Ez 31:11 - Kaqchiquel Bible

¹¹ Rix ix achi'el ri che' ri' y roma ri' yin Jehová kan xkixinwetzelaj y kan xtinya' q'ij richin xkixtzaq pa ruq'a' jun aj-raqen kichin tzobaj winaqi' e richin ch'aqa' chik ruwach'ulew, richin xtikiben iwik'in ri ruk'amon richin ri rutojbalil ri imak, roma ri itzel ri ye'iben ri chiri'.

Ez 31:11 ပူးပေါင်းရင်းမြစ်များ

Wuj Richin ri Rutikeribel 3:24

Y toq xerelesaj-pe chupan ri qejoj ri', ri pa relebel-q'ij chire ri qejoj xeruya' querubín*f4* y jun espada rik'in q'aq' nisutin chuchi' ri qejoj, richin nuchajij ri bey, akuchi k'o-wi ri che' ri nuya' k'aslen.

Wuj Richin Bix Chire ri Dios 119:126

Jehová, kan ruq'ijul chik richin naya' rutojbalil-mak, roma ri winaqi' xa kan xkiq'ej ruwi' ri apixa'.

Wuj Richin ri Jeremías 25:9

roma ri' yin xtinteq koyoxik konojel tzobaj taq winaqi' ri ek'o pa xaman y ri nusamajel Nabucodonosor rey richin Babilonia, richin yepe y nokichapa' chi oyowal re jun ruwach'ulew re' y konojel ri ek'o chupan y konojel tzobaj winaqi' ri ek'o chunaqaj. Kan xkenk'is k'a jumul xtinben chi xkeyojobex, xkek'ixbitej. Y iwoma rix ri ch'aqa' chik winaqi' xtisach kik'u'x.

Wuj Richin ri Jeremías 50:18

Roma ri' yin Jehová ri k'o ronojel uchuq'a' wik'in, ri i-Dios kere' ninbij: Ninya' rutojbalil pa ruwi' ri rey richin Babilonia y ri ruwinaq, achi'el xinben kik'in ri aj-Asiria.

Wuj Richin ri K'uxla'anik 1:21

Ri winaqi' kan nikak'axaj ri qajiloj, jak'a kan man jun xkuquban ta juba' qak'u'x. Konojel ri e etzelanel qichin xkak'axaj k'a re qatijoj-poqonal, kan xekikot k'a roma re xaben chiqe. Jak'a kan xtapon na k'a ri q'ij ri abin-pe richin ruk'ayewal pa kiwi' rije', richin xtikik'uluwachij achi'el re qak'uluwachin roj re wakami.

Ez 11:9

Roma ri' yin kan xkixinwelesaj k'a el chupan re tinamit re', y xkixinjech-el pa kiq'a' winaqi' ri man e iwinaq ta, richin xtinya' rutojbalil pan iwi'.

Ez 21:31

Kan xtinwelesaj k'a woyowal chiwij. Rik'in ri ruq'aq'arinen ri woyowal kan xtitzijtej q'aq' chiwij y xkixinjech k'a pa kiq'a' ri e itzel taq winaqi' ri xkewulan ronojel.

Ez 23:28

Kere' ninbij yin Jehová: Re wakami xkatinjech k'a pa kiq'a' ri ch'aqa' chik ruwach'ulew ri xe'amalij kan y kan ye'awixowaj.

Ez 30:10

Roma ri' yin Jehová kan xkenjech k'a ri aj-Egipto pa ruq'a' ri rey richin ri ruwach'ulew Babilonia richin xkeruk'is konojel ri aj chiri'.

Ez 30:11

Ri aj-labal aj-Babilonia, rije' kan man jun joyowanik kik'in. Y xkek'amer k'a pe richin xtikiwulaj kan ri ruwach'ulew Egipto. Xtikelesaj k'a ri ki-espada pa ruk'ojelibal y ri ruwach'ulew kan xtinoj kik'in kaminaqi'.

Wuj Richin ri Nahum 3:18

Rat rey richin Asiria, ri e aj-raqen ri ek'o awik'in xa xewer-qa. Chuqa' ri achi'a' ri k'o kiq'ij xa xe'uxlan-qa. Ri awinaq xa xkitaluj-ki' pa taq q'ayis achi'el nikiben ri taq karne'l. Y man jun yuq'unel k'o richin nimolon kichin.

Deut 18:12

Roma ronojel re' kan man niqa' ta chuwech ri Jehová y kan itzel yerutz'et ri yebanon ronojel re'. Xa roma ri' xkerelesaj-el ri winaqi' pa kiruwach'ulew y xkerujech pan iq'a', roma ri kibanobal man niqa' ta chuwech ri Dios.

1 Timoteo 1:20

achi'el xkiben ri Himeneo y ri Alejandro ri xenjech pa ruq'a' ri Satanás, richin keri' tiketamaj chi man kech'on itzel chirij ri Dios.

Santiago 2:13

Roma wi man xtijoyowaj ta kiwech ri ch'aqa' chik winaqi', ri Dios man xtujoyowaj ta chuqa' iwech rix chupan ri q'ij toq xtuq'et-tzij. Jak'a wi xtijoyowaj kiwech ri ch'aqa' chik, xkixch'akon, roma ri Dios chuqa' xtujoyowaj iwech rix chupan ri q'ij ri'.

Wuj Kichin ri To'onela' 1:7

Y ri Adonisédec xubij: Nabey yin xintzak'ij ri nima'q rupan ruwi-kiq'a' y ri nima'q rupan ruwi-kaqen ri oxk'al lajuj rey, y k'ari' xinqasaj kiq'ij y xinben chike chi xkimol ri ruk'aj kaxlan-wey chuxe' ri nu-mesa. Jak'a re wakami, kan achi'el k'a ri xinben yin, keri' xuben chuwe ri i-Dios, xcha'. Y rija' chiri' k'a pa Jerusalem xuk'uex-wi y chiri' xken-wi.

Wuj Kichin ri To'onela' 16:23

Y ri achi'a' ri k'o más kiq'ij chikikojol ri aj-Filistea xkimol k'a ki' richin xekisuj kamelabel chuwech ri ki-dios rubini'an Dagón, richin xenimaq'ijun y xkibixaj k'a: Ri qa-dios xujech pa qaq'a' ri Sansón, Ri Sansón ri etzelanel qichin, xecha'.