Ez 30:3 - Kaqchiquel Bible

³ Noqaqa yan k'a ri q'ij wichin yin, ri Jehová. Y ri q'ij ri' kan muqul. Kan ruk'amon-pe xibinri'il chike ri winaqi' richin ch'aqa' chik ruwach'ulew.

Ez 30:3 ပူးပေါင်းရင်းမြစ်များ

Wuj Richin Bix Chire ri Dios 110:6

Xtuq'et k'a tzij pa kiwi' ri tzobaj winaqi' richin ri ruwach'ulew. Chijun ri ruwach'ulew kan xkenoj k'a rik'in kaminaqi'. Xkeruk'is k'a konojel ri ch'aqa' chik rey.

Wuj Richin Bix Chire ri Dios 37:13

Jak'a ri Dios kan nitze'en chikij, roma retaman chi xa napon jun q'ij richin nikik'ul rutojbalil.

Ex 14:20

Y keri' ri sutz' ri', xk'oje' k'a chukojol ri akuchi ek'o-wi-qa ri aj-Egipto y ri akuchi ek'o-wi-qa ri israelita. Ri sutz' ri', jun q'equ'm k'a chike ri aj-Egipto, jak'a chike ri israelita kan jun saqil. Y chupan ri jun aq'a' ri', kan man jun ri xq'ax ta apo y man jun chuqa' ri xq'ax ta pe, roma ri sutz'.

Ex 14:24

Y xk'uluwachitej k'a, chi toq k'a jukumaj na chire ri q'ij ri', ri Jehová xerutzu-pe ri aj-labal richin Egipto y xuben chike chi xsach kik'u'x. Ri Jehová kan chupan k'a ri sutz' y ri q'aq' ri' beneq-wi.

Wuj Richin ri Isaías 13:6

Kixsik'in k'a roma bis pa kiwi' ri aj-Babilonia, roma ri q'ij richin nuq'et-tzij ri Jehová kan xtipe-wi. Kan xtipe ri Dios ri k'o ronojel uchuq'a' pa ruq'a' richin nutoloba' kan chijun ri kiruwach'ulew.

Wuj Richin ri Isaías 13:9

Xtipe k'a ri q'ij richin xtuq'et-tzij ri Jehová, q'ij richin nimalej ruk'ayewal, q'ij richin nimalej royowal. Kan xtuben tz'iran chire ri ruwach'ulew, y kan xkeruk'is konojel aj-maki' ri ek'o chiri'.

Wuj Richin ri Isaías 19:1

Ri Dios xuteq-pe rutzijol ri xtibebanatej pa ruwi' ri ruwach'ulew Egipto, y jare' k'a: Titz'eta' chi ri Jehová peteneq pa jun sutz', ri anineq peteneq pa ruwach'ulew Egipto. Y konojel k'a ri kiwachibel ri ch'aqa' chik dios kan xkebaybot chuwech. Chuqa' ri winaqi' ri ek'o chiri' kan xtimayamo-qa ri kánima.

Wuj Richin ri Jeremías 25:31

Ri raqoj-chi'ij ri' xtapon k'a ri juk'an chik ruchi' ri ruwach'ulew, roma ri Jehová nrajo' nuchojmirisaj ri yebanatej kik'in konojel winaqi'. Kan nuq'et-tzij pa kiwi' y ri winaqi' ri e banoy etzelal kan xkerukamisaj chi espada.

Ez 13:5

Rije' kan man jun rutzijol kiya'on chike ri awinaq, ni man jun kibanon richin yekito', richin chi yetikir nikito-ki' chuwech ri ruk'ayewal toq yin xtinya-pe pa kiwi'.

Ez 29:12

Xtinben k'a chire ri ruwach'ulew Egipto chi xtitole' kan kawineq juna' y konojel ri tinamit kan xkenwulaj k'a kan. Xkenwelesaj k'a el ri awinaq y xkentaluj-el pa ch'aqa' chik ruwach'ulew chikikojol ch'aqa' chik tzobaj winaqi'.

Ez 30:18

Ri aj-Egipto janila kinimirisan-ki' roma ri kuchuq'a'. Jak'a yin xtinwelesaj ri uchuq'a' y ri nimirisanen ri k'o kik'in. Ri chiri' pa tinamit Tafnes kan xtibeq'equmatej roma ri sib. Y chuqa' pa ruwi' chijun ri ruwach'ulew Egipto kan xtibemuqumu', rokik ri winaqi' xke'uk'uex-el pa ximonri'il.

