Ez 29:7 - Kaqchiquel Bible

⁷ Y toq rije' xixkimajij rik'in ri kiq'a', rix xa xixq'aj y xiteq'uj ri ruwi' taq kitele'n rije'. Chuqa' toq rije' xkajo' chi rix xe'itemej ta, rix xa xixlawalo-qa roma ri kalal y roma ri' xiben chike chi xujalk'atij-ri' ri rij kacheq.

Ez 29:7 ပူးပေါင်းရင်းမြစ်များ

Wuj Richin ri Isaías 36:6

Rix aj-Judá kan ikuquban-wi ik'u'x kik'in ri winaqi' aj-Egipto, jak'a rije' xa e achi'el jun aj ri maneq ruchuq'a'. Y achike k'a ri xtuto-ri' kik'in, xa kan achi'el jun wineq ri nuto-ri' rik'in ri aj ri'. Xa xtiq'aj y xtok-el pa ruq'a'. Kan keri' nuben ri rey richin Egipto kik'in konojel ri nikikuquba' kik'u'x rik'in.

Wuj Richin Etamabel-Tzij 25:19

Ri wineq ri nukuquba' ruk'u'x rik'in jun q'olonel chupan ri q'ij richin ri ruk'ayewal, xa junan rik'in ri nrajo' nukusaj ri rey ri xa q'ayineq chik, o nrajo' nukusaj ri raqen ri xa rujalk'atin ri'.

2 Rey 18:21

Yin ninch'ob chi xa kik'in ri aj-Egipto akuquban-wi ak'u'x, y rije' xa man xketikir ta xkatkito', y rix xa xkixsokotej kan. Roma rije' xa e achi'el jun aj paxineq ri xa nuteq'uj pa ruq'a' ri nichapo richin, jak'a xa nusok-ri'.

Wuj Richin ri Isaías 20:5

Roma ri' ri winaqi' ri kikuquban kik'u'x kik'in ri aj-Etiopía y ri aj-Egipto kan xtikixibij-ki' y xkek'ixbitej.

Wuj Richin ri K'uxla'anik 4:17

Kan xqakanoj k'a to'onik, jak'a man xqil ta. Roma ri' ri runaq' taq qawech xa kan xk'is yan k'a ruchuq'a'. Ri e chajinela' yetzu'un k'a nej koyoben to'onik jak'a man jun chike ri ruwach'ulew ri xpe ta richin xojkikol

Ez 29:16

Y ri tinamit Israel kan man jun bey chik xtukuquba' ruk'u'x rik'in, xa k'ari' xtiq'ax chuwech chi kan man utz ta ri xuben toq xberuk'utuj to'onik iwik'in. Keri' ri awinaq aj-Egipto kan xtiketamaj chi ja yin Jehová.

Wuj Richin ri Isaías 30:3

Jak'a pa ruk'exel ri ruto'onik, rija' xa xkixruk'ixbisaj. Roma kan nito-iwi' rik'in ri ruwach'ulew Egipto, xa kan xtuqasaj iq'ij.

Wuj Richin ri Nahum 3:9

Xukuquba' ruk'u'x kik'in ri Egipto y ri Etiopía. Ri Fut y ri Libia xe'ok to'oy richin.

Wuj Richin ri Nahum 3:10

Man rik'in ri' ri Tebas xa xuk'uex-el pa ximonri'il. Chuqa' ri taq ak'uala' xek'aq tzan taq abej pa taq krusin-bey. Ri achi'a' ri k'o kiq'ij xban sakinik pa kiwi' richin achike ri yekik'uaj-el, y ri k'o kuchuq'a' xe'uk'uex-el y xexim-el rik'in q'eqapueq.