Ez 3:20 - Kaqchiquel Bible

²⁰ Y chuqa' toq k'o jun awinaq ri choj ruk'aslen ri rubanon-pe y k'ate' nuya' kan re jun utzilej k'aslen re' y nuchop rubanik etzelal, rat xtabij chire. Jak'a wi rat man jun xtabij chire y yin xtinya-pe ruk'ayewal pa ruwi' richin niken, yin man xtinya' ta ri rejqalen ri utz ri xeruben y chawe k'a rat ri xtink'utuj-wi ri ruk'aslen roma man xabij ta chire ri ruk'amon richin ta xuben.

Ez 3:20 ပူးပေါင်းရင်းမြစ်များ

Ez 18:24

Jak'a wi ri choj ruk'aslen nuya' kan ri ruchojmilal y xa nuchop rubanik ri xa man niqa' ta chinuwech yin y xa nuben achi'el ri nikiben ri banoy taq etzelal, ¿nich'ob rix chi nik'ase' k'iy q'ij ri nibanon kere'? Yin kan xtinmestaj k'a ronojel ri utz rubanobal ri rubanon wik'in. Y roma xa man xuben ta chik pa ruchojmilal y xmakun, re wineq k'a re' kan xtiken.

Ez 3:18

Toq yin ninwajo' ninbij chire jun awinaq aj-mak chi niqaqa kamik pa ruwi', rat k'o chi xtabij chire. Y wi man xtabij ta chire y rija' man nuya' ta kan ri mak richin chi nik'ase' chik juba', re wineq re' kan xtiken k'a roma ri rumak y yin xtink'utuj k'a ri ruk'aslen chawe rat.

Hebreos 10:38

Ri winaqi' ri choj kik'aslen kan xkek'ase' rik'in ri kikuqubabel-k'u'x. Jak'a wi xkinkimalij kan, man xtikikot ta ri wánima kik'in.

Ez 18:26

Roma ri', ri wineq choj ruk'aslen wi xa nuya' kan ri utzilej k'aslen y nuchop rubanik ri itzel, kan xtiken k'a chi'anin roma ri itzel taq rubanobal.

Wuj Richin Bix Chire ri Dios 125:5

Jak'a ri xa nikich'er kan ki' richin nikiben ri etzelal, ri Jehová kan xkeruya' k'a kik'in ri ch'aqa' chik e banoy etzelal. ¡Ri uxlanibel-k'u'x xtik'oje' ta pa ruwi' ri tinamit Israel!

1 Juan 2:19

Xek'oje' chiqakojol, jak'a xa xe'el-el roma man e qachibil ta. Wi ta e qachibil, ek'o ta qik'in wakami. Xe'el k'a el qik'in, xaxe richin chi xeq'alajin chi kan man ek'o ta qik'in.

1 Pedro 2:8

Chike ri winaqi' ri man nikinimaj ta, rija' xa xtok jun achi'el abej ri nikipajk'ij kaqen chirij y xketzaq. Xtikik'uluwachij keri' roma man xkinimaj ta ri rubin ri Dios y rik'in ri' nitz'aqet ri ruch'obonik ri Dios.*f4*

Ez 33:18

Wi jun wineq choj ruk'aslen nuya' ta kan ri utzilej k'aslen ri ruk'uan y nuchop ta rubanik itzel banobel, re wineq re' kan xtiken roma kan itzel ri yeruben.

Wuj Richin ri Jeremías 6:21

Roma ri' ninya' k'a pikbel pan ibey rix richin chi'iwonojel xkixtzaq; chi te'ej-tata'aj, chi alk'ualaxela', ri e iwachk'uljay y ri iwachpochel. Yin Jehová ri yibin.

Wuj Richin ri Sofonías 1:6

Kan xkenk'is k'a el konojel ri nikich'er kan ki' wik'in yin Jehová, y chuqa' konojel ri man yinkikanoj ta y ri man yinkik'ulubej ta.

Ez 33:6

Jak'a wi ri chajinel nutz'et chi peteneq ri oyowal y man xuxupuj ta ri trompeta richin chi xuya' rutzijol chike ri winaqi' y xtikamisex jun rik'in espada, re wineq re' xken, jak'a ri chajinel ri' kan xtrejqalej ri rukamik ri xken, xkacha' chike.

Ez 14:3

Re achi'a' re' kijachon-ki' richin nikiya' kiq'ij ri wachibel y kan kijachon-ki' richin yemakun. Roma ri' yin man xtinya' ta pixabanik chike.

Wuj Richin ri Isaías 64:6

Qonojel roj xa man oj ch'ajch'oj ta. Roj niqach'ob chi ri qabanobal kan e utzilej-wi, jak'a chawech rat xa kan achi'el jun tzieq ri tz'il-tz'il. Qonojel oj tzaqineq achi'el nitzaq ri ruxaq taq che' ri e mayirneq chik, y ri qamak yojruqirirej achi'el nuben ri kaq'iq' chike ri ruxaq taq che'.

Wuj Richin ri Isaías 8:14

Yin kan xkinok k'a jun tobel chawe rat. Jak'a chike ri awinaq aj-Judá y ri aj-Israel, man keri' ta. Chike rije' xa xkinok achi'el jun abej ri nikipajk'ij kaqen chirij. Xkinok achi'el jun pajk'ibel chike ri winaqi' aj-Jerusalem.

