Ez 28:24 - Kaqchiquel Bible

²⁴ Richin keri', ri winaqi' israelita kan man jun bey chik xtiberutija' poqon pa kiq'a' ch'aqa' chik ruwach'ulew ri ek'o chunaqaj. Man jun bey chik xtikiben achi'el k'ix ri chaq yekineq ri nuwinaq israelita. K'ari' xtiketamaj chi ja yin Jehová ri ink'o pa ruwi' ronojel.

Ez 28:24 ပူးပေါင်းရင်းမြစ်များ

Wuj Richin ri Josúe 23:13

kan tiwetamaj k'a chi wi xtiben keri', ri Jehová man xkerelesaj ta el chiwech rix ri winaqi' richin ri ruwach'ulew ri'. Y xa xke'ok k'a jun pikbel chiwe rix, y xkixqaqa pa kiq'a', y xtina' k'a achi'el yixjich' chi xik'a'y y achi'el chuqa' jun k'ix k'o pa runaq'-iwech, y kan xkixruk'is-el chuwech re jebelej ruwach'ulew ri xuya' ri Jehová ri qa-Dios chiqe.

Wuj Richin ri Q'axanri'il 33:55

Jak'a wi rix man xke'ikamisaj ta ri winaqi' aj chiri', ri winaqi' ri' xkek'oje' kan iwik'in y xa xtuben chiwe achi'el toq nok jun ruk'aj che' pa runaq'-iwech y achi'el jun k'ix toq nok pan ich'akul.

2 Corintios 12:7

Yin kan janila k'a e nima'q ri e ruq'alajirisan ri Dios chinuwech. Jak'a richin chi ronojel re' man tikiben chuwe richin ninnimirisaj nuq'ij, roma ri' toq k'o jun yabil ya'on chire ri nuch'akul. Y ri Satanás nukusaj re yabil re' achi'el jun k'ix richin chi nintej poqon pa ruq'a'.

Ez 2:6

Rat Ezequiel, man tak'en kikiy y man taxibij-awi' roma ri kich'abel. Stape' xtana' achi'el xa ta atk'o pa k'ix o atk'o chikikojol alacrán. Man timayamo-qa ri awánima, stape' rije' kan xkeyakatej chawij.

Wuj Richin ri Isaías 55:13

Pa ruk'exel yebek'iy-pe ruxulu-kiej, kan xkebek'iy-pe ri che' k'isis. Chuqa' pa ruk'exel xkebek'iy-pe ri k'ix, kan xkebek'iy-pe ri q'echa'. Y re' kan xtunimirisaj ri nubi' yin Jehová, y chuqa' jun retal ri nubi' ri kan man jun bey xtik'is, nicha' ri Dios.

Apocalipsis 21:4

Y ri Dios kan xtusu' k'a el ri ruya'al runaq'-kiwech, roma kan xtuben chi xtik'is-el ri q'axo'n y ri jiloj. Kan xtik'is-el chuqa' ri kamik y ri oq'ej. Kan xkek'is k'a ronojel ri xek'oje' pa nabey, xcha'.

Wuj Richin ri Miqueas 7:4

Ri más juba' utz chikikojol rije' xa achi'el ri k'ix. Ri más juba' choj chike rije' xa achi'el jun cholaj k'ix. Roma ri' ri q'ij richin rutojbalil ri imak naqaj chik k'o-wi. Ri q'ij ri' kan bin-pe chiwe koma ri e ya'ol rutzijol. Toq xtapon, kan xtisach k'a ik'u'x chi'iwonojel.

Ez 39:28

K'ari' k'a xtiketamaj chi ja yin Jehová ri ki-Dios, stape' yin xenteq-el pa taq ch'aqa' chik ruwach'ulew. Jak'a chupan ri q'ij ri' xkenk'en chik pe y kan man jun xtinya' kan ri juk'an chik ruwach'ulew.

Ez 28:26

Chiri' k'a xkebek'oje-wi rik'in uxlanibel-k'u'x, xtikipabala' k'a q'anej kachoch y xtikitikila' k'a qa uva, rokik yin ninya' rutojbalil-mak pa kiwi' ri ruwach'ulew ri ek'o chikinaqaj ri xa e etzelanel kichin. K'ari' ri israelita xtiketamaj chi ja yin Jehová ri ki-Dios.

Ez 28:23

Xtinteq k'a pe yabilal pa ruwi' ri tinamit y chuqa' oyowal richin xtibiyin kik' pa taq bey; y konojel ri xkeken xkepunupuxin kan pa taq bey. K'ari' konojel xtiketamaj chi ja yin Jehová ri ink'o pa ruwi' ronojel.

Wuj Richin ri Jeremías 12:14

Jak'a yin Jehová chuqa' xtinya' rutojbalil-mak pa kiwi' ri ch'aqa' chik winaqi' ri ek'o chunaqaj ri ruwach'ulew Israel, ri xek'ison kichin. Yin kan xkenwelesaj k'a el chupan ri kiruwach'ulew y chuqa' kan xkenwelesaj k'a pe ri nuwinaq chikikojol rije'.

Wuj Richin ri Isaías 35:9

Chiri' man xkeq'ax ta koj, ni man xke'apon ta k'uxunela' taq chikopi'. Xaxe winaqi' ri e kolotajineq chik ri xkeq'ax chiri'.

Wuj Kichin ri To'onela' 2:3

Roma ri' yin ninbij chiwe chi roma man xe'iwoqotaj ta el re winaqi' re' chi'ikojol, ni man xe'iwelesaj ta el ri ki-dios chi'ikojol, xa xke'ok k'a pikbel chiwe rix, xcha'.