Ez 27:22 - Kaqchiquel Bible

²² Ri loq'onela' richin ri tinamit Sabá y ri Raamá ye'oloq'on chuqa' rik'in. Y nikitojbej kan rik'in jubulej taq aq'om, jebelej taq abej y q'anapueq.

Ez 27:22 ပူးပေါင်းရင်းမြစ်များ

Wuj Richin ri Rutikeribel 10:7

Y ri e rijatzul ri Cus ja ri Sebá, ri Havilá, ri Sabtá, ri Raamá y ri Sabtecá. Ri e rijatzul ri Raamá ja ri Sebá y ri Dedán.

Wuj Richin ri Rutikeribel 43:11

K'ari' ri kitata' xubij k'a chike: Man jun k'a xtiban, wi kan k'o k'a chi nibanatej achi'el ri nibij rix, kan keri' k'a ri'; xaxe k'a tik'uaj jun sipanik chukojol ronojel ri nik'uaj-el, tik'uaj chire ri q'atoy-tzij ri', ri más utz ri yeruya' chupan re ruwach'ulew re': Tik'uaj-el jutaqba' bálsamo, kab ri nikiya' ri taq chikopi', jubulej taq aq'om, mirra, nuez y almendra.

1 Crón 1:9

Ri e ruk'ajol kan ri Cus ja ri Sebá, ri Havilá, ri Sabtá, ri Raamá y ri Sabtecá. Ri e ruk'ajol chik ri Raamá ja ri Sebá y ri Dedán.

Wuj Richin Bix Chire ri Dios 72:10

Ri e rey richin ri ruwach'ulew Tarsis y ri ek'o pa taq'aj, xtikik'en-pe sipanik chire; keri' chuqa' ri e rey richin ri ruwach'ulew Sabá y ri e richin Sebá.

Wuj Richin Bix Chire ri Dios 72:15

¡Tik'ase' k'a ri rey y tiya'ox chire ronojel ri q'anapueq ri nipe pa Sabá! Jantape' k'a tiban ch'owen pa ruwi' rija'; beneq k'a ruwech tinimirisex ri ruq'ij.

Wuj Richin ri Isaías 60:6

Xkepe k'a pa cholaj ri camello ri kik'amon-pe ri janila chi beyomel. Xkepe k'a pa ruwach'ulew Madián y pan Efá. Chuqa' xkepe k'a konojel ri aj-Sabá. Xtikik'en-pe janila chi q'anapueq y pom, y kan xtikibixaj bix richin nikiya' nuq'ij yin Jehová.

Ez 23:42

Kan xak'axatej k'a ri raqoj-chi'ij roma e k'iy winaqi' ri yenimaq'ijun, y chuqa' e peteneq choj relik winaqi' pa tz'iran ruwach'ulew. Y rije' xixkiwiq rik'in retz'aba'l-iq'a' y jebelej taq corona ri xekiya' pan ijolon.

Ez 28:13

Kan qitzij wi chi achi'el xa ta xak'oje' pa qejoj ri kan nik'ases. Chuqa' kan xawiq-awi' rik'in k'iy jalajoj ruwech jebelej taq abej. Ri akuchi xak'oje-wi, k'o chuqa' k'iy q'anapueq, y ronojel re' kan e banon chik kutzil toq rat xatz'ukutej-pe.

Ez 38:13

Chuqa' xkepe ri winaqi' richin ri ruwach'ulew Sabá y ri Dedán y ri k'ayinela' richin ri ruwach'ulew Tarsis y konojel ri ruwinaq, richin xtikimej chuwi-kiq'a' ri k'o rejqalen: Ri q'anapueq, ri saqipueq, ri awej y ri ch'aqa' chik ri kichin rije'.