Chupan ri q'ij ri' xtik'oje' porobel richin ri Jehová pa runik'ajal ri Egipto. Chuqa' pa ruk'ulba't ri ruwach'ulew xtiban-el jun tz'aq richin niya'ox ruq'ij ri Jehová.
Rija' xtipe richin xtoruya' ruk'ayewal pa ruwi' ri ruwach'ulew Egipto. Ri winaqi' ri k'o chi yeken, kan xkeken; ri xkebe pa ximonri'il, kan xkebe pa ximonri'il y ri xkekamisex chi espada, kan chi espada xkeken-wi.
Toq xtz'aqet yan juwineq wuqu' juna' chi xojk'amer-pe pa Babilonia, chupan ri nabey q'ij chire ri nabey ik', ri Jehová xch'on chik wik'in y xubij chuwe:
Rat Ezequiel, katzu'un kela' akuchi k'o-wi ri rey richin Egipto y pa nubi' k'a yin xtaq'alajirisaj chire ri xtibebanatej rik'in rija' y rik'in chijun ri ruwach'ulew.
Chupan k'a ri q'ij ri', xtinben chi ri awinaq israelita xtinimer ri kuchuq'a' y rat Ezequiel, kan xkatikir chik xkach'on kik'in. Y k'ari' xtiketamaj chi ja yin Jehová, xcha'.
Stape' rija' y ri aj-labal xkiya' nimalej xibinri'il chikikojol ri winaqi', xkemuq chikikojol ri ch'aqa' chik winaqi' ri man xkiya' ta nuq'ij, ri xeken pa labal, xcha' ri Jehová.
