Ez 3:18 - Kaqchiquel Bible

¹⁸ Toq yin ninwajo' ninbij chire jun awinaq aj-mak chi niqaqa kamik pa ruwi', rat k'o chi xtabij chire. Y wi man xtabij ta chire y rija' man nuya' ta kan ri mak richin chi nik'ase' chik juba', re wineq re' kan xtiken k'a roma ri rumak y yin xtink'utuj k'a ri ruk'aslen chawe rat.

Ez 3:18 ပူးပေါင်းရင်းမြစ်များ

Wuj Richin ri Rutikeribel 2:17

Xaxe ri che' ri niya'on etamabel richin ri utz y ri itzel man tatej, roma ri q'ij toq xtatej, kan xkaken, xcha'.

Wuj Richin ri Rutikeribel 42:22

K'ari' xch'on-apo ri Rubén y xubij chike: Yin xinbij chiwe chi man jun itzel tiben chire ri ala' ri' y man xinimaj ta nutzij y k'a wakami yojtajin rutojik ri rukamik ri qachaq', xcha'.

2 Sam 4:11

Jak'a iwik'in rix itzel taq achi'a' kan más k'a xtik'o ruwi' ri xtinben chiwe roma xikamisaj jun achin chiri' pa rachoch toq niwer pa ruch'at, ri xa man jun rumak. Wakami k'a ninben ruk'exel chiwe y xkixinwelesaj k'a el jumul chuwech re ruwach'ulew. xcha' chike.

2 Rey 1:4

Roma ri', ri Jehová nubij chi ri rey Ocozías man xtiyakatej ta chik chuwech ri warabel; xa kan xtibeken k'a, xcha' ri ángel chire ri Elías. K'ari' ri Elías xel-pe richin xeberuk'ulu' ri samajela' y xubij chike ri xubij ri Dios chire.

Wuj Richin Etamabel-Tzij 14:32

Toq kan noqaqa k'a ri ruk'ayewal, ri wineq itzel xa man xtikowin ta pa ruq'a'; jak'a ri choj ruk'aslen, stape' k'o chik chuwech ri kamik, kan k'o ri akuchi nuto-ri'.

Wuj Richin ri Isaías 3:11

Jak'a toq'ex kiwech ri winaqi' ri maneq Dios chikiwech, roma ronojel man utz ta xtel chikiwech; roma achi'el ri kibanobal, keri' ri rutojbalil ri xtikik'ul.

Ez 18:13

Kan nuk'ul ral ri méro ri nuya' pa qajik chike ri ruwinaq y toq nuya' pa qajik chike ri man e ruwinaq ta kan nuk'utuj k'iy ral chike. Re itzel alk'ualaxel re' kan man xtik'ase' ta k'a k'iy q'ij. Roma ronojel ri itzel taq rubanobal ri xeruben, kan xtiken k'a. Kan man jun makul chire y kan xtrejqalej ri rumak.

Ez 18:20

Xa kan xaxe ri wineq ri nimakun ruk'amon richin nrejqalej ri rumak, ni ta ri alk'ualaxel man xtrejqalej ta ri rumak ri rutata', ni ta k'a ri tata'aj man xtrejqalej ta ri rumak ri alk'ualaxel. Ri choj ruk'aslen kan xtuk'ul k'a rajel ruk'exel, roma pa ruchojmilal ri xuben; jak'a ri banoy etzelal kan xtuk'ul k'a rutojbalil roma ri etzelal ri xuben.

Ez 18:4

Roma kan konojel k'a ri winaqi' e wichin yin, chi tata'aj chi alk'ualaxela' kan e wichin yin; y roma ri' ri wineq ri nimakun, xaxe rija' k'o chi niken roma ri rumak.

Ez 3:20

Y chuqa' toq k'o jun awinaq ri choj ruk'aslen ri rubanon-pe y k'ate' nuya' kan re jun utzilej k'aslen re' y nuchop rubanik etzelal, rat xtabij chire. Jak'a wi rat man jun xtabij chire y yin xtinya-pe ruk'ayewal pa ruwi' richin niken, yin man xtinya' ta ri rejqalen ri utz ri xeruben y chawe k'a rat ri xtink'utuj-wi ri ruk'aslen roma man xabij ta chire ri ruk'amon richin ta xuben.