Ez 32:7

Xkixink'is k'a achi'el toq nichup jun q'aq'. Y chuqa' xtibeq'equmatej ruwech ri kaj richin man yesaqirisan ta ri ch'umila'. Xtintz'apej ruwech ri q'ij rik'in sutz' y chuqa' ri ik' man xtisaqirisan ta chik.

Ez 34:12

Ri nuwinaq e sachineq kan chupan ri q'ij richin q'equ'm y ruk'ayewal toq xkitaluj-el-ki'. Jak'a re wakami kan xkenchajij achi'el nuben jun yuq'unel toq kan beneq ruk'u'x chikij ri rukarne'l.

Ez 7:10

Ri q'ij richin wululen kan xoqaqa yan, roma kan xoqaqa yan ri retal, achi'el ri q'ayis yebebos-pe richin nikik'ut chi noqaqa yan ruq'ijul ri job.

Ez 7:12

Xoqaqa k'a ri q'ij y xoqaqa k'a ri ramaj toq ri k'ayinel man nikikot ta rik'in ri ruk'ayij y ri loq'onel man nibison ta richin nuya' kan ruméro, roma ninbenya' yan ri rutojbalil pa kiwi' konojel.

Ez 7:19

Ri isaqipuaq y ri iq'anapuaq xkek'aq-el pa taq bey, achi'el niban rik'in ri q'ayis, roma jari' xbanon chiwe richin xixtzaq chupan ri itzel taq banobel. Ronojel ri' xa man jun rejqalen xtuben, ri beyomel ri' man xtitikir ta xkixrukol chuwech ri woyowal, ni man xtitikir ta xtunojisaj ri ipan.

Ez 7:7

Kan niqaqa yan k'a ri wululen chiwij rix winaqi' richin ri ruwach'ulew Israel. Kan ninaqajub yan k'a pe ri q'ij richin nimalej xibinri'il. Y ri xibinri'il ri' xtipe pa ruk'exel ri nimaq'ij ri niben chiri' pa ruwi' taq juyu'.

Joel 1:15

Toq'ex qawech roma peteneq q'ij richin ruk'ayewal, roma ri q'ij richin ri Jehová xa naqaj chik k'o-wi-pe. Ri Jehová ri k'o nimalej uchuq'a' pa ruq'a' kan xtuk'is k'a ronojel.

Wuj Richin ri Abdías 1:15

Achi'el ri xiben rix aj-Edom, keri' chuqa' xtiban chiwe rix, ri itzel ibanobal xtitzolix k'a ruk'exel chiwe. roma ri' naqaj chik k'o-wi ri q'ij richin ri Jehová; q'ij richin oyowal pa kiwi' konojel ajawaren.

Wuj Richin ri Sofonías 1:14

Kan naqaj chik k'o-wi ri q'ij richin royowal ri Jehová. Naqaj chik y kan xtibebanatej yan. Kan man tikirel ta nak'axex ri koq'ej ri winaqi'. Bis-bis ri kiraqoj-chi'ij ri aj-labal.

Wuj Richin ri Sofonías 1:7

Kan man jun k'a tiq'ajan chinuwech yin Jehová, roma ri q'ij richin woyowal kan naqaj chik k'o-wi. Yin kan e nuch'aron chik ri winaqi' aj-Judá ri e jampe' xkeken achi'el ri awej ri yeken richin kamelabel; y kan e nuchojmirisan chik ri xkebanon ri eleq' kik'in.

San Mateo 24:33

Y keri' k'a toq rix itz'eton chik ronojel ri xinbij yan qa, tiwetamaj k'a chi noqaqa yan ri q'ij. Xa kan naqaj chik k'a k'o-wi-pe.

Filipenses 4:5

Ri utzil ri niben kan niq'alajin ta k'a chikiwech konojel, roma ri ajaw naqaj chik k'o-wi ri rupetebal.

Santiago 5:9

Wach'alal, man jun k'a tibij roma ri niban chiwe, richin keri' man k'ayew ta xtiban chiwe rix toq xtapon ri q'ij chi ri Dios xtuq'et-tzij. Roma chi'anin xtipe ri q'ij ri'.

Apocalipsis 6:17

Roma jare' xoqaqa ri nimalej q'ij richin niqaqa ri royowal pa qawi' y kan man jun k'a xtitikir xtikoch'on, yecha'.