma xtintzinuj ri nu-espada chawij.

Ez 32:10 ပူးပေါင်းရင်းမြစ်များ

1 Rey 9:8

Y stape' wakami re wachoch kan jun nimalej jay, rik'in juba' jun q'ij ri winaqi' ri xkeq'ax xa jun wuluwik jay ri xtikitz'et. Y xtikimey y xtikik'utula' chikiwech: ¿Achike roma kere' xuben ri Jehová rik'in re ruwach'ulew re'? ¿Y achike roma kere' xuben chire re jay re kan richin rija'?, xkecha'.

Wuj Richin ri Isaías 30:32

Y rik'in ri ruch'abel ri ch'ame'y, xtiq'alajin achi'el jun bix. Y rix nuwinaq xtiq'ojomaj ri iq'ojom, rokik ri Jehová xtuben labal kik'in ri aj-Asiria.

Wuj Richin ri Jeremías 51:9

Jak'a ri winaqi' richin ch'aqa' chik ruwach'ulew xtikibij: Xqaya' yan kaq'om ri aj-Babilonia, jak'a man xe'aq'omatej ta. Keqaya' kan y qojel-el re wawe'. Jo', pa taq qaruwach'ulew roma ri kamisanik ri nikiben kan napon k'a chila' chikaj y kan nijote' k'a q'anej pa taq sutz', xkecha'.

Ez 26:16

Jari' toq konojel k'a ri e rey pa kiwi' ri ch'aqa' chik tinamit ri', kan xkeyakatej k'a el pa kitz'uyubal, y xtikelesaj k'a el ri jebelej taq tzieq y rik'in k'a janila xibinri'il xkebetz'uye' pan ulew. Y jantape' k'a k'o xibinri'il kik'in y roma ri' xkebaybot y xtikimey ri xbanatej.

Ez 27:35

Konojel k'a ri winaqi' richin ri ch'aqa' chik ruwach'ulew ri ek'o chuchi' ri ya', kan xtikimey y xtikixibij-ki', y ri ki-rey kan xkebaybot roma xibinri'il, y xtijalatej k'a kiwech roma xibinri'il.

Ez 30:9

Toq xtapon ri q'ij ri' xkenteq k'a el taqonela' chuchi' ri palou, richin nibekiya' rutzijol chike ri aj-Etiopía; roma rije' xa man jun nikimey. Roma ri' kan xtikik'en janila rukiy. Kan xtapon yan k'a ri q'ij richin xtibebanatej.

Wuj Richin ri Zacarías 11:2

Xtitz'etetej chi ri k'isis achi'el xkebison, roma ri tiox-che' xa xketzaq, y xa xkek'is ri jebelej taq che'. Xtitz'etetej chi ri tuq ri ek'o pa Basán achi'el xkebison, roma ri janila chi che' xa xkek'is.

Deut 29:24

K'ari' ri winaqi' richin ronojel ruwach'ulew xtikik'utuj ri achike roma ri Jehová xyakatej royowal y xuben kere' chire re jun ruwach'ulew re'.

Deut 32:41

Toq yin xtinben rey ri nu-espada ri janila nirepelun, y toq xtinchop ri nuq'atoj-tzij; jari' toq xtinya' ruk'exel chike ri e etzelanel iwichin, y kan xtinya' k'a rutojbalil chike ri ye'etzelan wichin.

Apocalipsis 18:10

Jak'a roma nikixibij-ki' chuwech ri ruk'ayewal ri qajineq pa ruwi', kan k'a nej k'a xtikitzu-pe y xtikibij: Toq'ex ruwech ri Babilonia; jun tinamit ri k'o ruchuq'a' richin xk'oje' pa kiwi' konojel. Toq'ex ruwech roma xa pa jun ti ramaj xk'is pa ruq'a' ri ruk'ayewal ri xqaqa-pe pa ruwi', xkecha'.