Ez 3:21 - Kaqchiquel Bible

²¹ Jak'a wi ta rat xtabij chire chi man chik timakun y rija' xq'ax chuwech chi man utz ta ri xuben, rija' man xtiken ta k'a, roma kan xunimaj ri xabij chire y rat chuqa' xkakolotej, xcha'.

Ez 3:21 ပူးပေါင်းရင်းမြစ်များ

Wuj Richin Bix Chire ri Dios 19:11

Ronojel re', kan nubij k'a chire ri asamajel ri utz y ri man utz ta nuben; wi nuyek re' pa ránima, kan k'o rajel ruk'exel xtuk'ul.

Wuj Richin Etamabel-Tzij 17:10

Jun wineq ri kan k'o retamabal, xaxe rik'in nich'olix jun bey nretamaj; jak'a ri wineq ri xa maneq runa'oj, stape' janila k'iy mul nich'ay man nretamaj ta.

Wuj Richin Etamabel-Tzij 9:9

Kan tiya' k'a más rutzil chuwech ri aj-na'oj y xtik'oje' más runa'oj. kan titijoj k'a ri wineq choj ruk'aslen y rija' xtinimer más retamabal.

Ez 33:9

Jak'a wi rat xaya' rutzijol chire y rija' man xuchojmirisaj ta ri ruk'aslen, rija' kan xtiken k'a roma ri rumak. Jak'a rat man xtawejqalej ta ri rukamik.

Hechos 20:31

Roma ri', kan tichajij-iwi'. Toqaqa chi'ik'u'x chi yin oxi' juna' ri xik'oje' iwik'in, y jantape' xixinwoq'ej y xixinpixabaj chi'ijujunal.

1 Corintios 10:12

Roma ri' wi k'o jun qach'alal ri kan nuch'ob chi kan jebel kuqul ruk'u'x, roma ri' man nitzaq ta, xa kan nik'atzin k'a chi tuchajij-ri' jebel richin chi man nitzaq.

1 Corintios 4:14

Ronojel ri xinbij, man richin ta k'a ninya' ik'ix. Xaxe roma ninwajo' yixinpixabaj, roma kan ix achi'el walk'ual ninna' yin, y janila yixinwajo'.

Colosenses 1:28

Roj kan ja ri Cristo ri niqaq'alajirisaj. Niqabij chike konojel chi tikiya' kan ri mak, y rik'in ronojel etamabel yeqatijoj konojel, roma niqajo' chi kan tz'aqet ta ri kik'aslen toq ye'apon-q'anej rik'in ri Dios.

1 Tesalonicenses 5:14

Chuqa', qach'alal, ke'ipixabaj ri qach'alal ri k'o kiq'oral. Y ri qach'alal ri xa ka'i' kik'u'x rubanon, tikuqubala' kik'u'x. Y ri man jani k'o ta kuchuq'a' jebel chupan ri kik'aslen rik'in ri Jesucristo, kan ke'itola'. Y chuqa' ke'ikoch'ola' konojel.

1 Timoteo 4:16

Tachajij k'a jebel ri ak'aslen y keri' chuqa' ri tijonik ri naya' chike ri ch'aqa' chik. Y man taya' kan rubanik, richin keri' xtakol-awi' rat y xke'akol chuqa' ri ye'atijoj.

Tito 2:15

Ja ronojel re' ri k'o chi nak'ut; man tapoqonaj nabij roma ja ri Dios yoyon uchuq'a' chawe richin naben re samaj re'.

Santiago 5:20

Y tiwetamaj k'a chi wi nitzolej chik pe ruk'u'x jun aj-mak, y rija' nuchop jun k'aslen utz, kan xiben k'a chire chi nikuyutej ri janipe' mak ri e rubanalon, y nikolotej chuwech ri kamik ri nuk'en-pe ri mak.

Apocalipsis 3:19

Yin kan yench'olij y yenpixabaj ri yenwajo'. Roma ri' rix kan rik'in k'a ronojel iwánima titzolej chik pe ik'u'x wik'in y tiya' kan ronojel ri imak.