Ez 30:21 - Kaqchiquel Bible

²¹ Rat Ezequiel, tawak'axaj re'. Yin xinq'ej jun ruq'a' ri rey richin Egipto, y kan man aq'oman ta juba'. Roma ri' man nitikir ta nuben oyowal rik'in ri ru-espada.

Ez 30:21 ပူးပေါင်းရင်းမြစ်များ

Wuj Richin ri Jeremías 46:11

Y man jun chik k'a iwaq'omal chire ri isokotajik ri', stape' xkixbe pa Galaad chukanoxik aq'om, roma xa maneq chik raq'omal.

Wuj Richin ri Jeremías 30:13

Kan man jun nijoyowan iwech richin nraq'omaj ri isokotajik y roma ri' maneq chik raq'omal.

Wuj Richin ri Jeremías 48:25

Yin Jehová ninbij chi ri ruchuq'a' ri ruwach'ulew Moab xa xtik'is y ri q'atbel-tzij ri k'o pa ruq'a' kan xtiwulatej.

Wuj Richin Bix Chire ri Dios 37:17

Roma ri kuchuq'a' ri e banoy taq etzelal xa kan xtelesex k'a chike. Jak'a ri choj kik'aslen, kan ja ri Jehová ri nito'on kichin.

Ez 30:24

Jak'a ri rey richin Babilonia xtinya' uchuq'a' rik'in, richin ja rija' xtibeq'aton-tzij pa nuk'exel. Richin keri' xtinya' q'ij chire richin xtuk'is ruchuq'a' ri rey richin Egipto. Y rija' kan janila xtijilon chikiwech ri aj-Babilonia achi'el nuben jun wineq toq niken yan qa roma rukiy ri sokotajik.

Wuj Richin Bix Chire ri Dios 10:15

Jehová, tawelesaj kuchuq'a' ri e banoy etzelal; kan taya' k'a ri rutojbalil ri kimak, kan man jun mak tik'oje' kan ri maneq ta rutojbalil.

Apocalipsis 18:21

Y jari' k'a toq jun ángel ri kan janila ruchuq'a', xberuli'ej-pe jun nimalej abej richin nuke'ej trigo. K'ari' ri ángel ri' rik'in ronojel ruchuq'a' xuk'eq ri abej ri' chupan ri palou, y xubij: Kere' xtiban chire ri Babilonia richin chi tik'is jumul. Ri tinamit ri' man xtitz'etetej ta chik.

Wuj Richin ri Nahum 3:16

Ri k'ayinela' kan yek'iyer k'a; kan más k'a e k'iy chikiwech ri ch'umila' ri ek'o chila' chikaj. Jak'a rije' xa kan nikik'uaj-el ronojel ri iméro y yebe achi'el nikiben ri sak' toq nikik'is-el ronojel tiko'n y yebe.

Wuj Richin ri Isaías 1:6

roma ri imak kan achi'el chik ri sokotajik ri nuk'uaj jun wineq; nitiker k'a el pan iwaqen y napon k'a pan ijolon. Kan man jun chik utz chire ri ich'akul; xa kan xaxe chik k'a sokotajik, kajtajik y ch'a'k. Xa kan man banon ta iwaq'omal, ni man e pison ta rik'in jun tzieq, ni man e ya'on ta juba' aceite chiwij richin yixch'uch'u' ta juba'.

Wuj Richin ri Jeremías 44:30

Y ri retal ri' chi yin kan xtinjech ri Hofra rey richin Egipto pa ruq'a' ri Nabucodonosor rey richin Babilonia, ri nukanoj richin nrelesaj ruk'aslen, achi'el xinjech ri Sedequías rey richin Judá pa ruq'a' rija'. Yin Jehová ri yibin, xicha' chike.

Ez 39:3

Kan xtinwulaj k'a ri rute-ach'ab ri k'o pan awajxokon. Chuqa' xtinben k'a chawe richin xketzaq-el ri ach'ab ri ek'o pan awijkiq'a'

Wuj Richin ri Zacarías 11:17

Toq'ex k'a ruwech ri itzel yuq'unel toq numalij kan ri tzobaj karne'l. Kan xtiqaqa ta k'a ri espada chirij ri ruq'a', y xtel ta el jun runaq'-ruwech ri k'o pa rijkiq'a', richin keri' xtichaqi'j-qa ri ruq'a' y xtimoyir kan jumul, xcha' ri Dios.

2 Rey 24:7

Y ri rey richin Egipto man jun bey chik k'a xel-el pa ruwach'ulew, roma ri rey richin Babilonia xumej kan ri ulew ri nitiker-pe rik'in ri raqen-ya' richin Egipto, napon k'a rik'in ri raqen-ya' Éufrates, y ja rija' ri xchajin.

Wuj Richin Bix Chire ri Dios 89:43

Pa ruwi' ri' kan man xato' ta chik toq nibe pan oyowal. Xaben chire chi xch'akatej.