Ez 29:11 - Kaqchiquel Bible

¹¹ Kan man jun xtiq'ax chiri', ni ta wineq, ni ta ri chikopi'. Xa kan kawineq k'a juna' xtuben keri'.

Ez 29:11 ပူးပေါင်းရင်းမြစ်များ

Ez 32:13

Kan xkenk'is konojel ri awawej ri ek'o chuchi' ri raqen ya' y roma ri' man jun bey chik xtikitz'ilobisaj ri ya' rik'in kaqen; ni ta ri winaqi', ni ta ri chikopi'.

Dn 9:2

Jari' k'a toq yin Daniel xintz'et k'a jebel ri wuj ri xuya' ri Jehová chire ri q'alajirisey ruch'abel rubini'an Jeremías, ri akuchi nubij-wi chi nibetz'aqet yan ri juna' oxk'al lajuj ri ek'o pa ximonri'il ri aj-Jerusalem.

Ez 36:28

Kan xkixk'ase' k'a chupan ri ruwach'ulew ri xinya' chike ri ite-itata' y rix kan xkixok k'a nutinamit y yin xkinok k'a i-Dios.

Ez 33:28

Kan xtinben k'a chire ri iruwach'ulew richin xtok jun tz'iran y xtinwelesaj ri iwuchuq'a' ri achoq ik'in inimirisan-iwi'. Ronojel ri juyu' xke'ok tz'iran, richin man jun chik wineq xtiq'ax chiri'.

Ez 31:12

Jak'a ri itzel taq winaqi' ri' xtibekitorij ri che' ri' y xtikipunuba' kan pa kiwi' ri juyu' y ri ruq'a' xkeq'aj y xkebeqaqa kojol taq juyu' y pa taq siwan. Y konojel ri tinamit ri xemujan chuxe' ri che' ri', xa xke'animej y xtikimalij kan.

Wuj Richin ri Jeremías 29:10

Yin kan ninjikiba' nutzij chi toq xtitz'aqet ri oxk'al lajuj juna' ri kixk'oje' chiri' pa Babilonia, yin xtinben utzil chiwe richin xkixtzolin-pe wawe' chupan ri iruwach'ulew.

Wuj Richin ri Isaías 23:17

Toq xtitz'aqet ri oxk'al lajuj juna' ri', ri Jehová kan xkerukusaj chik jun bey ri aj-Tiro. Rije' kan xkebek'ayin chik jun bey. Y kan xtikik'ayij-ki' chupan ri samaj ri' pa taq ronojel ri ruwach'ulew.

Wuj Richin ri Isaías 23:15

Chirij ri ruk'ayewal ri', ri Tiro xtimestex k'a kan oxk'al lajuj juna', achi'el ri juna' ri nik'ase-el jun rey chuwech re ruwach'ulew. Chirij ri oxk'al lajuj juna' ri', ri Tiro kan xtiqaqa chik pa mak jun bey achi'el nubij ri bix richin jun ixoq itzel ruk'aslen:

2 Crón 36:21

Ronojel re' xbanatej richin xtz'aqet ri rubin ri Jehová chire ri Jeremías ri q'alajirisey ruch'abel. Keri' ri ruwach'ulew Judá xk'oje' kan rik'in uxlanenri'il, k'a toq xtz'aqet na oxk'al lajuj juna' richin xuxlan.

Wuj Richin ri Isaías 34:10

Kan man xtichup ta chik chi paq'ij chi chaq'a', y jantape' k'a xtibuqulin ri rusibil. Tibe-q'ij tibe-seq xtimalix kan, y kan man jun bey chik ri k'o ta xtiq'ax keri'.

Wuj Richin ri Jeremías 9:10

Yin yinoq' y yibison roma ri k'echelaj. Yin ninbixaj jun bix richin bis roma ri juyu' richin soq'olbel, roma xa xek'at y man jun chik achike ye'ik'o pa kiwi'. Kan man nak'axex ta chik koq'ej ri awej y keri' chuqa' ri aj-xik' taq chikopi' y ri chikopi' richin k'echelaj. Konojel xa xe'animej yan el.

Wuj Richin ri Jeremías 46:19

Rix winaqi' richin re ruwach'ulew Egipto, kan tichojmirisaj k'a iwi' richin rix yixtalutej-el, roma ri tinamit Menfis kan xtok kan jun tz'iran, kan xtiwuluwu' y man jun chik xtibek'oje' chiri'.