Ez 31:3 - Kaqchiquel Bible

³ Rix aj-Egipto, ix achi'el jun tiox-che' ri k'o chiri' pa juyu' Líbano: Y ri che' ri' kan jebel ruq'a' y kan janila nim ri rumujal, y nej ri rujotolen y ri rutum napon k'a pa sutz'.

Ez 31:3 ပူးပေါင်းရင်းမြစ်များ

Wuj Richin Bix Chire ri Dios 92:12

Ri winaqi' ri choj kik'aslen, kan utz k'a xtel chikiwech ronojel ri nikiben, xkek'iy k'a achi'el ri palma, y achi'el ri tiox-che' ri k'o pa Líbano.

Wuj Richin ri Isaías 37:24

Xe'akusaj ri ataqonela' richin xaqasaj nuq'ij yin, Jehová. Rat xanimirisaj-awi' toq xabij chi rik'in ri janila a-carruaje xajote-el pa ruwi' la juyu', y chuwi' taq juyu' richin Líbano. Xabij chi rat kan ayon xe'aqasaj ri nima'q taq tiox-che', y ri nima'q taq jebelej k'isis. Xabij chi rat kan ayon xatapon-el pa ruwi' ri k'echelaj ri ek'o más nej, y kan xatapon chupan ri jebelej taq k'echelaj.

Wuj Richin ri Jeremías 17:8

Kan xtik'iy k'a achi'el jun che' ri tikil chuchi' jun raqen-ya' y ri ruxe' man nichaqi'j ta qa toq napon ri k'aten. Chuqa' ri ruxaq beneq ruwech rex-rex rubanon. Y chupan ri saq'ij man xtimayamo' ta qa y kan beneq ruwech nuya' ruwech ri che' ri'.

Wuj Richin ri Jeremías 50:18

Roma ri' yin Jehová ri k'o ronojel uchuq'a' wik'in, ri i-Dios kere' ninbij: Ninya' rutojbalil pa ruwi' ri rey richin Babilonia y ri ruwinaq, achi'el xinben kik'in ri aj-Asiria.

Ez 17:22

Roma ri' kere' k'a ninbij yin: Ja yin ri xkinuk'uan-el jun rutum ri tiox-che' y xtintik chik k'a pa ruwi' jun juyu' ri nej jotol.

Ez 19:11

Ri ruq'a' kan xk'oje' k'a ruchuq'a', y re' nuk'exewachuj ri ki-rey. Y ri juwi-uva ri' kan janila k'a xk'iy, y kan janila k'a nim chikiwech ri ch'aqa' chik.

Ez 31:10

Roma ri che' ri' kan janila k'a xk'iy, ri rutum xapon k'a pa sutz' y kan janila k'a xk'iy; y roma ri' kan xunimirisaj-ri'.

Ez 31:16

Toq yin xtink'is ri ruwach'ulew ri', ri ch'aqa' chik ruwach'ulew kan xkesilon roma xibinri'il. Y toq xtitorix ri che' ri' k'ari' xkekikot ri ch'aqa' chik che', ri xek'is ojer ri xek'oje' pa qejoj ri kan nik'ases y ri ek'o chiri' pa juyu' Líbano.

Ez 31:17

Chuqa' ri winaqi' ri xkikuquba-kik'u'x iwik'in kan xkeken richin xtikik'ul-ki' kik'in ri xeken pan oyowal.

Ez 31:5

Y roma janila ya' rik'in kan janila k'a xk'iy; chikiwech ri ch'aqa' chik che' ri ek'o pa taq juyu'. Ri ruq'a' kan janila xek'iyer y kan janila xenimer.

Ez 31:6

Y jalajoj k'a kiwech aj-xik' taq chikopi' ri xkiben kisok pa taq ruq'a'; y jalajoj kiwech chikopi' ri ek'o pa k'echelaj ri xe'alan chuxe' ri che' ri', y chuxe' ri rumujal kan e k'iy k'a tzobaj winaqi' xek'oje'.

Ez 31:8

Kan man jun tiox-che' ri k'o pa qejoj ri kan nik'ases, nijunamatej rik'in re jun tiox-che' re'. Y chuwech rija' kan man jun che' ri k'o ta janila ruq'a'. man jun chik che' achi'el ri ruq'a' ri ek'o re jun tiox-che' re'. Man jun che' ri k'o pa qejoj ri kan nik'ases ri nijunamatej rik'in ri jebelej rubanik rija'.

Ez 32:22

Chiri' k'a ek'o-wi ri aj-labal aj-Asiria. Ri ojer kan, kan janila xekixibij ri ch'aqa' chik winaqi', jak'a xa xeken chi espada. Y re wakami ek'o chikikojol ri kaminaqi'.

Dn 4:10

Jare' k'a ri xk'utumej chinuwech toq in kotz'ol pa nuch'at: Yin kan xintz'et k'a chi ri pa runik'ajal ri ruwach'ulew, k'o k'a jun che' ri kan janila nej jotol chikaj.

Dn 4:12

Kan e jebel ok ri ruxaq y kan janila k'iy ruwech. Y ri chikopi' richin pa juyu' kan ye'uxlan pa rumujal y ri pa taq ruq'a' e kibanalon kisok ri aj-xik' taq chikopi'. Ri ruwech ri che' ri' jari' ri nitzuqun kichin konojel ri ek'o chuwech re ruwach'ulew.

Wuj Richin ri Sofonías 2:13

Ri Jehová kan xtutzeqej k'a ri ruq'a' pa xaman richin nuk'is ri ruwach'ulew Asiria. Keri' ri tinamit Nínive kan xtitole' kan, y kan xtok kan tz'iran-tz'iran.

Wuj Richin ri Zacarías 11:1

Chiri' pa juyu' Líbano ri q'aq' kan xtuk'is ronojel tiox-che' y man jun xtiq'aton richin.

Wuj Richin ri Zacarías 11:2

Xtitz'etetej chi ri k'isis achi'el xkebison, roma ri tiox-che' xa xketzaq, y xa xkek'is ri jebelej taq che'. Xtitz'etetej chi ri tuq ri ek'o pa Basán achi'el xkebison, roma ri janila chi che' xa xkek'is.

Wuj Kichin ri To'onela' 9:15

Y ri k'ix ri' xubij chike ri che' chi wi qitzij chi ja rija' xkicha' richin nok rey pa kiwi', kan kepe k'a konojel richin nikito-ki' chuxe' ri rumujal. Y wi man keri' ta, kan tel k'a q'aq' chire ri k'ix ri', y tuk'isa' k'a ronojel ri tiox-che' richin ri Líbano, xcha' ri Jotam.