Ez 30:4 - Kaqchiquel Bible

⁴ Kan xtipe k'a labal chikij ri winaqi' aj-Egipto, kan e k'iy winaqi' xkekamisex, xtelesex ronojel kibeyomel, y xtiwulex kan jumul ri ruwach'ulew Egipto. Chuqa' ri ruwach'ulew Etiopía kan janila xtibaybot roma xibinri'il.

Ez 30:4 ပူးပေါင်းရင်းမြစ်များ

Ez 29:19

Jak'a yin Jehová ninjikiba-nutzij chi ri Nabucodonosor toq xtok pa ruwach'ulew Egipto y xtik'oje' pa ruq'a', xtuk'en k'a kan ronojel rubeyomel y ronojel ri k'o rik'in. Y rik'in k'a ronojel ri' rija' xkerutoj ri aj-labal.

Ez 29:8

Roma ri' yin Jehová ninbij chi kan xtinben k'a chiwe chi xkixchap chi oyowal y xkixkamisex k'a chi'iwonojel rix y ri iwawej.

Ez 29:12

Xtinben k'a chire ri ruwach'ulew Egipto chi xtitole' kan kawineq juna' y konojel ri tinamit kan xkenwulaj k'a kan. Xkenwelesaj k'a el ri awinaq y xkentaluj-el pa ch'aqa' chik ruwach'ulew chikikojol ch'aqa' chik tzobaj winaqi'.

Wuj Richin ri Jeremías 50:15

Tiraqa' k'a ichi' chikij xabakuchi, roma ri aj-Babilonia nikijech yan ki' pan iq'a'. Xketzaq k'a ri kachoch ri chajinela' ri k'o pa ruwi' ri tz'aq, y xkewulatej k'a ri tz'aq. Tiya' k'a ri ruk'exel chike rije'. Tibana' k'a kik'in rije' achi'el xkiben kik'in ri ch'aqa' chik.

Wuj Richin ri Isaías 19:2

Ri Dios xtuben chike konojel ri aj-Egipto chi xkeyakatej chikij ri kiwinaq. Xa kan xkeyakatej k'a chikij ri kach'alal, y chikij ri kachpochel. Xa kan xkeyakatej tinamit chikij ch'aqa' chik tinamit, y xa kan xkeyakatej k'a aj-raqen chirij jun chik aj-raqen.

Wuj Richin ri Isaías 16:7

Roma ri' konojel ri aj-Moab kejilon k'a. Ke'oq' k'a roma xek'is ri achi'a' aj-Quir-haréset.

Wuj Richin ri Isaías 18:1

Toq'ex ruwech ri ruwach'ulew Etiopía ri akuchi janila sak' ek'o.

Ez 38:5

Kan xkekachibilaj k'a pe aj-labal aj-Persia, aj-Etiopía y aj-Libia; konojel rije' kik'ualon kitobal y rutobal-kijolon.

Dn 11:43

Ronojel k'a ri beyomel ri k'o pan Egipto, ri saqipueq, ri q'anapueq, y ronojel ri k'o rejqalen xtuk'uaj-el; y chirij ri' xtok chik k'a chupan ri ruwach'ulew Libia y Etiopía.

Wuj Richin ri Sofonías 2:12

Keri' chuqa' rix winaqi' aj-Etiopía, yin, Jehová, kan xkixinkamisaj rik'in ri nu-espada, y xkixk'is chi'iwonojel, xcha'.

Wuj Richin ri Isaías 20:3

Rija' kan keri' k'a xuben ri oxi' juna'. Y chirij re' ri Jehová xubij chi achi'el k'a xuben ri Isaías chi maneq rutziaq y maneq ruxajab xukusaj, re' xaxe richin xuk'ut y xuya' rutzijol chike ri ruwach'ulew Egipto y ri Etiopía.

Wuj Richin ri Jeremías 46:9

Jak'a yin ninbij: Kixq'ax rix achi'a' ri yixch'oke' chirij kiej. Chuqa' kebe ri i-carruaje. Rix aj-labal aj-Etiopía y aj-Libia ri nik'uaj ri itobal y rix aj-Lidia ri kan jebel yixtikir yixk'aqon rik'in ch'ab, tichapa' ibey.

Ez 28:23

Xtinteq k'a pe yabilal pa ruwi' ri tinamit y chuqa' oyowal richin xtibiyin kik' pa taq bey; y konojel ri xkeken xkepunupuxin kan pa taq bey. K'ari' konojel xtiketamaj chi ja yin Jehová ri ink'o pa ruwi' ronojel.