Ez 27:26 - Kaqchiquel Bible

²⁶ Y ri ruk'ayij xkik'uaj-el pa taq ronojel ruwach'ulew, achi'el nikiben ri yenimo ri barco. Jak'a ri Dios xtuya-pe jun kaq'iq' re kere' pa relebel-q'ij richin xtik'is ri Tiro.

Ez 27:26 ပူးပေါင်းရင်းမြစ်များ

Wuj Richin Bix Chire ri Dios 48:7

Jehová, rat naben chi rik'in ri kaq'iq' ri nipe pa relebel-q'ij, ye'apaxij ri barco richin ri tinamit Tarsis,

Hechos 27:14

Jak'a k'a juba' qojel-el chiri', toq xok'ulun jun nimalej kaq'iq' ri peteneq pa xaman.

Ez 26:19

Roma ri' yin Jehová ninbij chi kan xtinwulaj k'a kan jumul ri tinamit ri' y xtinben k'a chi man jun xtik'oje' chiri'. Chuqa' kan xtinben k'a chi xtijote-q'anej ri palou pa ruwi' richin xtumuq.

Wuj Richin ri Jeremías 18:17

Kan achi'el nutaluj-ri' ri kaq'iq' ri nipe pa relebel-q'ij, keri' xkixintaluj yin chikiwech ri e etzelanel iwichin. Jak'a ri ruche'el-wij ri xtinya' kan chiwech chupan ri q'ij toq xtinya' ri ruk'ayewal pan iwi', xcha' ri Dios.

Apocalipsis 17:15

Ri ángel xubij chuqa' chuwe: Ri ya' ri akuchi tz'uyul-wi ri ixoq ri man utz ta ruk'aslen, xa e winaqi' richin jalajoj ruwach'ulew, ijatzul, tinamit y ch'abel.

Hechos 27:41

Jari' toq xbeqila' sanayi', y chiri' xberuqebuj-ri' ri ruxe' ri rutza'n ri nima-barco, y chiri' xq'ate-wi kan. Kan man xsilon ta chik. Y ri racheq ri nima-barco kan tijoq'oq' k'a beneq roma ri ya' kan rik'in k'a uchuq'a' xberupaxij-ri' chiri'.

Ez 27:34

Wakami xa kan xwuluwu' y xbe chuxe' ri ya'. Y chuqa' kan xbe-qa k'a chuxe' ri ya' ronojel ri k'o rik'in, y konojel ri winaqi' kan xebe-qa chuxe' ri ya' junan rik'in ri beyomel ri'.

Wuj Richin ri Isaías 23:14

Roma ri' kixjilon k'a rix aj-Tiro, ri yixuk'uan ri nimalej barco pa Tarsis, roma xa xtikiwulaj ri itinamit.

Ez 27:27

Kan ronojel re' xtik'is; ri rubeyomel, ri ruk'ayij, ri ruloq'oj, konojel ri yesamajin richin ri barco, ri k'ayinela', ri aj-labal y konojel ri ch'aqa' chik, kan junan k'a xkebe chuxe' ri ya'.

Ez 28:8

Toq xkaken, xkabe k'a pa jul richin muqbel, y kan keri' k'a xkaken pan awajawaren pa runik'ajal ri ya'.

Wuj Richin Bix Chire ri Dios 48:8

Kan achi'el k'a ri qak'axan-pe, kan keri' ri xqatz'et; keri' xqatz'et chupan ri rutinamit ri Jehová k'iytisanel richin ronojel. Chupan ri rutinamit ri qa-Dios, rija' kan xtujikiba' k'a richin jantape' ri tinamit Jerusalem.