Ez 30:2 - Kaqchiquel Bible

² Rat Ezequiel, taq'alajirisaj re jun rutzijol re' y tabij chi kere' ninbij yin: Kan xkixsik'in k'a, toq xtapon ri q'ij ri'.

Ez 30:2 ပူးပေါင်းရင်းမြစ်များ

Wuj Richin ri Isaías 13:6

Kixsik'in k'a roma bis pa kiwi' ri aj-Babilonia, roma ri q'ij richin nuq'et-tzij ri Jehová kan xtipe-wi. Kan xtipe ri Dios ri k'o ronojel uchuq'a' pa ruq'a' richin nutoloba' kan chijun ri kiruwach'ulew.

Joel 1:11

Kan janila k'a kixbison rix tikonela', tiraqa' ichi' roma bis rix tikoy taq uva; roma ri trigo y ri cebada xa xk'is-el kiwech.

Joel 1:5

Roma ri', kixyakatej rix q'abarela', y kixoq'. Tiraqa' ichi' roma bis chi'iwonojel ri yixqumu vino, roma ri ruya'al uva kan xelesex-el chiwe.

Ez 21:12

Y rat Ezequiel, kasik'in k'a chi oq'ej rik'in janila bis, roma re espada re' kan k'o chik pa kiwi' ri awinaq. Chuqa' richin xkerukamisaj konojel ri e q'atoy taq tzij ri ek'o pa Judá. Y junan k'a xkeken kik'in ri ch'aqa' chik winaqi'. Roma ri' takajila' k'a ruwa-ak'u'x roma bis.

Wuj Richin ri Isaías 15:2

Ri winaqi' aj-Dibón xkejote-el pa ruwi' ri juyu' richin xkebe'oq'. Konojel xkebe chupan ri rachoch ri ki-dios richin xkejiq'ijo'x, toq xkek'is ri tinamit Nebo y ri Medebá. Konojel rije' kan xtikisokaj k'a ri rusumal-kiwi' y ri rusumal-kichi' roma bis.

Apocalipsis 18:10

Jak'a roma nikixibij-ki' chuwech ri ruk'ayewal ri qajineq pa ruwi', kan k'a nej k'a xtikitzu-pe y xtikibij: Toq'ex ruwech ri Babilonia; jun tinamit ri k'o ruchuq'a' richin xk'oje' pa kiwi' konojel. Toq'ex ruwech roma xa pa jun ti ramaj xk'is pa ruq'a' ri ruk'ayewal ri xqaqa-pe pa ruwi', xkecha'.

Santiago 5:1

Wakami k'o jun ninwajo' ninbij chiwe rix beyoma'. Ninbij k'a chiwe chi ruk'amon chi yixoq', kixsik'in chi oq'ej, roma janila tijoj-poqonal ri xtipe pan iwi'.

Wuj Richin ri Zacarías 11:2

Xtitz'etetej chi ri k'isis achi'el xkebison, roma ri tiox-che' xa xketzaq, y xa xkek'is ri jebelej taq che'. Xtitz'etetej chi ri tuq ri ek'o pa Basán achi'el xkebison, roma ri janila chi che' xa xkek'is.

Wuj Richin ri Sofonías 1:11

Kixoq' rix winaqi' ri ixk'o pa xulan-qa chire ri tinamit, roma konojel ri k'ayinela' xkek'is jumul. Kan xkek'is k'a konojel ri yejalo ri méro chupan ri tinamit.

Wuj Richin ri Jeremías 47:2

Kere' nubij ri Jehová: Kere' pa xaman e peteneq jun nimalej tzobaj winaqi', achi'el jun nimalej raqen-ya'. Y re raqen-ya' re' kan nibulbu'x y xtumuq ri iruwach'ulew, ri itinamit y konojel ri ixk'o chuwech. Y chi'iwonojel rix kan xkixsik'in roma q'axo'n.

Wuj Richin ri Jeremías 4:8

Roma ri' tikusaj k'a tzieq richin bis. Kixoq' y kixjilon roma ri q'axo'n, roma ri Jehová man relesan ta ri nimalej royowal chiqij.

Wuj Richin ri Isaías 65:14

Rije' xkebixan rik'in janila kikoten, jak'a rix kan xkixoq' y xtireq ichi' roma bis y q'axo'n.

Wuj Richin ri Isaías 23:6

Rix winaqi' ri ixk'o pa taq'aj richin ri Tiro, xkixoq', xkixanimej-el, y xtiwewaj-iwi' pa Tarsis.

Wuj Richin ri Isaías 23:1

Ri Dios xuq'alajirisaj ri xtibanatej pa ruwi' ri tinamit Tiro. Y jare' k'a ri rutzijol: Kixoq' rix aj-Tarsis ri yixuk'uan ri nimalej taq barco, roma kan xtik'is ri tinamit Tiro. Kan man jun chik jay ri xtik'oje' kan, y kan man jun chik akuchi xke'ok-wi-apo ri barco. Toq xketzolej-pe pa Quitim, jari' toq xtiq'ax chikiwech.

Wuj Richin ri Isaías 16:7

Roma ri' konojel ri aj-Moab kejilon k'a. Ke'oq' k'a roma xek'is ri achi'a' aj-Quir-haréset.

Wuj Richin ri Isaías 14:31

Rix aj-Filistea kan kixbe'oq' pa taq okibel richin ri itinamit, y kixbaybot roma xibinri'il. Roma kere' pa xaman xkepe aj-labal, y kan xkepe achi'el jun q'equ'm laj sutz', y konojel rije' ek'o chupan ri kicholaj.

Ez 30:1

Ri Jehová xch'on chik wik'in y xubij chuwe: