Ez 28:26 - Kaqchiquel Bible

²⁶ Chiri' k'a xkebek'oje-wi rik'in uxlanibel-k'u'x, xtikipabala' k'a q'anej kachoch y xtikitikila' k'a qa uva, rokik yin ninya' rutojbalil-mak pa kiwi' ri ruwach'ulew ri ek'o chikinaqaj ri xa e etzelanel kichin. K'ari' ri israelita xtiketamaj chi ja yin Jehová ri ki-Dios.

Ez 28:26 ပူးပေါင်းရင်းမြစ်များ

Ez 28:24

Richin keri', ri winaqi' israelita kan man jun bey chik xtiberutija' poqon pa kiq'a' ch'aqa' chik ruwach'ulew ri ek'o chunaqaj. Man jun bey chik xtikiben achi'el k'ix ri chaq yekineq ri nuwinaq israelita. K'ari' xtiketamaj chi ja yin Jehová ri ink'o pa ruwi' ronojel.

Ez 28:22

Yin Jehová kan xkiyakatej k'a chirij ri nima-tinamit Sidón, richin xtiya'ox nuq'ij-nuk'ojlen. Richin keri' konojel winaqi' kan xtiketamaj k'a chi ja yin Jehová ink'o pa ruwi' ronojel. K'ari' xtinq'et-tzij pa ruwi' y kan xtinq'alajirisaj chuwech ri nuch'ajch'ojil.

Ez 38:8

Y toq q'axineq chik k'iy juna' xtak'ul jun rutzijol richin namej ri ruwach'ulew Israel, ri chaq xaxe labal xban rik'in ojer kan, jak'a xa kan xtitikir chik xtiyakatej-q'anej. Y ri ruwinaq xa xketzolej chik richin xkek'ase' chik pa taq juyu' richin ri kiruwach'ulew, ri wulatejineq kan. Y konojel re winaqi' re' xkek'ase' rik'in uxlanibel-k'u'x.

Wuj Richin ri Jeremías 32:15

Roma rija' nubij chi k'o jun q'ij xkeloq' chik jay, qasanbel-ulew, y ulew ri akuchi e tikon-wi uva chuwech, xicha' chire.

Wuj Richin Etamabel-Tzij 14:26

Ri wineq ri kan k'o rukiy ri Dios chuwech, kan xtril-wi ruchuq'a'; y ri ralk'ual rija' kan xtikil-wi ri chajinik richin ri Dios.

Wuj Richin ri Zacarías 1:15

Yin woyowal juba' chiwe. Jak'a kan janila xyakatej woyowal chikij ri nima'q taq ajawaren ri kan nikina' chi kan jebel e jikil, roma kan xik'o chik ruwi' ri q'axo'n ri xkiben chiwe.

Wuj Richin ri Habacuc 2:8

Kere' xtak'uluwachij roma xe'ak'is janila chi winaqi', y xak'uaj janila chi beyomel, konojel ri winaqi' ri k'a ek'o na kan, xa xtikimol k'a ki' richin xtikik'uaj-el ronojel ri k'o rejqalen ri k'o awik'in. Xtikiben k'a ronojel re' roma ri ruk'ayewal ri xaben chike, roma xe'akamisaj e k'iy chike rije', xawulaj ri kitinamit y xak'is ronojel ri kulew.

Os 2:18

Roma ri nutinamit Israel, toq xtapon k'a ri q'ij ri', xtinben jun jikibel-tzij kik'in ri chikopi'; kik'in ri k'uxunela' taq chikopi', kik'in ri aj-xik' taq chikopi' y kik'in ri kumatzi'. Xtinpaba' k'a ronojel oyowalen chirij, xtinben k'a chi kan kuqul kik'u'x xkek'ase'.

Ez 39:10

Y man nik'atzin ta richin nibekibana' kisi' pa taq juyu' richin nibekichoyo' ta che', roma ronojel ri kamisabel ri xtikimej chike ri e etzelanel kichin. Achi'el toq xmaj chuwi-kiq'a' ri israelita ri k'o rejqalen ri ojer kan, keri' chuqa' xtimaj chikiwech rije' ri xe'eleq'an kik'in. Yin Jehová ri yibin.

Wuj Richin ri Isaías 17:14

Toq niqaq'ij-qa xa kan kikiy. Jak'a toq niseqer-pe xa e maneq chik ri e etzelanel qichin; xa nikitaluj-el-ki'. Keri' k'a xtiban chike ri k'o nikelesaj-el chiqe; jare' k'a ri xtikik'uluwachij ri yetz'ilo qichin, xkecha'.

1 Rey 4:25

Chijun ruk'aslen ri rey Salomón, ri winaqi' aj-Judá, y ri aj-Israel kan kuqul k'a kik'u'x xek'oje' k'a pa taq kachoch, roma man jun chik xnaqon kichin. Y kan keri' k'a xkiben chijun ruwach'ulew, nitiker-pe pa Dan y napon k'a pa Beerseba.

Deut 12:10

Kan napon yan k'a ri q'ij chi xtiq'axaj ri raqen-ya' Jordán y xkixbek'oje' chupan ri ruwach'ulew ri xtiberuya' chiwe. Chiri' rija' kan xtuya' k'a uxlanenri'il chiwe pa kiq'a' ri etzelanel iwichin ri ek'o chi'inaqaj, y kan kuqul k'a ik'u'x xkixk'ase'.

Ex 29:46

Y xtiwetamaj k'a chi ja yin Jehová ri in i-Dios, ri xinelesan-pe iwichin chupan ri ruwach'ulew Egipto, richin chi yin yitikir k'a yik'oje' chi'ikojol rix. Yin Jehová Dios ri yibin.