Hebreos 13:17

Kan tiqanimaj k'a kitzij ri qach'alal ri e uk'uey qichin richin niqaya' kikoten pa taq kánima, roma ja rije' ri yechajin ri qánima, y k'o chi nibekiq'alajirisaj chuwech ri Dios ri samaj ri nikiben. Roma wi xa man niqanimaj ta kitzij, rije' xtikiben ri kisamaj rik'in bis. Y re' xa man jun utz ruk'amon-pe.

1 Corintios 1:23

Jak'a roj, kan ja ri Cristo ri xkamisex chuwech ri cruz ri niqatzijoj. Y ri' xa nuben k'a chike ri nuwinaq judío chi itzel nikina' roma man utz ta nikak'axaj, y chikiwech k'a ri man e judío ta xa ch'ujerik.

Romanos 11:9

Y ri David rubin kan chuqa':*f43* Ri kinimaq'ij rije' richin yewa-ye'uk'ya', kan ta k'a xtik'atzin richin pajk'ibel chike, y richin nikitoj ri kimak.

San Lucas 8:15

Ri ija'tz ri xqaqa pa jun utzilej ulew, re' kan nich'on-wi k'a chikij ri winaqi' ri ye'ak'axan ri ruch'abel ri Dios, y rik'in ronojel kánima nikiben ri nubij. Jantape' kikuquban kik'u'x rik'in ri Dios, y niwachin jebel ri kik'aslen, xcha'.

Dn 9:18

Kan tawak'axaj k'a ri nuch'abel, tatzu-pe ri ruk'uluwachin ri tinamit ri akuchi ninatex-wi ri abi'. Yin nink'utuj re utzil re' chawe man roma ta choj ri qak'aslen chawech, xa kan roma k'a ri ruk'iyal ri ajoyowanik rat.

Ez 7:19

Ri isaqipuaq y ri iq'anapuaq xkek'aq-el pa taq bey, achi'el niban rik'in ri q'ayis, roma jari' xbanon chiwe richin xixtzaq chupan ri itzel taq banobel. Ronojel ri' xa man jun rejqalen xtuben, ri beyomel ri' man xtitikir ta xkixrukol chuwech ri woyowal, ni man xtitikir ta xtunojisaj ri ipan.

Wuj Richin Etamabel-Tzij 25:12

Achi'el rejqalen ri ruwi' ixkinaj ri banon rik'in q'anapueq y ronojel ruwech wiqobel ri kan e q'anapueq chuqa', kan keri' rejqalen ri ruch'abel ri aj-na'oj, chuwech ri jun ri kan nuben ri nrak'axaj.

Wuj Richin Bix Chire ri Dios 119:165

Ri nikitaqej ri apixa' kan janila uxlanibel-k'u'x k'o kik'in. Y kan man jun xtitzaqon kichin.

Wuj Richin Bix Chire ri Dios 36:3

Ri ch'abel ri yekibij, kan ruyon richin mak y q'oloj. Kan xk'is k'a kina'oj, y man nikiben ta ri utz.

2 Crón 25:15

Roma ri' ri Dios xpe royowal chire ri Amasías y xuteq chik k'a jun q'alajirisey ri ruch'abel rik'in y xubij chire: ¿Achike roma xe'akanoj ri dios ri xa e kichin ri winaqi' richin jun chik ruwach'ulew, y ri dios ri' xa man xetikir ta xekikol ri kiwinaq pan aq'a'?, xcha'.

2 Crón 24:2

Ri Joás kan utz k'a xuben chuwech ri Jehová, rokik k'es ri sacerdote Joiadá.

Deut 13:3

kan man tinimaj k'a rutzij jun wineq keri'. Roma ri Jehová ri qa-Dios xa yixrutejtobej richin nutz'et wi kan qitzij niwajo' rija' rik'in ronojel iwánima, chupan chijun ik'aslen.

Wuj Richin ri Chojmirisabelri'il 19:17

Man k'a tipe pan iwánima richin niwetzelaj ri iwach'alal o ri iwinaq; xa kan tipixabaj k'a toq k'atzinel, richin keri' man niwejqalej ta rix ri rumak.

San Lucas 2:34

Jari' toq ri Simeón xerurtisaj y xubij chire ri María: Tawak'axaj na pe, re ak'ual re' ya'on-pe roma ri Dios richin chi e k'iy chike ri qawinaq judío xkeyakatej y e k'iy chuqa' ri xketzaq. Rija' kan xya'ox k'a pe richin jun retal richin ri kolotajik, jak'a e k'iy ri xa xtiketzelaj.

San Mateo 18:15

Wi k'o k'a jun awach'alal nimakun chawech, kabiyin ayon rik'in y pa ruyonil tabij chire. Y wi ri awach'alal ri' nrak'axaj ri xabij chire, kan xakol k'a.

Wuj Richin ri Jeremías 34:16

Jak'a rix xa xitzolij chik iwi' chiwij y man xiya' ta rejqalen ri nubi'. Chi'ijujunal rix xa xe'ik'en chik qa jun bey ri isamajela', ri xiya' yan el q'ij chike richin xetotej-el.