Ez 28:12 - Kaqchiquel Bible

¹² Rat Ezequiel, tabixaj k'a re jun bix re' ri ruk'amon-pe bis, pa ruwi' ri rey richin Tiro y tabij jare' ri ninbij yin Jehová: Kan qitzij na wi chi rat kan at utz chikiwech ch'aqa' chik, y kan at nojineq rik'in nojibel, y rat xaben chire ri awajawaren chi kan jebel ok.

Ez 28:12 ပူးပေါင်းရင်းမြစ်များ

Wuj Richin ri Rutikeribel 3:5

Roma ri Dios retaman chi ri q'ij toq xtitej, kan xtijaqatej k'a ri runaq'-iwech y kan xtiwetamaj k'a ri utz y ri itzel y kan xkixok k'a achi'el ri Dios, xcha' ri kumetz.

2 Crón 35:25

Y ri Jeremías kan xuben k'a jun bix richin bis. Y k'a re q'ij re' konojel ri bixanela' chi alaboni' chi xtani' noqaqa chikik'u'x ri rey Josías toq nikibixaj ri bix richin bis; y re' kan xok k'a kan jun ruchojmilal chiri' pan Israel, y re bix re' xtz'ibatej kan chupan ri wuj richin bis.

Wuj Richin Etamabel-Tzij 21:30

Ri na'oj, ri etamabel y ronojel ri pixa' ri xa richin ok ri wineq, xa kan e man jun ok chuwech ri Jehová.

Wuj Richin ri Isaías 10:13

Roma ri rey kere' ri nubij: Rik'in ri nimalej wuchuq'a', rik'in ri nuna'oj y ri nunojibal xinben ronojel re', Ja yin ri xinelesan ri kik'ulba't ri tinamit ri xeqach'ek yan, y xqak'en-pe ronojel ri kibeyomel. Y kan achi'el ruchuq'a' jun juyubel achij wákix xenbech chi'aqen konojel rey.

Wuj Richin ri Isaías 14:4

kan xkixtikir k'a xtitze'ej ri rey richin Babilonia y xtibij re ch'abel re': Rat ri kan janila xojatz'ila', kan xatzaq na. Ri animirisanen kan xk'is.

Wuj Richin ri Jeremías 9:23

Chirij ri', ri Jehová xubij: Tiqasaj-iwi' y man tinimirisaj k'a iwi' rix ri k'o na'oj iwik'in. Chuqa' rix ri k'o iq'ij, man tinimirisaj k'a iwi' rik'in ri'. Y rix ri ix beyoma' man tinimirisaj k'a iwi' roma ri beyomel.

Ez 19:1

Ri Jehová xch'on chik wik'in yin Ezequiel y xubij chi tinbixaj jun bix richin bis pa kiwi' ri rey richin ri tinamit Israel y kere' k'a nubij:

Ez 19:14

Y keri' k'a xk'uluwachitej, chi ri juwi-uva xk'at, y xk'is k'a ri ruwech y ri ruq'a'. Kan man jun chik ri xk'oje' ta kan ri nik'atzin ta richin nok rey. Re bix re' nik'atzin k'a richin toq yemuq ri kaminaqi' y k'o chi nibixex rik'in bis.

Ez 26:17

Rije' xtikibixaj jun bix ri ruk'amon-pe bis y ri bix kere' nubij: Rat tinamit ri eleneq utz atzijol, xa xach'akatej yan. Rat k'a xaq'aton-tzij pa kiwi' e k'iy ojer kan. Kan chijun k'a ruwach'ulew xkixibij-ki' chawech.

Ez 27:32

Y xtikiben k'a jun bix richin bis pa ruwi' ri Tiro, y ri xtibanon, kan xtuben rik'in janila q'axo'n. Y jare' k'a ri bix ri xtikibixaj rije': Ri Tiro, ojer kan ja rija' ri más jebel chikiwech ri ch'aqa' chik ruwach'ulew, jak'a re wakami k'o pa runik'ajal ri ya' y man jun nitikir nuben.

Ez 28:11

Ri Jehová xch'on chik wik'in y xubij chuwe:

Ez 28:15

Ri pa rutikeribel kan choj ri abanon-pe kan ja toq xatz'ukutej-pe, k'a toq xamakun y xilitej ri itzel chawij.

Ez 32:16

Re jun bix re' richin bis y kan kere' k'a rubixaxik ri xtikibixaj ri ixoqi' richin e k'iy ruwach'ulew. Re jun bix re' richin ri ruwach'ulew Egipto y kichin ri e janila chi winaqi' aj chiri', yin Jehová ri yibin.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Ez 43:10

Rat Ezequiel, tatzijoj chike ri awinaq chi xatz'et ri wachoch, keri' xkek'ixbitej roma ri kimak.

Wuj Richin ri Zacarías 9:2

Xkiyakatej chikij ri aj-Hamat, roma ek'o chikinaqaj ri Hadrac y ri Damasco, y chuqa' chikij ri aj-Tiro y aj-Sidón, stape' kan janila na'oj k'o kik'in.

San Lucas 2:40

Ri ak'ual xuchop k'a ruk'iyinen, y xk'oje' chuqa' el ruchuq'a'. Rija' kan ninimer k'a el rik'in etamabel, y k'o ri rutzil ri Dios pa ruwi'.

Hechos 6:3

Wakami k'a qach'alal, ke'icha-pe wuqu' achi'a' ri chi'ikojol, achi'a' ri kan etaman chi choj ri kik'aslen, k'o etamabel kik'in y nojineq ri kánima rik'in ri Loq'olej Espíritu, richin keri' jari' ri xkeqaya' chuwech ri k'o chi niya'ox chiwe.

Romanos 15:28

Y toq nujachon chik k'a kan ri sipanik ri', k'ari' xkibe pan España, y jari' toq xkiq'ax-el iwik'in rix.

1 Corintios 3:19

Roma chuwech ri Dios, ri na'oj richin re ruwach'ulew xa kan man jun nik'atzin-wi, achi'el ri nubij chupan ri ruch'abel ri tz'ibatel kan: Ri winaqi' ri nikikuquba' kik'u'x rik'in ri na'oj ri k'o kik'in, k'iy bey xa chubanik ri etzelal nikikusaj-wi y chiri' k'a yeruchop-wi ri Dios y yeqaqa pa ruq'a'.*f7*

2 Corintios 1:22

chuqa' ri Dios kan ruya'on ri Loq'olej Espíritu ri pa taq qánima, richin retal chi kan qitzij chi oj richin rija'.

Colosenses 1:9

Y roma ri xqak'axaj chupan ri q'ij toq xoqaqa ri qach'alal, beneq k'a ruwech oj ch'owineq-pe rik'in ri Dios iwoma rix, chi xtuben chiwe chi kan ta jebel xtiwetamaj ri rurayibel, y ri Loq'olej Espíritu xtuya' ta chiwe ronojel na'oj y etamabel.

Colosenses 2:3

ri achoq ik'in ewatel-wi ronojel ri utzilej etamabel y na'oj.