Ez 33:12

Roma ri' rat Ezequiel, taya' chike ri awinaq re jun rutzijol re': Wi k'o ta jun wineq ri utz ruk'aslen y niyakatej chuwij, ronojel ri utz rubanon-pe man jun rejqalen y man xtikolotej ta kan chire ri rutojbalil. Y wi ta jun wineq ri k'o ta jun rumak y nuya' kan ri itzel rubanobal, man rik'in ta k'a ri itzel ruk'aslen rubanon-pe, man jari' ta ri xtikamisan richin. Y wi ta ri utz ruk'aslen nimakun, ri utz ri xuben ojer kan, man jun chik xtuq'ajuj richin chi roma ta ri' man ta xtiken.

Ez 33:6

Jak'a wi ri chajinel nutz'et chi peteneq ri oyowal y man xuxupuj ta ri trompeta richin chi xuya' rutzijol chike ri winaqi' y xtikamisex jun rik'in espada, re wineq re' xken, jak'a ri chajinel ri' kan xtrejqalej ri rukamik ri xken, xkacha' chike.

Ez 34:10

Kan xkiyakatej k'a chiwij y rix k'o chi xtibij chuwe achike roma man xe'ichajij ta ri nuwinaq. Man xkixk'oje' ta chik pa kiwi', man xkixtikir ta chik xtiwelesaj ri k'o kik'in y man xtiben ta chik chike richin nikitej poqon.

Wuj Richin ri Q'axanri'il 26:65

Roma ri Jehová rubin chik chike chi rije' xkeken kan ri pa tz'iran ruwach'ulew y xaxe xkek'ase' kan ri Caleb ruk'ajol ri Jefuné y ri Josué ri ruk'ajol ri Nun.

San Lucas 13:3

Man keri' ta, roma rix chuqa' xa xkixken wi man xtitzolin ta pe ik'u'x rik'in ri Dios.

San Lucas 13:5

Man keri' ta. Jak'a rix wi man xtitzolin ta pe ik'u'x rik'in ri Dios, xa kan xkiken chuqa'.

San Juan 8:21

Jun bey chik, ri Jesús xubij k'a chike: Yin kan xkitzolin-wi k'a, y toq rix k'ari' xkinikanoj, man k'a xkiniwil ta. Xa kan chupan k'a ri imak xkixken-wi. Y ri akuchi yibe-wi yin, rix man yixtikir ta yixapon, xcha' ri Jesús.

San Juan 8:24

Kan roma ri' xinbij k'a chiwe chi chupan ri imak yixken-wi. Y wi xa man ninimaj ta chi ja yin ri' ri kan jantape' ink'o, kan xkixken na wi chupan ri imak, xcha'.

Hechos 2:40

Ri Pedro k'o k'a ch'aqa' chik ch'abel ri xeruq'alajirisala' chike. Rija' xuya' k'a rubeyal chikiwech ri winaqi' kik'in ch'abel achi'el re': Kixel-pe chikikojol ri winaqi' ri' ri xaxe itzel ri yekibanala', richin keri' yixkolotej pe, nicha' k'a chike.

Hechos 3:19

Wakami titzolej k'a pe ik'u'x rik'in ri Dios, y tijalatej ri ik'aslen, richin keri' nikuyutej y nisachatej ri imak. Y xkepe k'a q'ij richin uxlanen toq ri ajaw kan k'o chik iwik'in.

1 Timoteo 4:16

Tachajij k'a jebel ri ak'aslen y keri' chuqa' ri tijonik ri naya' chike ri ch'aqa' chik. Y man taya' kan rubanik, richin keri' xtakol-awi' rat y xke'akol chuqa' ri ye'atijoj.

1 Timoteo 5:22

Man chi'anin taya' q'ij chire jun qach'alal chi nok chupan ri rusamaj ri Dios, wi man awetaman ta achike chi k'aslen ruk'uan, richin man nawejqalej ri rumak rija'. Rat kan tachajij awi' richin keri' jantape' ch'ajch'oj ri ak'aslen.

1 Sam 8:9

Wakami k'a tanimaj kitzij xaxe k'a taq'alajirisaj chikiwech, ri achike k'a xtuben ri rey kik'in toq xtik'oje' pa kiwi', xcha' ri Dios chire ri Samuel.