Ez 28:25 - Kaqchiquel Bible

²⁵ Roma toq xtapon ri q'ij chi yin xkenmol ri nuwinaq israelita ri e talutajineq pa taq ch'aqa' chik ruwach'ulew; jari' toq xtiq'alajin chikiwech ri ch'aqa' chik ruwach'ulew chi kan in ch'ajch'oj-wi. Y roma ri' ri nuwinaq israelita kan xkebek'oje' k'a pa ruwach'ulew, ri xinya' chire ri nusamajel Jacob.

Ez 28:25 ပူးပေါင်းရင်းမြစ်များ

Wuj Richin ri Jeremías 32:37

Jak'a toq maneq chik woyowal, k'ari' xkenmol chik konojel ri winaqi' ri' ri akuchi xentaluj-wi-el. Kan xkenk'en k'a pe re wawe' y xkenjikiba' re wawe' richin yek'ase' pa kiruwach'ulew.

Ez 20:41

Toq yin xkixinmol chi'iwonojel ri ixk'o pa taq ruwach'ulew ri akuchi ix nutalun-wi, jari' toq rix kan xtik'ut k'a ri nuk'ojlen chikiwech konojel winaqi' richin ri ruwach'ulew. Y jari' toq yin xkixink'ul rix achi'el jun sipanik ri kan nijubulin ruxla'.

Ez 37:25

Xkek'ase' k'a chupan chijun ri ruwach'ulew ri xinya' chire ri ánima Jacob, ri nusamajel y ri akuchi chuqa' xek'ase-wi ri iwati't-imama'. Kan chiri' k'a xkek'ase-wi richin jantape' ri winaqi' ri xtinmol kichi', ri kalk'ual y ri kijatzul. Keri' xtikiben toq ri rey ri achi'el ri David ri nusamajel xtok aj-raqen pa kiwi' richin jantape'.

Ez 36:28

Kan xkixk'ase' k'a chupan ri ruwach'ulew ri xinya' chike ri ite-itata' y rix kan xkixok k'a nutinamit y yin xkinok k'a i-Dios.

Ez 11:17

Jak'a ri ek'o pa ximonri'il ninbij chike: Yin xtinben chiwe richin xkixel-pe pa taq ruwach'ulew ri akuchi ixintalun-wi-el y kan xkixinmol chik. Y k'ari' xtinya' chik chiwe ri iruwach'ulew Israel.

Wuj Richin ri Jeremías 23:8

Xa kan xtikibij k'a: Utz ruwa-ruq'ij ri Jehová chi xerelesaj-pe ri qawinaq israelita chiri' chupan ri ruwach'ulew ri k'o pa xaman y ri pa taq ch'aqa' chik ruwach'ulew ri akuchi e rutalun-wi-el, xkecha'. Y keri' xkek'oje' jun bey chik chupan ri kiruwach'ulew, xcha' ri Dios.

Wuj Richin Bix Chire ri Dios 106:47

Ri winaqi' israelita xkibij k'a: Jehová qa-Dios roj, qojakolo' k'a. Qojawelesaj-el chikikojol ri winaqi' ri man yatkitzeqelibej ta rat, Qojamolo' chik richin niqanimirisaj ri loq'olej abi', richin chi rik'in kikoten xtiqaya' aq'ij, yecha'.

Ez 34:13

Yin xkinelesan k'a kichin pa taq ruwach'ulew ri man kichin ta rije', y xkenmol k'a y xkenk'uaj pa kiruwach'ulew rije'. Xkenk'uaj richin xkebewa' pa taq juyu' richin ri kiruwach'ulew. Chuqa' xke'uk'ya' pa taq ch'uti'n raqen-ya' y xkek'oje' chupan chijun ri ruwach'ulew.

Ez 28:22

Yin Jehová kan xkiyakatej k'a chirij ri nima-tinamit Sidón, richin xtiya'ox nuq'ij-nuk'ojlen. Richin keri' konojel winaqi' kan xtiketamaj k'a chi ja yin Jehová ink'o pa ruwi' ronojel. K'ari' xtinq'et-tzij pa ruwi' y kan xtinq'alajirisaj chuwech ri nuch'ajch'ojil.

Wuj Richin ri Jeremías 30:18

Chuqa' xtinjel ri ik'aslen y kan xtinjoyowaj iwech. Ri itinamit xtipabex chik q'anej pa ruwi' ri wulatejineq kan y ri rachoch ri rey kan xtipabex chik q'anej ri kan akuchi k'o-wi-pe.

