Ez 3:23 - Kaqchiquel Bible

²³ Xiyakatej k'a el y xibe pa taq'aj ri akuchi xubij-wi ri Jehová chuwe y xintz'et k'a ri ruk'ojlemal ri chiri', kan junan rik'in ri ruk'ojlemal ri xintz'et ri chuchi' raqen-ya' Quebar. Y roma ri' yin kan xinlukuba-qa-wi' k'a pan ulew chuwech.

Ez 3:23 ပူးပေါင်းရင်းမြစ်များ

Ez 1:28

kan achi'el k'a ri kotoq'a' ri niq'alajin chupan ri sutz' pa ruq'ijul job. Keri' toq ri Jehová xuk'ut ri ruk'ojlemal chinuwech y xaxe k'a toq xintz'et ronojel re' kixukuk xiqaqa k'a pan ulew. Y k'ari' xinwak'axaj toq rija' xch'on-pe wik'in.

Ez 10:18

Ri ruk'ojlemal ri Jehová ri k'o chuchi' ri rachoch xyakatej-el y xbek'oje' pa kiwi' ri e kaji' querubín.

Ez 43:2

Y jari' toq ri ruk'ojlemal ri Dios kichin ri winaqi' israelita peteneq kere' pa relebel-q'ij. Kan niwajin peteneq achi'el toq niwajin jun nimalej raqen-ya' y ri ruwach'ulew kan xnoj rik'in rusaqil richin ri ruk'ojlemal.

Ez 43:3

Y ri rubanik ri xintz'et, achi'el ri xk'utumej chinuwech toq xpe richin xoruwulaj kan ri Jerusalem y chuqa' achi'el rubanik ri xk'utumej chinuwech ri chuchi' ri raqen-ya' Quebar. Y roma ri' yin kixukuk xiqaqa pan ulew.

Ez 44:4

Chirij k'a ri' ri achin xiruk'uaj-el pan okibel ri k'o pa xaman chuwech-apo ri rachoch ri Dios. Y toq xojok-apo, xintz'et k'a chi ri ruk'ojlemal ri Jehová runojisan chijun ri rachoch rija'. Y yin kixukuk xiqaqa pan ulew chuwech.

Ez 8:4

Y xintz'et k'a chi chiri' k'o-wi ri ruk'ojlemal ri Jehová, xa kan junan rubanik rik'in ri xk'utumej chinuwech pa nabey.

Ez 9:3

K'ari' ri ruk'ojlemal ri Jehová xyakatej-el pa kiwi' ri querubín ri akuchi kan k'o-wi-pe y xbe k'a, y xuchojmij-el ri akuchi niban-wi oken chire ri rachoch. K'ari' ri Dios xroyoj k'a ri achin ri rukusan tzieq lino ri uk'uayon tinta richin tz'ibabel.

Dn 8:17

Y ri Gabriel kan xjel k'a apo wik'in. Y jari' toq yin kan janila xinmey, y roma ri' xinqasaj-wi' k'a pan ulew chuwech. Jak'a rija' xubij k'a chuwe chi yin k'o chi niq'ax jebel chinuwech ri yinajin chutz'etik. Ronojel re' kan xtibebanatej k'a chiqawech-apo, xcha'.

Wuj Richin ri Q'axanri'il 16:19

Y toq ri Coré e rumolon chik k'a ri e 250 rachibil y e pa'el chik chiri', jari' toq xorepero' ri rusaqil ri ruk'ojlemal ri Jehová chikiwech konojel rije'.

Wuj Richin ri Q'axanri'il 16:42

Jak'a toq ri winaqi' xkimol-ki' richin yeyakatej chikij ri Moisés y ri Aarón, kan jari' xebe-apo chuchi' ri rachoch ri Jehová. Y kan jari' toq ri achi'el sutz' xumatzej rij ri jay ri' y xorepero' k'a ri rusaqil ri ruk'ojlemal ri Jehová.

Hechos 7:55

Jak'a ri Esteban kan jun achin k'a ri nojineq ránima rik'in ri Loq'olej Espíritu. Roma ri', toq rija' xtzu'un ri chikaj, xutz'et k'a ri ruq'ij-ruk'ojlen ri Dios, y xutz'et chuqa' ri Jesús pa'el-apo pa rijkiq'a' rija'.

Wuj Richin ri Josúe 5:14

K'ari' ri achin ri' xubij chire ri Josué: Man jun chike ri ka'i' ri nabij rat, yin kan in tata'al kichin ri e richin ri Jehová ri in peteneq wakami, xcha'. Jari' toq ri Josué xuxuk-xumej-ri' chuwech richin xuya' ruq'ij, y xubij chire: Ajaw ¿achike k'a nawajo' nabij chuwe yin ri asamajel?, xcha'.

Apocalipsis 1:17

Toq yin xintz'et ri', achi'el jun kamineq xitzaq-qa chiraqen. Jak'a rija' xuya' ri rijkiq'a' pa nuwi' y xubij chuwe: Man taxibij-awi', roma ja yin ri in k'o pe pa nabey y ja yin in k'o pa ruk'isibel.

Apocalipsis 4:10

ri e juwineq kaji' achi'a' ri k'o kiq'ij, yexuke' chuwech ri kan k'es tibe-q'ij tibe-seq; nikelesala' ri ki-corona y yekiya-apo chuwech, y nikibij k'a:

Apocalipsis 5:14

Y ri e kaji' ri k'o kik'aslen nikibij: Kan keri' wi. Y ri juwineq kaji' achi'a' ri k'o kiq'ij kan jari' k'a xexuke-qa richin xkiya' ruq'ij ri k'o ruk'aslen tibe-q'ij tibe-seq.

Apocalipsis 5:8

Y toq ruchapon chik ri boton wuj, ri e kaji' ri k'o kik'aslen e kachibilan ri e juwineq kaji' achi'a' ri k'o kiq'ij, xexuke-qa chuwech ri Karne'l ri'. Konojel kik'ualon ki-arpa y porobel-pom ri e banon rik'in q'anapueq ri e nojineq rik'in pom. Re' nuk'exewachuj ri kich'owen ri ralk'ual ri Dios.