Ez 27:2 - Kaqchiquel Bible

² Rat Ezequiel, tabixaj k'a re jun bix re' richin bis pa ruwi' ri Tiro:

Ez 27:2 ပူးပေါင်းရင်းမြစ်များ

Ez 28:12

Rat Ezequiel, tabixaj k'a re jun bix re' ri ruk'amon-pe bis, pa ruwi' ri rey richin Tiro y tabij jare' ri ninbij yin Jehová: Kan qitzij na wi chi rat kan at utz chikiwech ch'aqa' chik, y kan at nojineq rik'in nojibel, y rat xaben chire ri awajawaren chi kan jebel ok.

Ez 19:1

Ri Jehová xch'on chik wik'in yin Ezequiel y xubij chi tinbixaj jun bix richin bis pa kiwi' ri rey richin ri tinamit Israel y kere' k'a nubij:

Wuj Richin ri Jeremías 9:10

Yin yinoq' y yibison roma ri k'echelaj. Yin ninbixaj jun bix richin bis roma ri juyu' richin soq'olbel, roma xa xek'at y man jun chik achike ye'ik'o pa kiwi'. Kan man nak'axex ta chik koq'ej ri awej y keri' chuqa' ri aj-xik' taq chikopi' y ri chikopi' richin k'echelaj. Konojel xa xe'animej yan el.

Am 5:16

Yin Jehová, Dios ri k'o ronojel uchuq'a' pa nuq'a' kere' ninbij: Chupan ronojel nima'q ruwech bey richin molojri'il xtak'axatej oq'ej. Chuqa' chupan ronojel bey xtak'axatej raqoj-chi'ij richin bis. Xke'oyox chupan ri bis ri winaqi' ri kan ja kisamaj ri'. Y chuqa' xke'apon ri achi'a' ri yesamej pa juyu' richin ye'oq'.

Am 5:1

Rix nuwinaq israelita, tiwak'axaj re jun bix re' richin bis ri xinben pan ibi'.

Ez 32:2

Rat Ezequiel, tabixaj re jun chik bix re' richin bis chire ri rey richin ri ruwach'ulew Egipto. Y kere' tabij: Rat rey at achi'el jun koj ri nibiyaj pa ruwi' chijun re ruwach'ulew. Rat chuqa' at achi'el jun nimalej ayin ri atk'o pa taq palou y ri pa raqen taq ya'. Y rik'in ri awaqen natuk ruxe' ri ya' y ch'abeq-ch'abeq nuben ruwech ri ya'.

Ez 27:32

Y xtikiben k'a jun bix richin bis pa ruwi' ri Tiro, y ri xtibanon, kan xtuben rik'in janila q'axo'n. Y jare' k'a ri bix ri xtikibixaj rije': Ri Tiro, ojer kan ja rija' ri más jebel chikiwech ri ch'aqa' chik ruwach'ulew, jak'a re wakami k'o pa runik'ajal ri ya' y man jun nitikir nuben.

Ez 26:17

Rije' xtikibixaj jun bix ri ruk'amon-pe bis y ri bix kere' nubij: Rat tinamit ri eleneq utz atzijol, xa xach'akatej yan. Rat k'a xaq'aton-tzij pa kiwi' e k'iy ojer kan. Kan chijun k'a ruwach'ulew xkixibij-ki' chawech.

Wuj Richin ri Jeremías 7:20

Roma ri' yin Jehová ninbij chi kan ninwisq'opej k'a ri woyowal pa ruwi' re tinamit re', pa kiwi' re winaqi', pa kiwi' ri kichikop, pa kiwi' ri kiche' y ri kitiko'n ri ek'o pa taq juyu' y ri woyowal xtuben achi'el jun q'aq' ri man nichup ta k'a toq xtuk'is na ronojel.

Ez 27:1

Ri Jehová xch'on chik jun bey wik'in y xubij chuwe:

Wuj Richin ri Jeremías 9:16

Kan xkentaluj k'a el pa jun ruwach'ulew ri man ketaman ta, ni ri kite-kitata'. Xtinben chi xketzeqelibex rik'in espada y kan man jun k'a chike rije' ri xtik'ase' kan, xcha' chuwe.