Ez 28:9 - Kaqchiquel Bible

⁹ Y chupan ri q'ij ri', ¿xkatikir kami rat xtapaba-awi' chikiwech ri yekamisan awichin? ¿Y xkatikir kami xtabij chi rat kan at jun dios? Ni, rat xa at jun achin y man at jun dios ta, y roma ri' xa kan atk'o chik pa ruq'a' ri nikamisan awichin.

Ez 28:9 ပူးပေါင်းရင်းမြစ်များ

Wuj Richin Bix Chire ri Dios 82:7

Jak'a xa kan xkixken achi'el yeken konojel winaqi', xa kan yixtzaq achi'el jun xabachike aj-raqen, keri' nubin.

Wuj Richin ri Isaías 31:3

Ri aj-Egipto xa e winaqi', y man e dios ta. Ri kikiej xa e ti'ij, y man e espíritu ta ri k'o kuchuq'a'. Toq ri Jehová kan xtutzeqej ri ruq'a' pa kiwi' richin nuya' rutojbalil chike, kan xketzaq ri aj-Egipto y chuqa' xketzaq ri nikik'ul to'onik chuwi-kiq'a' rije'. Kan junan k'a xkek'is.

Ez 16:49

Jare' k'a ri rumak ri xuben ri awach'alal Sodoma y ri kokoj taq rutinamit: Rije' kan xkinimirisaj k'a ki'. Chuqa' kan pa ruk'iyal ri xk'oje' kik'in, jak'a man xekito' ta ri e poqonatajineq y ri e molonel.

Ez 28:10

Xkaken k'a achi'el yeken ri winaqi' ri man e richin ta ri Dios, y xkaken pa kiq'a' ri man e awinaq ta. Jare' k'a ri rutzijol ri ruya'on-pe ri Jehová chawe.

Ez 28:2

Rat Ezequiel, taya' re jun rutzijol re' chire ri rey richin Tiro y kere' tabij: Rat kan janila xanimirisaj-awi', y nach'ob chi at achi'el jun dios, y ri awajawaren ja ri palou. Jak'a stape' nana-awi' chi ri anojibal achi'el runojibal ri Dios, rat xa man at jun dios ta, xa at jun xabachike achin.

Ez 28:8

Toq xkaken, xkabe k'a pa jul richin muqbel, y kan keri' k'a xkaken pan awajawaren pa runik'ajal ri ya'.

Wuj Richin ri Sofonías 2:15

Ri ojer kan ri tinamit ri' janila xkikot, y kan kuqul ruk'u'x xk'ase'. Ri winaqi' ri xek'oje' chiri' xkibij chi kan man jun chik tinamit achi'el rije', jak'a re wakami xa tolan-tolan chik kan. Xa ja chik ri chikopi' richin pa k'echelaj e chajiyon kan. Ri wineq ri xtiq'ax-el keri', xtitze'en kan chirij, y kan janila xtuyojobej kan.