Ez 31:18 - Kaqchiquel Bible

¹⁸ Rix aj-Egipto y ri i-rey, ri iruwach'ulew xuben achi'el ri che' ri más jebel ok y janila nim chikiwech ri ch'aqa' chik che' richin ri qejoj ri kan nik'ases. Man rik'in ri' xtinben chi ri iruwach'ulew xtik'is, achi'el ri ch'aqa' chik che' richin ri qejoj ri' ri xetorix yan. Xa kan junan xkixk'oje' chikikojol ri kaminaqi' ri man xkiya' ta nuq'ij y chuqa' ri xeken pan oyowal, xcha'.

Ez 31:18 ပူးပေါင်းရင်းမြစ်များ

Ez 32:19

Tak'utuj chike ri aj-Egipto wi kan más e jebel ok rije' chikiwech ri ch'aqa' chik. Tabij chike chi kebiyin kik'in ri e kaminaqi' chik el richin yek'oje' kik'in ri winaqi' ri maneq Dios chikiwech.

Ez 32:21

Y ri chiri' chikikojol ri kaminaqi' ri xk'oje' kuchuq'a' pa labal toq k'a e k'es na xtikik'ul-ki' chiri'. Xkech'on chikij ri aj-Egipto y xtikibij: Re winaqi' re' ri maneq Dios chikiwech kan xepe yan k'a wawe' qik'in roj ri oj kaminaqi' chik, xkecha'.

Ez 28:10

Xkaken k'a achi'el yeken ri winaqi' ri man e richin ta ri Dios, y xkaken pa kiq'a' ri man e awinaq ta. Jare' k'a ri rutzijol ri ruya'on-pe ri Jehová chawe.

San Mateo 13:19

Ri ija'tz ri xqaqa kan pa bey, nich'on chikij ri winaqi' ri ye'ak'axan ri ruch'abel ri Dios. Jak'a ri ye'ak'axan xa man niq'ax ta chikiwech y jak'a ri' toq nipe ri itzel richin norelesaj-el ri ch'abel ri tikon-qa, ri xqaqa kan chuchi' ri bey.

Ez 31:16

Toq yin xtink'is ri ruwach'ulew ri', ri ch'aqa' chik ruwach'ulew kan xkesilon roma xibinri'il. Y toq xtitorix ri che' ri' k'ari' xkekikot ri ch'aqa' chik che', ri xek'is ojer ri xek'oje' pa qejoj ri kan nik'ases y ri ek'o chiri' pa juyu' Líbano.

Ez 31:2

Rat Ezequiel, tawak'axaj re': Taya' re jun rutzijol re' chire ri rey richin Egipto y chuqa' chike ri ruwinaq: Ri iwajawaren rix kan ik'owineq chik ruwi' ri ruchuq'a' chuwech chijun ruwach'ulew. Y roma ri' tiwak'axaj k'a re jun etamabel-tzij re':

Wuj Richin Bix Chire ri Dios 52:7

Titzu' ri xuk'uluwachij ri wineq ri man xukuquba' ta ruk'u'x rik'in ri Dios. Xa kan rik'in k'a ri rubeyomel ri xukuquba-wi ruk'u'x. y jantape' xk'oje' chupan ri rumak.

1 Corintios 10:14

Roma ri' rix, wach'alal ri yalan yixinwajo', man tiya' kiq'ij ch'aqa' chik dios.

Ez 32:10

Awoma k'a rat xtipe xibinri'il pa kiwi' ch'aqa' chik tinamit y ri e q'atoy taq tzij kan janila xtikik'en rukiy toq xkatzaq. Rije' xkebaybot roma xibinri'il, roma xtintzinuj ri nu-espada chawij.

Ez 31:9

Ja yin Jehová ri xibanon jebel ok chiwe, chuqa' ja yin ri xibanon chiwe chi janila xnimer ri iwajawaren. Ri ch'aqa' chik che' ri ek'o pa qejoj ri kan nik'ases kan nikajo' nikijunamaj-ki' iwik'in.

2 Crón 28:22

Stape' ri itzel rey Acaz kan k'o k'a pa ruk'ayewal, kan jantape' k'a nimakun chuwech ri Jehová.

2 Sam 1:20

Man tiya'ox rutzijol chiri' pa tinamit Gat. Man titzijox ri pa taq nima'q ruwech bey richin molojri'il chiri' pan Ascalón; richin man yekikot ri kimi'al ri aj-Filistea; richin man yetzopin roma kikoten ri kimi'al ri achi'a' ri man e qawinaq ta.

1 Sam 17:36

Yin ri in asamajel kan nukamisan k'a koj y oso, y kan keri' chuqa' xtinbenbana' chire ri achin aj-Filistea ri xya'on kik'ix ri aj-labal ri e richin ri k'aslik Dios.

1 Sam 17:26

K'ari' ri David xch'on-apo kik'in ri ek'o chunaqaj y xubij: ¿Achike nuch'ek ri xtich'akon chirij ri aj-Filistea y nrelesaj ri k'ixbilal ri ruya'on pa qawi'? ¿Achike ta k'a re achin re' ri xa man qawinaq ta richin chi nuyek qoyowal roj ri kan oj rutinamit ri k'aslik Dios?, xcha'.

Ez 31:8

Kan man jun tiox-che' ri k'o pa qejoj ri kan nik'ases, nijunamatej rik'in re jun tiox-che' re'. Y chuwech rija' kan man jun che' ri k'o ta janila ruq'a'. man jun chik che' achi'el ri ruq'a' ri ek'o re jun tiox-che' re'. Man jun che' ri k'o pa qejoj ri kan nik'ases ri nijunamatej rik'in ri jebelej rubanik rija'.

Ez 31:14

Y re' xtibanatej chi kan man jun chik ruwach'ulew xtinimer-q'anej achi'el re jun che' re', stape' kan chuchi' ya' k'o-wi. Konojel k'a ruwach'ulew k'o chi yek'is; achi'el yeken ri winaqi' y k'o chi yemuq chuxe' ulew y nibekimolo-ki' chiri' akuchi ek'o-wi ri ch'aqa' kaminaqi', keri' xtibanatej kik'in rije'.