Wuj Richin ri Jeremías 27:11

Jak'a ri tzobaj winaqi' ri yek'oje' chuxe' rutzij rija', yin xtinya' q'ij chike richin yek'oje' chupan ri kiruwach'ulew richin chi yek'ase' chiri' y nikiben-qa kitiko'n, xcha' ri Jehová.

Joel 3:7

Titz'etana-pe' yin kan xkenbenk'ama-pe ri akuchi xe'ik'ayij-wi-el y k'ari' xtintzolij ruk'exel chiwe rix.

Os 1:11

Xtapon k'a ri q'ij xtikimol-ki' ri aj-Judá y ri aj-Israel xtikikanoj k'a xaxe jun aj-raqen richin nik'oje' pa kiwi' chi ka'i' ajawaren. Konojel k'a ri winaqi' ri e talutajineq xketzolej chik pa Jerusalem. Toq xtiban chik ri molojri'il pa Jezreel kan xtibanatej k'a jun nimalej ch'akonik chupan ri q'ij ri'.

Ez 39:27

Y toq xkenwelesaj-pe chikikojol ri ch'aqa' chik tinamit ri akuchi ek'o-wi ri e etzelanel kichin, chikiwech ri winaqi' ri' kan xtink'ut k'a wi' chi yin kan in loq'olej-wi roma ri utzilej taq kibanobal ri awinaq israelita.

Ez 38:23

Keri' xtink'ut k'a chikiwech ri ch'aqa' chik ruwach'ulew chi yin kan in loq'olej y kan nimalej nuq'ij. K'ari' k'a xtiketamaj konojel chi ja yin Jehová ri ink'o pa ruwi' ronojel.

Ez 37:21

y xtabij chike re jun chik rutzijol re': Yin Jehová ri ink'o pa ruwi' ronojel ninjikiba' chi kan xkenwelesaj k'a pe ri iwinaq israelita chikikojol ri ch'aqa' chik ruwach'ulew ri akuchi xentaluj-wi-el. Kan xkenmol k'a ri akuchi ek'o-wi y xkenk'en chik pe pan iruwach'ulew Israel.

Ez 34:27

Ri che' ri ek'o pa taq juyu' kan xkewachin y chuqa' ri ulew kan xkewachin y ri nuwinaq kan xkek'ase' rik'in uxlanenri'il. Xtinkol ri nutinamit pa kiq'a' ri e ximiyon pa samaj y k'ari' xketotej-el. Jari' toq xtiketamaj chi ja yin Jehová.

Wuj Richin ri Isaías 5:16

Ri Jehová ri k'iytisanel richin ronojel kan xtuk'ul runimirinen roma pa ruchojmilal nuq'et-tzij. Ri loq'olej Dios xtuk'ut k'a ri ruch'ajch'ojil toq nuben ri ruchojmilal.

Ez 34:14

Xtinya' chike ronojel ri nik'atzin, achi'el nuben jun yuq'unel toq nuk'uaj ri rukarne'l ri akuchi k'o jebel q'os y chuqa' pa taq soq'olbel ri ek'o-q'anej pa taq k'echelaj. Y chiri' xtikina' ch'uch'ujil, achi'el ye'uxlan ri karne'l toq nikitej jebelej q'os y man jun xtinaqo kichin.

Os 2:15

Xtintzolij chik k'a chire ri rutiko'n richin uva. Ri taq'aj k'o kojol juyu' richin Acor kan xtok k'a ruchi' ri oyobenri'il chire rija'. Chiri' pa tz'iran ruwach'ulew xtibixan chik k'a rik'in kikoten achi'el ri q'ij toq xk'oje' chupan ri ruq'opojil, achi'el ri q'ij toq xel-pe pan Egipto.

Os 11:11

Kan achi'el k'a aj-xik' chikopi' xtikiben richin xke'el-pe pan Egipto. Achi'el k'a nuben ri paloma, keri' xtikiben richin xke'el-pe pan Asiria. Kan xtuben k'a chike chi xkek'oje' chik pa kachoch.

Wuj Richin ri Jeremías 12:14

Jak'a yin Jehová chuqa' xtinya' rutojbalil-mak pa kiwi' ri ch'aqa' chik winaqi' ri ek'o chunaqaj ri ruwach'ulew Israel, ri xek'ison kichin. Yin kan xkenwelesaj k'a el chupan ri kiruwach'ulew y chuqa' kan xkenwelesaj k'a pe ri nuwinaq chikikojol rije'.