Ez 29:16 - Kaqchiquel Bible

¹⁶ Y ri tinamit Israel kan man jun bey chik xtukuquba' ruk'u'x rik'in, xa k'ari' xtiq'ax chuwech chi kan man utz ta ri xuben toq xberuk'utuj to'onik iwik'in. Keri' ri awinaq aj-Egipto kan xtiketamaj chi ja yin Jehová.

Ez 29:16 ပူးပေါင်းရင်းမြစ်များ

Os 8:13

Toq yekisujula' kamelabel chinuwech yin, xa kan xekitijila' k'a qa ri ti'ij richin kamelabel. Re' kan man xqa' ta chinuwech yin. Wakami kan xtinwajlaj k'a ronojel ri kimak, kan xtinya' k'a ri tojbalil pa kiwi', y kan xtinben chike richin xketzolej chik pan Egipto.

Wuj Richin ri Isaías 20:5

Roma ri' ri winaqi' ri kikuquban kik'u'x kik'in ri aj-Etiopía y ri aj-Egipto kan xtikixibij-ki' y xkek'ixbitej.

Ez 21:23

Jak'a ri winaqi' ri ek'o chupan ri tinamit man xtikinimaj ta, roma rije' xjunamatej-kiwech roma kibanon jun jikibel-tzij kik'in ri aj-Babilonia. Jak'a ri rey nunataj chike ri kimak ri kibanon y chirij ri' k'ari' xke'uk'uex-el.

Wuj Richin ri K'uxla'anik 4:17

Kan xqakanoj k'a to'onik, jak'a man xqil ta. Roma ri' ri runaq' taq qawech xa kan xk'is yan k'a ruchuq'a'. Ri e chajinela' yetzu'un k'a nej koyoben to'onik jak'a man jun chike ri ruwach'ulew ri xpe ta richin xojkikol

Wuj Richin ri Jeremías 14:10

Y ri Jehová jare' ri xubij pa kiwi' rije': Re tinamit re' niqa' chikiwech yebe-kela' yebe-kela' nikiben. Roma ri' man niqa' ta chinuwech ri nikiben. Re wakami kan noqaqa chinuk'u'x ri kimak y kan xtinya' ri rutojbalil pa kiwi', xcha' chuwe.

Wuj Richin ri Isaías 64:9

Ajaw, man tipe janila awoyowal pa qawi' roj, ni man toqaqa chi'ak'u'x beneq ruwech ri qamak, Tajoyowaj k'a qawech roj roma oj atinamit.

Wuj Richin Bix Chire ri Dios 25:7

Man taya' ruk'exel chuwe roma ri numak ri xenbanala' toq k'a in ak'ual na. Tabana' utzil man toqaqa chi'ak'u'x ri nuyakatajinenri'il. Xa kan taya' k'a pa nuwi' ri awutzil y ri awajowabal rat nimalej Jehová, roma rat janila at utz.

Apocalipsis 16:19

Y ri akuchi k'o-wi ri nimalej tinamit Babilonia xjaqatej ri ruwach'ulew roma ri silonel. Pan oxi' k'a xuben chire ri tinamit ri'. Y ri ch'aqa' chik nima'q taq tinamit ri ek'o chuwech ri ruwach'ulew, xetzaq. Richin keri' ri Dios xuben ruk'exel chike ri winaqi' aj-Babilonia, y xuben chike chi tikiqumu' ri royowal rija'.

Hebreos 10:17

Xtinkuy kimak y man xtoqaqa ta chik chinuk'u'x ri itzel taq kibanobal.

Hebreos 10:3

Jak'a xa ronojel juna' yekisuj, y rik'in ri', noqaqa k'a chikik'u'x chi ri mak man eleneq ta el kik'in.

Os 14:3

Ri Asiria xa man xtitikir ta xqojrukol, man xqojtikir ta k'a xqojanimej chirij kiej, kan man jun bey chik k'a xtiqabij: Ri dios qichin roj, chike ri xa ja roj ri oj banayon-qa kichin. Roma xa kan xaxe k'a awik'in rat nril utzil ri meba', kixcha' chuwe.

Os 12:1

Ri winaqi' aj-Israel achi'el xa ta ja ri kaq'iq' ri nikitej, kan jak'a ri kaq'iq' ri nipe pa relebel-q'ij ri rutzeqeliben. Xa kan xkinimirisaj k'a q'anej chikij ri tz'ukuj-tzij y ri wululen. Xa xkiben jikibel-tzij rik'in ri Asiria, y ronojel ri aceite ri k'o kik'in xa nikik'uaj pan Egipto.

Os 9:9

Kan nik'o chik k'a ruwi' ri mak ri xkiben, kan achi'el chik k'a ri mak ri xbanatej pa Guibeá. Jak'a ri Dios kan man xtumestaj ta k'a, kan xtuya' k'a rutojbalil re mak re'.

Os 7:11

Ri tinamit Israel achi'el xa ta jun paloma nakanik, ri maneq runa'oj. Roma xa chire ri Egipto y ri Asiria xkik'utuj-wi to'onik.

Os 5:13

Ri Israel kan xtuna' k'a rukiy ri ruk'ayewal, keri' chuqa' ri Judá kan xtuna' k'a rukiy ri ruyabilal. Xtibekik'utuj k'a to'onik pan Asiria, xtibekik'utuj k'a utzil chire ri nimalej rey. Jak'a rija' xa man xtitikir ta xkeraq'omaj y man xkeruto' ta.

Ez 29:21

Chupan k'a ri q'ij ri', xtinben chi ri awinaq israelita xtinimer ri kuchuq'a' y rat Ezequiel, kan xkatikir chik xkach'on kik'in. Y k'ari' xtiketamaj chi ja yin Jehová, xcha'.

Ez 29:9

Ri ruwach'ulew Egipto kan xtok k'a jun tz'iran ruwach'ulew y k'ari' rix xtiwetamaj chi ja yin Jehová ri ink'o pa ruwi' ronojel. Y rat rey, roma xabij chi ri raqen-ya' Nilo awichin rat y ja rat ri xabanon,

Ez 28:26

Chiri' k'a xkebek'oje-wi rik'in uxlanibel-k'u'x, xtikipabala' k'a q'anej kachoch y xtikitikila' k'a qa uva, rokik yin ninya' rutojbalil-mak pa kiwi' ri ruwach'ulew ri ek'o chikinaqaj ri xa e etzelanel kichin. K'ari' ri israelita xtiketamaj chi ja yin Jehová ri ki-Dios.

Wuj Richin Bix Chire ri Dios 79:8

Man tanataj pa qawi' roj ri itzel taq kibanobal ri qati't-qamama'. Tabana' utzil taya-pe chi'anin ri ajoyowanik pa qawi', roma roj kan man niqakoch' ta chik re niqak'owisaj.

1 Rey 17:18

Y ri ixoq ri' xubij chire ri Elías: ¿Achike xinmakuj yin chawech, rat ri at rusamajel ri a-Dios? ¿At peteneq wik'in chunataxik ronojel ri itzel nubanobal, y roma ri' xken ri ti wal?, xcha'.

Wuj Richin ri Q'axanri'il 5:15

re achin re' xtuk'en-pe ri rixjayil chuwech ri sacerdote y chuqa' xtuk'en-pe ka'i' libra k'ej richin cebada, roma ri rixjayil, jak'a pa ruwi' re k'ej re', man niya'ox ta aceite ni pom, roma jun kamelabel richin atixanik, richin chi niq'alajin jun mak.