Ez 27:13 - Kaqchiquel Bible

¹³ Chuqa' ri winaqi' aj-Grecia, ri aj-Tubal y ri aj-Mésec yepe richin ye'oloq'on-el rik'in. Y ri nikitojbej kan chire ja ri winaqi' ri e ximil pa samaj kik'in y samajibel ri e banon rik'in q'enq'oj-pueq.

Ez 27:13 ပူးပေါင်းရင်းမြစ်များ

Wuj Richin ri Rutikeribel 10:2

Ri e rijatzul ri Jafet ja ri Gómer, ri Magog, ri Madai, ri Javán, ri Tubal, ri Mésec y ri Tirás.

Wuj Richin ri Isaías 66:19

Y re' jun retal chike rije'. Y k'ari' kan xkenteq jujun chike ri man xeken ta kik'in ri ch'aqa' chik winaqi' richin ri ruwach'ulew. Kan xkenteq k'a el pa ruwach'ulew Tarsis, Fut, Libia, Lidia, ri akuchi yetikir nikikusaj ri ch'ab; chiri' pa Tubal, Grecia y ri ch'aqa' chik ruwach'ulew ri ek'o nej chuchi' ri palou, ri man jun bey kak'axan ri nubi' yin, ni man jun bey kitz'eton ri nuk'ojlemal richin chi nikiq'alajirisaj ri ruwaq'ijaj ri k'o wik'in. Y ri taqonela' ri' xkebe richin xtikiq'alajirisaj ronojel re'.

Apocalipsis 18:13

Kik'ualon chuqa' canela, jubulej taq aq'om, pom, mirra, vino, aceite richin oliwo, k'ej, trigo, kokoj y nima'q taq awej, kiej, karruaje, y xekik'ayij chuqa' winaqi'.

Ez 39:1

Rat Ezequiel, taq'alajirisaj ri nuch'abel pa ruwi' ri rey Gog y tabij chire: Yin Jehová ninbij chawe chi in yakatajineq chawij rat Gog ri at rey pa kiwi' ri ruwach'ulew Mésec y ri Tubal.

1 Crón 1:5

Ri e ruk'ajol kan ri Jafet jere': Ri Gómer, ri Magog, ri Madai, ri Javán, ri Tubal, ri Mésec y ri Tirás.

Joel 3:3

Y kan xekiya' pan etz'anen ri nuwinaq richin xekik'uaj; chuqa' kan xekik'ayij-el ri taq ak'uala' chi alaboni' chi xtani'. Y ri méro xkikusaj richin xek'oje' kik'in ixoqi' ri man utz ta kik'aslen, richin chuqa' xkiloq' vino chire richin xkiqum.

Ez 32:26

Chiri' chuqa' ek'o-wi ri aj-labal aj-Mésec y ri aj-Tubal ri xeken pa labal, ri xkiya' kan jun nimalej xibinri'il chikikojol ri winaqi'. Ri achi'a' ri' man xkiya' ta nuq'ij,

Dn 11:2

Wakami k'a, yin xtinbenk'utu' k'a chawech ri qitzij. Xkebeyakatej k'a pe e kaji' chik rey richin ri ruwach'ulew Persia, y ri ruk'isibel kan janila rubeyomel xtibek'oje', y kan más k'a k'iy chikiwech ri ch'aqa' chik ri xek'oje'. Y toq xtik'oje-q'anej ruchuq'a' roma ri rubeyomel, kan xtiyakatej k'a chirij ri ajawaren richin Grecia.

Dn 10:20

Y rija' xubij: ¿Awetaman ri achike roma in peteneq awik'in? Yin in peteneq awik'in richin nonq'alajirisaj chawech ri tz'ibatel kan chupan ri wuj ri richin ri qitzij. Chirij ri' kan xkitzolej chik richin ninbenbana' oyowal rik'in ri itzel ángel ri k'o pa ruwi' ri ruwach'ulew Persia. Toq xkitikir chirij rija', xa xtibeyakatej chik pe ri itzel ángel ri k'o pa ruwi' ri ruwach'ulew Grecia. Y ninwajo' k'a richin nawetamaj chi kan xaxe k'a ri Miguel ri chajinel iwichin rix ri nito'on wichin.

Dn 8:21

Ri achij tzuntzun nel chi tzij ri q'atbel-tzij richin ri ruwach'ulew Grecia, y ri uk'a' ri k'o kojol runaq'-ruwech, nel chi tzij ri nabey rey pa ruwi' ri ruwach'ulew ri'.

Ez 27:19

Ri winaqi' aj-Vedán y ri aj-Uzal ri k'o pa ruwach'ulew Javán ye'oloq'on-el rik'in. Ronojel ri nikik'uaj-el nikitoj kan rik'in vino, q'eqapueq ri jebel samajin, canela y ch'aqa' chik mololen aq'om.

1 Crón 1:7

Ri e ruk'ajol kan ri Javán ja ri Elisá, ri Tarsis, ri Quitim y ri Rodanim.

Wuj Richin ri Rutikeribel 10:4

Ri e rijatzul ri Javán jari' ri Elisá, ri Tarsis, ri Quitim y ri Rodanim.

Wuj Richin Bix Chire ri Dios 120:5

Toq'ex nuwech yin, ri ink'o pa ruwach'ulew Mésec,*f104* ri in k'es chikikojol ri aj-Quedar.

Ez 27:12

Ri Tiro kan pa ruk'iyal k'a k'ayij k'o rik'in, roma ri' ri ruwach'ulew Tarsis noloq'on-el rik'in. Y ri nikik'en-pe richin nikik'ayij kan chire rija', ja ri saqipueq, ri q'eqapueq, ri estaño y ri chajipueq.

Joel 3:6

Kan xe'ik'ayij-el nej ri nuwinaq aj-Judá y ri aj-Jerusalem; kan xe'ik'ayij-el chike ri aj-Grecia richin xe'iwelesaj-el chupan ri kiruwach'ulew.