Ez 27:36 - Kaqchiquel Bible

³⁶ Ri loq'onela' richin ri ch'aqa' chik ruwach'ulew kan xkixibij k'a ki', ri winaqi' kan xkik'en rukiy roma xkitz'et ri xuk'uluwachij ri Tiro. Y pa ruk'isibel, ri Tiro xa kan xapon k'a pa jun wululen, y kan man jun bey chik xtiyakatej-q'anej, xkecha'.

Ez 27:36 ပူးပေါင်းရင်းမြစ်များ

Wuj Richin ri Jeremías 18:16

Jak'a re wakami ri iruwach'ulew xtok jun tz'iran. Konojel winaqi' richin ch'aqa' chik ruwach'ulew ri xkeq'ax keri' kan janila xtikimey y kan xtikisiloj ri kijolon. Y jantape' k'a xtikiyojobej.

Wuj Richin ri Sofonías 2:15

Ri ojer kan ri tinamit ri' janila xkikot, y kan kuqul ruk'u'x xk'ase'. Ri winaqi' ri xek'oje' chiri' xkibij chi kan man jun chik tinamit achi'el rije', jak'a re wakami xa tolan-tolan chik kan. Xa ja chik ri chikopi' richin pa k'echelaj e chajiyon kan. Ri wineq ri xtiq'ax-el keri', xtitze'en kan chirij, y kan janila xtuyojobej kan.

Ez 26:21

Keri' xtinben richin chi ri winaqi' xtikik'en rukiy toq xtikitz'et ronojel re', xkak'is k'a jumul y stape' xkakanox man xkatilitej ta chik. Yin Jehová ri yibin.

Wuj Richin ri Jeremías 19:8

Kan xtinben chire ri Jerusalem chi konojel ri winaqi' ri xkeq'ax chiri' xtikixibij-ki' chuwech y xtikiyojobej roma wulatejineq chik kan ronojel.

Wuj Richin Bix Chire ri Dios 37:36

Jak'a rija' xa xken, y wakami kan man jun chik. Stape' xinkanoj, xa man xq'alajin ta chik.

Wuj Richin Bix Chire ri Dios 37:10

Roma juba' apo chik, ri banoy etzelal kan man xtik'oje' ta chik. Stape' xtikanox, man xtilitej ta.

Ez 26:14

Kan xtinben k'a chi ri itinamit xtok achi'el jun abej liq'-liq'. Chuqa' xtinben chire chi xaxe xtik'atzin akuchi nirik'-wi ya'l richin yechaqirisex. Y kan man jun bey chik xtok jun nima-tinamit achi'el re wakami.

Ez 26:2

Rat Ezequiel, ninbij k'a chawe chi ri winaqi' aj-Tiro xa xetze'en k'a chirij ri Jerusalem. Kan xesik'in k'a y xkibij chi xetzaq ri ruchi' ri Jerusalem y wuluwik rubanon. Y roma ri' wakami nikich'ob chi xkebeyomer-q'anej rije'.

Wuj Richin ri K'uxla'anik 2:15

Konojel ri winaqi' ri yeq'ax keri' qik'in, kan yojkitze'ej kan. Chuqa' yexuban y nikisiloj ri kijolon chiqij. Ri e etzelanel qichin yetze'en y nikibij: Jak'a tinamit re' ri nikibij chi kan janila jebel, Kan jare' ri ruwaq'ijaj richin chijun ruwach'ulew, yecha'.

Wuj Richin ri Jeremías 50:13

Roma ri woyowal kan xtinben chi kan man jun chik winaqi' xkek'oje' kan chiri'. Chuqa' xtinben chire chi xtok tz'iran ruwach'ulew richin q'asen y konojel k'a ri xkeq'ax chiri' xtikixibij-ki' roma xtikitz'et ri rutojbalil ri xuk'ul.

Wuj Richin ri Jeremías 49:17

Ri wululen ri xtipe chirij ri iruwach'ulew Edom kan janila nim y roma ri' konojel k'a winaqi' ri xkeq'ax-el chiri' kan xtikik'en rukiy toq xtikitz'et ri rutojbalil ri qajineq pan iwi'. Y xketze'en chiwij.

1 Rey 9:8

Y stape' wakami re wachoch kan jun nimalej jay, rik'in juba' jun q'ij ri winaqi' ri xkeq'ax xa jun wuluwik jay ri xtikitz'et. Y xtikimey y xtikik'utula' chikiwech: ¿Achike roma kere' xuben ri Jehová rik'in re ruwach'ulew re'? ¿Y achike roma kere' xuben chire re jay re kan richin rija'?, xkecha'.

Ez 28:1

Ri Jehová xch'on chik wik'in y xubij chuwe:

Ez 28:19

Konojel ri winaqi' kichin ri ch'aqa' ruwach'ulew janila nikimey. Kan xak'is y kan man jun bey chik xkayakatej-q'anej.