Ez 28:2 - Kaqchiquel Bible

² Rat Ezequiel, taya' re jun rutzijol re' chire ri rey richin Tiro y kere' tabij: Rat kan janila xanimirisaj-awi', y nach'ob chi at achi'el jun dios, y ri awajawaren ja ri palou. Jak'a stape' nana-awi' chi ri anojibal achi'el runojibal ri Dios, rat xa man at jun dios ta, xa at jun xabachike achin.

Ez 28:2 ပူးပေါင်းရင်းမြစ်များ

Wuj Richin ri Rutikeribel 3:5

Roma ri Dios retaman chi ri q'ij toq xtitej, kan xtijaqatej k'a ri runaq'-iwech y kan xtiwetamaj k'a ri utz y ri itzel y kan xkixok k'a achi'el ri Dios, xcha' ri kumetz.

2 Crón 26:16

Jak'a toq xuna' chi k'o chik ruchuq'a' jebel chupan ri ruq'atbal-tzij, jari' toq janila xunimirisaj-ri', y jari' xbanon chire chi xtzaq. Rija' man xunimaj ta ri rutzij ri Jehová ri ru-Dios, y roma ri' ja rija' xbeporon ri pom pa rachoch ri Jehová pa ruwi' ri porobel.

Wuj Richin Bix Chire ri Dios 9:20

Taya' xibinri'il kik'in rije'. Tiketamaj k'a ri ch'aqa' chik ruwach'ulew chi rije' xa e winaqi'.

Wuj Richin Etamabel-Tzij 16:18

Nabey ja ri nimirisanen ri nipe pa ruk'aslen ri wineq, y k'ari' nuben chire chi nibe pa xulan; kan roma k'a ri nunimirisaj-ri', roma ri' toq ri ruk'aslen ri wineq nitzaq.

Wuj Richin Etamabel-Tzij 18:12

Ri nabey ri nipe pa ránima ri wineq ja ri nunimirisaj-ri' y k'ari' noqaqa ri vululen; jak'a toq noqaqa ri qasanri'il nabey pa ránima ri wineq, nuk'en-pe ri k'ojlemal.

Wuj Richin ri Isaías 2:12

Roma ri q'ij richin ri Jehová ri k'iytisanel richin ronojel, xtoqaqa pa kiwi' konojel winaqi' ri kinimirisan-ki'; pa kiwi' konojel winaqi' ri kan janila nikina-ki', y kan xtiqasex k'a kiq'ij.

Wuj Richin ri Isaías 23:8

Ri k'ayinela' richin Tiro ja ri rey y ri e tata'al. Ri loq'onela' ja ri más k'o kiq'ij chuwech re ruwach'ulew. ¿Achike kami k'a ri xch'obon re jun wululen re' pa ruwi' ri Tiro?

Wuj Richin ri Isaías 31:3

Ri aj-Egipto xa e winaqi', y man e dios ta. Ri kikiej xa e ti'ij, y man e espíritu ta ri k'o kuchuq'a'. Toq ri Jehová kan xtutzeqej ri ruq'a' pa kiwi' richin nuya' rutojbalil chike, kan xketzaq ri aj-Egipto y chuqa' xketzaq ri nikik'ul to'onik chuwi-kiq'a' rije'. Kan junan k'a xkek'is.

Wuj Richin ri Isaías 47:8

Re wakami k'a, kan jebel tiwak'axaj re'. Rix kan xaxe ri irayibel ri niben, y kan ikuquban ik'u'x. Kan nibij-qa pan iwánima chi man jun chik achi'el rix. Nich'ob chi ri itinamit man jun bey xtik'is ruchuq'a' y kan xtimalix kan, achi'el jun malka'n ixoq. Chuqa' nich'ob chi kan man jun bey xkek'is-el ri iwalk'ual.

Ez 16:49

Jare' k'a ri rumak ri xuben ri awach'alal Sodoma y ri kokoj taq rutinamit: Rije' kan xkinimirisaj k'a ki'. Chuqa' kan pa ruk'iyal ri xk'oje' kik'in, jak'a man xekito' ta ri e poqonatajineq y ri e molonel.

Ez 26:17

Rije' xtikibixaj jun bix ri ruk'amon-pe bis y ri bix kere' nubij: Rat tinamit ri eleneq utz atzijol, xa xach'akatej yan. Rat k'a xaq'aton-tzij pa kiwi' e k'iy ojer kan. Kan chijun k'a ruwach'ulew xkixibij-ki' chawech.

Ez 28:1

Ri Jehová xch'on chik wik'in y xubij chuwe:

Ez 28:17

Roma kan at jebel ok, rat kan xanimirisaj-awi'. Roma ri awajawaren kan janila jebel, ri animirisanen xuben chawe chi xa xkik'is ri na'oj ri k'o awik'in. Roma ri' ri Dios kan xuqasaj aq'ij k'a pan ulew, y konojel k'a ri rey yetze'en chawij

Ez 28:9

Y chupan ri q'ij ri', ¿xkatikir kami rat xtapaba-awi' chikiwech ri yekamisan awichin? ¿Y xkatikir kami xtabij chi rat kan at jun dios? Ni, rat xa at jun achin y man at jun dios ta, y roma ri' xa kan atk'o chik pa ruq'a' ri nikamisan awichin.

