Ez 28:4 - Kaqchiquel Bible

⁴ Xach'ob chi rik'in ri ana'oj y ri anojibal kan xamol k'iy abeyomel, y kan anojisan ri ak'ojelibal rik'in saqipueq y q'anapueq,

Ez 28:4 ပူးပေါင်းရင်းမြစ်များ

Wuj Richin Etamabel-Tzij 18:11

Chuwech ri wineq beyom, ri rubeyomel kan achi'el jun tinamit ri sutin-rij chi tz'aq; kan nuch'ob k'a chi ri rubeyomel achi'el jun tz'aq ri nej jotol chikaj, roma ri' man jun ri nitzaqo richin.

Wuj Richin ri Molojri'il 9:11

Chuwech re ruwach'ulew kan k'o chik k'a ri xinwetamaj: Chi toq niban jun anin, man xaxe ta ri jun ri más anineq nanin ri nich'akon. Chuqa' toq k'o jun labal man xaxe ta ri aj-labal ri kan ik'owineq kuchuq'a' ri xkech'akon; ri nitij q'ij-q'ij man xaxe ta kichin ri achi'a' aj-na'oj; ni ri beyomel man xaxe ta kichin ri etamanela', y chuqa' man ronojel ta ri rutzil xaxe ta kichin ri jebel yech'obon, roma xa qonojel roj niqil ronojel re'.

Wuj Richin ri Isaías 10:13

Roma ri rey kere' ri nubij: Rik'in ri nimalej wuchuq'a', rik'in ri nuna'oj y ri nunojibal xinben ronojel re', Ja yin ri xinelesan ri kik'ulba't ri tinamit ri xeqach'ek yan, y xqak'en-pe ronojel ri kibeyomel. Y kan achi'el ruchuq'a' jun juyubel achij wákix xenbech chi'aqen konojel rey.

Wuj Richin ri Jeremías 49:4

Rix kan ikuquban ik'u'x rik'in ri ibeyomel. Rix ix achi'el jun xten ri man nimey ta tzij y nibij chi man jun ri nitikir nuben oyowal iwik'in.

Ez 27:33

Ojer kan toq noqaqa-el ri ruk'ayij chuchi' ri palou, kan xuben chike ri ch'aqa' chik winaqi' richin xekikot. Janila e k'iy rey ri xebeyomer kan, roma ri rubeyomel rija'.

Ez 29:3

Jare' k'a ri rutzijol: Yin Jehová jare' ink'o richin xkiyakatej chawij rat rey richin Egipto. Rat at achi'el k'a jun nimalej ayin ri atk'o pa raqen-ya' Nilo, kan nach'ob k'a chi ja rat ri xabanon ri raqen-ya' ri' y kan awichin rat.

Dn 5:11

Roma chupan ri awajawaren kan k'o jun achin ri kan ya'on nojibel chire koma ri e dios. Y chupan ri q'ij toq xk'oje' ri Nabucodonosor, kan xilitej k'a rik'in ri achin ri' ri nojibel y ri etamabel, kan achi'el ri k'o kik'in ri dios. Roma ronojel ri etamabel ri xilitej rik'in, ri Nabucodonosor kan xuben k'a chire chi xok aj-raqen pa kiwi' ri etamanela' aj-Caldea, ri aj-q'ija' y ri aj-itza'.

Wuj Richin ri Habacuc 1:16

Rije' nikiya' kiq'ij ri kikamisabal, achi'el ri e chapoy ker ri kan yekisuj kamelabel pa rubi' ri kiya'l, y kan yekamela'an k'a roma ri'. Roma rik'in ri' nikil-wi ri janila jebelej taq q'utun, y kan pa ruk'iyal.