Ez 3:15 - Kaqchiquel Bible

¹⁵ Y keri' xitzolin kik'in ri nuwinaq ri ek'o pa ximonri'il chiri' pa tinamit Tel-abib ri k'o chunaqaj ri raqen-ya' Quebar. Y wuqu' k'a q'ij xik'oje' chiri' chikikojol rije' y kan sachineq nuk'u'x y kan man xinwil ta k'a achike xinben y xinbij.

Ez 3:15 ပူးပေါင်းရင်းမြစ်များ

Wuj Richin ri Rutikeribel 50:10

Y toq xe'apon k'a pa ruwach'ulew Goren-ha-atad ri k'o pa relebel-q'ij chire ri raqen-ya' Jordán, chiri' xkiben k'a jun nimalej oq'ej, y ri José kan xuchajij k'a wuqu' q'ij roma ri rukamik ri rutata'.

Wuj Richin ri Achin Job 2:13

Y keri' xetz'uye' rik'in pan ulew, wuqu' q'ij y wuqu' aq'a', y man jun ch'abel ri xkibij ta, roma nikitz'et chi ri ruq'axo'n kan janila nim.

Wuj Richin Bix Chire ri Dios 137:1

Chuchi' ri raqen taq ya' richin ri Babilonia, chiri' k'a yojtz'uye-wi y kan janila yojoq', roma noqaqa chiqak'u'x ri tinamit Sión.

Wuj Richin ri Jeremías 23:9

Ja rutzijol re' pa kiwi' ri nikibananej chi e q'alajirisey ruch'abel ri Dios: Ri wánima kan janila niq'axon, chijun ri nubaqil nibaybot. Kan in achi'el jun q'abarel, jun achin ri kan q'abarisan roma ri vino, roma ri Jehová y roma ri loq'olej ruch'abel.

Ez 1:1

Xk'uluwachitej k'a chi chupan ri juna' juwineq lajuj*f1* chupan ri ro' q'ij chire ri rukaj ik' chupan ri ro' juna', toq xk'amer-pe ri rey Joaquín pa ximonri'il; yin Ezequiel ri in sacerdote ruk'ajol kan ri Buzí. Ink'o k'a chunaqaj ri raqen-ya' Quebar chiri' pa ruwach'ulew Babilonia chikikojol ri nuwinaq ri e k'amon-pe pa ximonri'il. Jari' toq ri Jehová xch'on wik'in y kan jari' xoqaqa ri ruchuq'a' pa nuwi' y k'o k'a xuk'ut chinuwech.

Ez 10:15

Y kan ja rije' ri xentz'et yin chunaqaj ri raqen-ya' Quebar. Ri querubín ri' xeyakatej k'a el.

Ez 3:23

Xiyakatej k'a el y xibe pa taq'aj ri akuchi xubij-wi ri Jehová chuwe y xintz'et k'a ri ruk'ojlemal ri chiri', kan junan rik'in ri ruk'ojlemal ri xintz'et ri chuchi' raqen-ya' Quebar. Y roma ri' yin kan xinlukuba-qa-wi' k'a pan ulew chuwech.

Ez 43:3

Y ri rubanik ri xintz'et, achi'el ri xk'utumej chinuwech toq xpe richin xoruwulaj kan ri Jerusalem y chuqa' achi'el rubanik ri xk'utumej chinuwech ri chuchi' ri raqen-ya' Quebar. Y roma ri' yin kixukuk xiqaqa pan ulew.

Wuj Richin ri Habacuc 3:16

Rik'in ronojel re xinwak'axaj yin, kan xink'en janila rukiy. Ri nuchi' kan nik'ark'ot; ri nuch'akul kan xelawalo-qa roma kan janila xinxibij-wi'. Jak'a yin kan woyoben rik'in ch'uch'ujil ri q'ij toq xtiqaqa ruk'ayewal pa kiwi' ri winaqi' aj-Babilonia.