Ez 31:16 - Kaqchiquel Bible

¹⁶ Toq yin xtink'is ri ruwach'ulew ri', ri ch'aqa' chik ruwach'ulew kan xkesilon roma xibinri'il. Y toq xtitorix ri che' ri' k'ari' xkekikot ri ch'aqa' chik che', ri xek'is ojer ri xek'oje' pa qejoj ri kan nik'ases y ri ek'o chiri' pa juyu' Líbano.

Ez 31:16 ပူးပေါင်းရင်းမြစ်များ

Wuj Richin ri Isaías 14:15

Jak'a re wakami xa chupan ri jul richin muqbel xabe-wi-qa. Xa kan xabe k'a qa pa ruk'isibel chire ri nimalej jul.

Ez 26:15

Yin Jehová ninbij k'a chi toq ri tinamit Tiro xtich'akatej, ri ch'aqa' chik winaqi' ri ek'o chuchi' ri palou, xkebaybot roma xibinri'il. Chuqa' xtikak'axaj toq yejilon ri winaqi' e sokotajineq y toq najin ri kamik.

Wuj Richin ri Isaías 14:8

Ri k'isis taq che' kan yekikot roma xatzaq rat. Y chuqa' ri tiox-che' ri ek'o pa Líbano yebixan, roma rat kan man jun chik nateq richin ye'achoy.

Wuj Richin ri Hageo 2:7

Rija' xtuben chike konojel winaqi' chi xkebaybot. Jari' k'a toq rije' xtikik'en-pe ronojel ri kibeyomel re wawe', roma richin rija' ronojel ri saqipueq y ri q'anapueq. Y ri ruk'ojlen ri Dios xtunojisaj ri k'ak'a' rachoch. Ri Jehová ri k'o ronojel uchuq'a' pa ruq'a' rusujun ronojel re'.

Wuj Richin ri Habacuc 2:17

Rat kan xe'achoy ronojel che' ri ek'o chiri' pa juyu' Líbano, jak'a re wakami ja rat ri xkachoy-el. Rat xakamisan kichin ri taq chikopi' ri ek'o chiri', jak'a re wakami ja rat ri xkaken. Ronojel re' xtiqaqa pan awi' roma ri kamik ri xe'abanala', roma ri eleq' ri xe'abanala' pa taq tinamit y ri wululen ri xe'aya' pa taq ruwach'ulew.

Ez 31:9

Ja yin Jehová ri xibanon jebel ok chiwe, chuqa' ja yin ri xibanon chiwe chi janila xnimer ri iwajawaren. Ri ch'aqa' chik che' ri ek'o pa qejoj ri kan nik'ases kan nikajo' nikijunamaj-ki' iwik'in.

Ez 27:28

Y toq ri e samajela' richin ri barco nikireq kichi' roma yeken yan, konojel ri winaqi' ri ek'o chuchi' ri ya', kan xtipe k'a xibinri'il y bis kik'in.

Apocalipsis 11:13

Y kan chupan ri ramaj ri' xpe jun nimalej silonel, y xwulatej ri jun ri lajuj chire ri Jerusalem. Y xeken k'a e 7,000 winaqi' roma ri silonel ri'. Jak'a ri xek'ase' kan, janila xkixibij-ki' y xkiya' ruq'ij-ruk'ojlen ri Dios.

Wuj Richin ri Nahum 2:3

Ri kitobal ri aj-labal keq nitzu'un, keri' chuqa' ri kitziaq. Ri aj-labal kichojmirisan chik ki', ri ki-carruaje kan e achi'el q'aq'. Ri kiej kan nikajo' yan yebe pa labal.

Ez 31:18

Rix aj-Egipto y ri i-rey, ri iruwach'ulew xuben achi'el ri che' ri más jebel ok y janila nim chikiwech ri ch'aqa' chik che' richin ri qejoj ri kan nik'ases. Man rik'in ri' xtinben chi ri iruwach'ulew xtik'is, achi'el ri ch'aqa' chik che' richin ri qejoj ri' ri xetorix yan. Xa kan junan xkixk'oje' chikikojol ri kaminaqi' ri man xkiya' ta nuq'ij y chuqa' ri xeken pan oyowal, xcha'.

Ez 31:14

Y re' xtibanatej chi kan man jun chik ruwach'ulew xtinimer-q'anej achi'el re jun che' re', stape' kan chuchi' ya' k'o-wi. Konojel k'a ruwach'ulew k'o chi yek'is; achi'el yeken ri winaqi' y k'o chi yemuq chuxe' ulew y nibekimolo-ki' chiri' akuchi ek'o-wi ri ch'aqa' kaminaqi', keri' xtibanatej kik'in rije'.

Ez 26:10

Kan janila k'a k'iy kiej xkeruk'en-pe y kan xtiq'equmatej ri tinamit rik'in ri poqolaj ri xtikiyek ri kiej ri'. Y toq xke'ok-apo chupan ri ruchi' ri tinamit, ri tz'aq kan xkesilon k'a roma ri kich'abel ri e k'iy carruaje y roma kaqen ri e k'iy kiej. Rije' kan xke'ok k'a apo chupan ri tinamit achi'el toq ye'ok chupan jun tinamit ri xa ch'akon chik.

Ez 14:22

Jak'a kan xaxe chik e ka'i-oxi' ri xtikolotej kan ri kik'aslen y rije' xkek'amer-pe junan awik'in. Rat Ezequiel, kan xtatz'et k'a ri itzel kibanobal rije' y k'ari' xtiq'ax chawech achike roma xpe ri k'ayewal ri' pa ruwi' ri tinamit Jerusalem.

Wuj Richin ri Jeremías 50:46

Toq xtich'akatej ri iruwach'ulew Babilonia, ri iruwach'ulew kan xtisilon y kan janila xtiq'ajan y ri raqoj-chi'ij ri xtikiben kan xtak'axatej k'a juk'an chik ruwach'ulew, xcha' ri Dios.

Ez 14:23

Toq xtatz'et ri itzel kibanobal y ri itzel taq bey ri xkik'uaj, jari' toq xtikuqer ak'u'x roma xtiq'ax k'a chawech achike roma keri' xinben kik'in y man chaq k'ate' ta keri' xinben, xcha'.

Ez 31:3

Rix aj-Egipto, ix achi'el jun tiox-che' ri k'o chiri' pa juyu' Líbano: Y ri che' ri' kan jebel ruq'a' y kan janila nim ri rumujal, y nej ri rujotolen y ri rutum napon k'a pa sutz'.

Ez 31:8

Kan man jun tiox-che' ri k'o pa qejoj ri kan nik'ases, nijunamatej rik'in re jun tiox-che' re'. Y chuwech rija' kan man jun che' ri k'o ta janila ruq'a'. man jun chik che' achi'el ri ruq'a' ri ek'o re jun tiox-che' re'. Man jun che' ri k'o pa qejoj ri kan nik'ases ri nijunamatej rik'in ri jebelej rubanik rija'.