Ez 28:13 - Kaqchiquel Bible

¹³ Kan qitzij wi chi achi'el xa ta xak'oje' pa qejoj ri kan nik'ases. Chuqa' kan xawiq-awi' rik'in k'iy jalajoj ruwech jebelej taq abej. Ri akuchi xak'oje-wi, k'o chuqa' k'iy q'anapueq, y ronojel re' kan e banon chik kutzil toq rat xatz'ukutej-pe.

Ez 28:13 ပူးပေါင်းရင်းမြစ်များ

Wuj Richin ri Rutikeribel 13:10

Y ri Lot xutz'et-apo ri ruwa-taq'aj richin ri ruchi' ri raqen-ya' Jordán ri napon k'a rik'in ri tinamit Sóar y kan jebel ya' k'o chupan, y re ya' re' kan achi'el ruya'an ri ulew, achi'el ri qejoj ri kan nik'ases, y jebel chuqa' achi'el ri ruwach'ulew Egipto, y chuqa' achi'el ri tinamit Sodoma y ri Gomorra toq ri Jehová man jani keruk'is rik'in q'aq'.

Wuj Richin ri Rutikeribel 2:8

Y ri Dios xutik-qa ruwech ri jun qejoj, ri akuchi kan rayixel ronojel ri k'o, ri k'o pa relebel-q'ij chire ri ruwach'ulew. Y chiri' xuya-wi ri achin ri xuben.

Wuj Richin ri Achin Job 28:19

Ri rejqalen ri na'oj man tikirel ta chi nijunamex rik'in rejqalen ri abej topacio ri richin pan Etiopía, ni rik'in ri q'anapueq man tikirel ta richin niloq' ri na'oj.

Wuj Richin ri Isaías 14:11

Ja re wawe' xok'is ri animirisanen, y ri q'ojom man xtiq'ajan ta chik awik'in. Kan ja ri jut xke'ok ach'at; chuqa' kan ja ri jut xke'ok aq'u'.

Wuj Richin ri Isaías 23:16

Rat ixoq itzel ak'aslen ri at mestan kan, taq'ojomaj k'a ri aq'ojom arpa. Kabiyaj k'a chupan chijun ri tinamit, y taq'ojomaj k'a jebel, y tabixaj k'a k'iy bix; rik'in juba' yatoqaqa chik chikik'u'x, nicha' ri bix.

Wuj Richin ri Isaías 24:8

Ri taq q'ojom kan man jun chik xkeq'ojoman. Y kan man xtak'axatej ta chik jun nimaq'ij.

Wuj Richin ri Isaías 30:32

Y rik'in ri ruch'abel ri ch'ame'y, xtiq'alajin achi'el jun bix. Y rix nuwinaq xtiq'ojomaj ri iq'ojom, rokik ri Jehová xtuben labal kik'in ri aj-Asiria.

Wuj Richin ri Isaías 51:3

Kan xtinkuquba' kik'u'x ri iwinaq israelita. Ri iruwach'ulew, ri kan xwuluwu' jumul, kan xtinben jun nimalej qejoj chire, achi'el ri qejoj ri kan nik'ases wichin yin. Chiri' kan xtik'oje' kikoten, y kan xtibixex bix richin matioxinik rik'in jalajoj taq q'ojom.

Ez 21:30

Tiyaka-qa pa ruk'ojelibal ri i-espada, roma yin xtinq'et-tzij pan wi' chiri' ri akuchi xixalex-wi.

Ez 26:13

Richin keri' xtinben chiwe chi man xtak'axatej ta chik ri bix richin nimaq'ij y man xtak'axatej ta chik ri ruch'abel ri arpa.

Ez 27:16

Ri winaqi' aj-Edom ye'oloq'on chuqa' rik'in, roma kan janila k'iy k'o rik'in. Y rije' nikitojbej kan chire rik'in jalajoj y jebelej taq abej, tzieq keq, tzieq ri e tz'ison ruwech y tzieq banon rik'in lino.

Ez 27:22

Ri loq'onela' richin ri tinamit Sabá y ri Raamá ye'oloq'on chuqa' rik'in. Y nikitojbej kan rik'in jubulej taq aq'om, jebelej taq abej y q'anapueq.

Ez 28:14

Rat atk'o k'a chupan ri juyu' richin ri a-dios.*f8* Y rat nachajij ri juyu' ri' achi'el nuben jun querubín, y yabiyajilan pa runik'ajal ri abej ri ek'o pa q'aq',*f9* achi'el nuben jun chike ri a-dios.

Ez 28:15

Ri pa rutikeribel kan choj ri abanon-pe kan ja toq xatz'ukutej-pe, k'a toq xamakun y xilitej ri itzel chawij.

Ez 36:35

Y xtibitej k'a: Re ruwach'ulew re tolan-tolan rubanon kan, re wakami kan xok k'a achi'el ri qejoj ri kan nik'ases rupan. Ri tinamit ri e wulatejineq y e maneq winaqi' chupan ri rubanon kan, re wakami ek'o chik jay, sutin chik kij chi tz'aq y ek'o chik winaqi' chuqa'.

Joel 2:3

Rije' nikik'is ronojel ri k'o chikiwech, achi'el nuben ri q'aq' nuk'is ronojel ri q'ayis. Pa nabey, ri tiko'n kan achi'el ri qejoj ri kan nik'ases, jak'a chirij re' xa xok kan jun tz'iran ruwach'ulew, y kan man jun xtikolotej kan.

Apocalipsis 17:4

Y ri ixoq ruwiqon ri' rik'in tzieq keq y q'eqq'oj-keq. E rukusan chuqa' janila chi wiqobel ri e banon rik'in q'anapueq, jalajoj ruwech abej, y perla. Y ri pa ruq'a', ruk'uan jun qumbel ri banon rik'in q'anapueq ri nojineq rik'in itzel taq rubanobal, achi'el ri mak kik'in achi'a'.

Apocalipsis 2:7

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike ri xtich'akon, xtinya' q'ij chire richin nutej ruwech ri che' ri nuya' k'aslen, ri k'o pa runik'ajal ri qejoj ri kan nik'ases ri richin ri Dios, kacha' chike, xcha' chuwe.