Ez 30:11 - Kaqchiquel Bible

¹¹ Ri aj-labal aj-Babilonia, rije' kan man jun joyowanik kik'in. Y xkek'amer k'a pe richin xtikiwulaj kan ri ruwach'ulew Egipto. Xtikelesaj k'a ri ki-espada pa ruk'ojelibal y ri ruwach'ulew kan xtinoj kik'in kaminaqi'.

Ez 30:11 ပူးပေါင်းရင်းမြစ်များ

Ez 28:7

jak'a ri Dios xtuben chi xkeyakatej-pe chawij ri man e awinaq ta, winaqi' ri kan k'o janila ketzelal. Xtikelesaj k'a ki-espada chawij richin xkatkich'ek. Y keri' ronojel ri k'o awik'in y ri ana'oj, kan xtikelesaj chawe.

Ez 39:4

richin rat kan xkaken k'a pa taq juyu' richin ri ruwach'ulew Israel y chuqa' ri aj-labal ri e awachibilan-pe, junan kik'in ri winaqi' ri kibanon tununri'il awik'in. Y ri ich'akul kan xke'ok kiway ronojel kiwech aj-xik' taq chikopi' ri nikitej ti'ij y xke'ok chuqa' kiway konojel k'uxunela' taq chikopi'.

Ez 35:8

Xke'ilitej k'a kaminaqi' xabakuchi, roma xtintaluj ri ich'akul pa ruwi' juyu', kojol taq juyu' y pa taq siwan.

Ez 32:12

Xtinben k'a chi ri janila chi winaqi' xketzaq chi espada pa kiq'a' ri más e itzel taq aj-labal. Y rije' k'o janila kuchuq'a' chikiwech ri ch'aqa' chik ruwach'ulew. Y roma ri' kan xtikiqasaj k'a ri runimirinen ri aruwach'ulew Egipto y xkekik'is ri janila chi awinaq.

Ez 31:12

Jak'a ri itzel taq winaqi' ri' xtibekitorij ri che' ri' y xtikipunuba' kan pa kiwi' ri juyu' y ri ruq'a' xkeq'aj y xkebeqaqa kojol taq juyu' y pa taq siwan. Y konojel ri tinamit ri xemujan chuxe' ri che' ri', xa xke'animej y xtikimalij kan.

Deut 28:50

Rije' kan e itzel taq winaqi' y kan man jun kiq'ij ri e rijita'q taq achi'a' chikiwech y man xtikijoyowaj ta kiwech ri ak'uala'.

Ez 30:24

Jak'a ri rey richin Babilonia xtinya' uchuq'a' rik'in, richin ja rija' xtibeq'aton-tzij pa nuk'exel. Richin keri' xtinya' q'ij chire richin xtuk'is ruchuq'a' ri rey richin Egipto. Y rija' kan janila xtijilon chikiwech ri aj-Babilonia achi'el nuben jun wineq toq niken yan qa roma rukiy ri sokotajik.

Ez 31:11

Rix ix achi'el ri che' ri' y roma ri' yin Jehová kan xkixinwetzelaj y kan xtinya' q'ij richin xkixtzaq pa ruq'a' jun aj-raqen kichin tzobaj winaqi' e richin ch'aqa' chik ruwach'ulew, richin xtikiben iwik'in ri ruk'amon richin ri rutojbalil ri imak, roma ri itzel ri ye'iben ri chiri'.