Ez 29:3

Jare' k'a ri rutzijol: Yin Jehová jare' ink'o richin xkiyakatej chawij rat rey richin Egipto. Rat at achi'el k'a jun nimalej ayin ri atk'o pa raqen-ya' Nilo, kan nach'ob k'a chi ja rat ri xabanon ri raqen-ya' ri' y kan awichin rat.

Ez 29:9

Ri ruwach'ulew Egipto kan xtok k'a jun tz'iran ruwach'ulew y k'ari' rix xtiwetamaj chi ja yin Jehová ri ink'o pa ruwi' ronojel. Y rat rey, roma xabij chi ri raqen-ya' Nilo awichin rat y ja rat ri xabanon,

Ez 31:10

Roma ri che' ri' kan janila k'a xk'iy, ri rutum xapon k'a pa sutz' y kan janila k'a xk'iy; y roma ri' kan xunimirisaj-ri'.

Dn 11:12

Toq ri rey richin Egipto xeruch'ek yan ri janila chi winaqi' aj-Siria, kan janila k'a xtunimirisaj-ri'. Jak'a xa man xtiyaloj ta ri ruchuq'a',

Dn 11:36

Toq xtapon k'a ri q'ij ri', ri rey kan xtiberubana' k'a ronojel ri niqa' chuwech rija'. Kan janila k'a xtunimirisaj-ri', y xtuna' chi ja rija' ri más nim ruq'ij chikiwech konojel dios. Y pa ruwi' ri' kan xtuyoq' k'a ri k'aslik Dios. Kan utz k'a xtel chuwech ronojel ri xkeruben, k'a toq ri Dios xtuya' ri rutojbalil-mak pa ruwi', roma ri bin-pe pa ruwi' kan xtibanatej k'a.

Dn 11:37

Kan man jun k'a dios ri nuya' ta rejqalen; ni ri ki-dios ri e rati't-rumama', ni ri dios ri nikiya' ruq'ij ri ixoqi', roma rija' kan xtuna-ri' chi kan xaxe rija' ri nim ruq'ij chikiwech konojel.

Wuj Richin ri Habacuc 2:4

Y jare' ri rutzijol ri k'o chi natz'ibaj: Ri winaqi' aj-Babilonia man choj ta kánima, y xa kan janila kinimirisan-ki'. Jak'a ri winaqi' ri yetzeqeliben wichin y man xkinkimalij ta kan roma kikuquban kik'u'x wik'in, kan xtink'en chik kiwech, y roma ri' xkek'ase' xcha' ri Dios.

Wuj Richin ri Sofonías 2:15

Ri ojer kan ri tinamit ri' janila xkikot, y kan kuqul ruk'u'x xk'ase'. Ri winaqi' ri xek'oje' chiri' xkibij chi kan man jun chik tinamit achi'el rije', jak'a re wakami xa tolan-tolan chik kan. Xa ja chik ri chikopi' richin pa k'echelaj e chajiyon kan. Ri wineq ri xtiq'ax-el keri', xtitze'en kan chirij, y kan janila xtuyojobej kan.

Wuj Richin ri Zacarías 9:2

Xkiyakatej chikij ri aj-Hamat, roma ek'o chikinaqaj ri Hadrac y ri Damasco, y chuqa' chikij ri aj-Tiro y aj-Sidón, stape' kan janila na'oj k'o kik'in.

San Lucas 14:9

Nipe k'a ri xoyon iwichin ri pa k'ulubik, y nubij chiwe: Tibana' utzil tiya' kan ri ik'ojelibal chire re jun re woyon chuqa'. Y rix yixk'ixbitej y ix kaqarineq yixbetz'uye' pa ruk'isibel taq k'ojelibel.

Deut 8:14

man tiya' q'ij richin ninimirisaj-iwi' rik'in ronojel ri k'o iwik'in, richin man timestaj ri Jehová ri qa-Dios ri xojelesan-pe pan Egipto ri akuchi xqatej-wi poqon y xojxime' pa samaj.

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

1 Timoteo 3:6

Man ruk'amon ta chi jun k'ak'a' nimanel nok jun uk'uey kichin ri qach'alal, roma rik'in juba' nunimirisaj-ri', y xa xtuk'uluwachij ri achi'el xuk'uluwachij ri Itzel-Wineq.

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

Apocalipsis 17:3

Y chupan ri jun achi'el achik' ri xinben xinna' chi xinuk'uex-el pa jun tz'iran ruwach'ulew. Y chiri' xintz'et jun ixoq ch'okol chirij ri nimalej itzel chikop ri k'o wuqu' rujolon y lajuj ruk'a'. Re chikop re' ruyon bi'aj rij, richin nuyoq' rubi' ri Dios.

Apocalipsis 18:7

Tiya' pa q'axo'n y tijoj-poqonal. Roma rija' xunimirisaj-ri', y toq k'o chupan ri itzel k'aslen ri', xubila' k'a pa ránima: Ja yin ri kan achi'el reina in tz'uyul wawe', man in malka'n ta, ni man xtink'owisaj ta chuqa' q'axo'n, xcha-qa.