Ez 38:11

Y xtich'ob richin yixok chupan ri kitinamit ri winaqi' israelita ri kikuquban kik'u'x y man jun nikimey. Man jun tz'aq kiya'on chikij ri kitinamit, ni man kiya'on ta nima'q taq ch'ich' chirij ri ruchi' ri kachoch.

Ez 34:31

Yin ri i-Dios xkixinchajij k'a achi'el nuben jun yuq'unel kik'in ri rukarne'l. Yin Jehová ri ink'o pa ruwi' ronojel ri yibin, xcha'.

Wuj Richin ri K'uxla'anik 1:8

Ri aj-Jerusalem kan janila nim ri kimak ri kibanon. Roma ri' xa xe'ok man ch'ajch'oj ta. Konojel ri xeya'on kiq'ij, wakami xa xeketzelaj kan, roma xkitz'et chi xa xqasex kiq'ij. Rije' kan yejiq'ijo'x, y kan xkewaj-ki' roma ri kik'ix.

Wuj Richin ri Jeremías 33:16

Chupan ri q'ij ri', ri tinamit Judá kan xtijike' y ri winaqi' ri ek'o pa Jerusalem kan xkek'ase' rik'in uxlanibel-k'u'x. Kan ja bi'aj re' ri xtikiya' chire: Ri Jehová jari' Ruchojmilal.

Wuj Richin ri Jeremías 30:16

Man rik'in ri', konojel ri nikajo' yixkik'is, chuqa' rije' kan xkenk'is yin y konojel ri ye'etzelan iwichin kan xkebe pa ximonri'il. Ri ye'eleq'an iwik'in chuqa' k'o xke'eleq'an kik'in rije'.

Wuj Richin ri Jeremías 29:28

Roma rija' kan rutaqon-pe rutzijol chiqe re wawe' pa Babilonia y nubij chi kan janila k'iy juna' xqojk'oje' wawe' y roma ri' tiqabana-qa qachoch y qojk'oje' chupan. Chuqa' nubij chi tiqabana-qa qatiko'n richin niqatej ri ruwech, xcha' chupan ri wuj.

Wuj Richin ri Isaías 33:1

Toq'ex iwech rix aj-Asiria ri ye'ik'is konojel winaqi', jak'a chiwe rix man jun bey kibanon keri'. Chuqa' kan ye'iq'ol, jak'a rix man jun bey ix q'olon. Jak'a toq rix xkixtane' richin ye'ik'is, chuqa' rix kan xkixk'is. Y toq xkixtane' richin ye'iq'ol rije', chuqa' rix xkixq'ol.

Wuj Richin Bix Chire ri Dios 149:9

richin niben kik'in rije' achi'el ri tz'ibatel kan pa kiwi'. Ronojel re' kan jun ruwaq'ijaj kichin ri rutinamit ri Dios. ¡Kan tinimirisex ruq'ij ri Dios!

Wuj Richin ri Jeremías 32:43

Re wakami nibij chi xa tolan kan, man jun chik wineq k'o chuwech y ni ta ri chikop, roma re ruwach'ulew re' xa jachon pa kiq'a' ri aj-Babilonia. Jak'a chupan ri q'ij ri' xtikiloq' chik qasanbel-ulew chupan re ruwach'ulew re'.

Ez 34:14

Xtinya' chike ronojel ri nik'atzin, achi'el nuben jun yuq'unel toq nuk'uaj ri rukarne'l ri akuchi k'o jebel q'os y chuqa' pa taq soq'olbel ri ek'o-q'anej pa taq k'echelaj. Y chiri' xtikina' ch'uch'ujil, achi'el ye'uxlan ri karne'l toq nikitej jebelej q'os y man jun xtinaqo kichin.

Ez 36:9

Ja yin ri xkichajin ri ruwach'ulew ri', richin xtisamajix y k'o xtitik chuwech ri ruwi' taq juyu'.

Os 2:15

Xtintzolij chik k'a chire ri rutiko'n richin uva. Ri taq'aj k'o kojol juyu' richin Acor kan xtok k'a ruchi' ri oyobenri'il chire rija'. Chiri' pa tz'iran ruwach'ulew xtibixan chik k'a rik'in kikoten achi'el ri q'ij toq xk'oje' chupan ri ruq'opojil, achi'el ri q'ij toq xel-pe pan Egipto.

Os 11:11

Kan achi'el k'a aj-xik' chikopi' xtikiben richin xke'el-pe pan Egipto. Achi'el k'a nuben ri paloma, keri' xtikiben richin xke'el-pe pan Asiria. Kan xtuben k'a chike chi xkek'oje' chik pa kachoch.

Wuj Richin ri Jeremías 12:14

Jak'a yin Jehová chuqa' xtinya' rutojbalil-mak pa kiwi' ri ch'aqa' chik winaqi' ri ek'o chunaqaj ri ruwach'ulew Israel, ri xek'ison kichin. Yin kan xkenwelesaj k'a el chupan ri kiruwach'ulew y chuqa' kan xkenwelesaj k'a pe ri nuwinaq chikikojol rije'.

Wuj Richin ri Jeremías 32:37

Jak'a toq maneq chik woyowal, k'ari' xkenmol chik konojel ri winaqi' ri' ri akuchi xentaluj-wi-el. Kan xkenk'en k'a pe re wawe' y xkenjikiba' re wawe' richin yek'ase' pa kiruwach'ulew.