Ez 27:12 - Kaqchiquel Bible

¹² Ri Tiro kan pa ruk'iyal k'a k'ayij k'o rik'in, roma ri' ri ruwach'ulew Tarsis noloq'on-el rik'in. Y ri nikik'en-pe richin nikik'ayij kan chire rija', ja ri saqipueq, ri q'eqapueq, ri estaño y ri chajipueq.

Ez 27:12 ပူးပေါင်းရင်းမြစ်များ

Ez 38:13

Chuqa' xkepe ri winaqi' richin ri ruwach'ulew Sabá y ri Dedán y ri k'ayinela' richin ri ruwach'ulew Tarsis y konojel ri ruwinaq, richin xtikimej chuwi-kiq'a' ri k'o rejqalen: Ri q'anapueq, ri saqipueq, ri awej y ri ch'aqa' chik ri kichin rije'.

Wuj Richin ri Isaías 23:10

Rix aj-Tarsis k'o chi xtisamajij-qa ri iwulew roma man jun chik akuchi niq'axaj-wi ri iloq'oj.

1 Rey 10:22

Chuqa' ri rey k'o jun molaj ru-barco ri yebe pa ruwach'ulew Tarsis junan rik'in ri molaj ru-barco ri rey Hiram. Y ri barco ri' chi ox-ox juna' ye'ok'ulun kik'amon-pe k'iy q'anapueq, saqipueq y nima'q taq key tix; chuqa' e kik'amon-pe ri batz', y chuqa' ri pavo real.

Wuj Richin ri Rutikeribel 10:4

Ri e rijatzul ri Javán jari' ri Elisá, ri Tarsis, ri Quitim y ri Rodanim.

Wuj Richin ri Jonás 1:3

Jak'a rija' man keri' ta xuben, xa xuch'ob richin nibe pa Tarsis*f1* richin nanimej chuwech ri Jehová. Y roma ri' xbe-qa chuchi' ri palou ri k'o pa Jope, y chiri' xril-wi jun barco ri nibe yan pa Tarsis. Xutoj ri ru-pasaje y xok-el chupan ri barco y xbe chikikojol ri winaqi' ri e beneq chupan, richin nrewaj-el-ri' nej chuwech ri Jehová.

Ez 27:18

Ri winaqi' richin Damasco chuqa' ye'oloq'on rik'in, roma chiri' kan ronojel k'o pa ruk'iyal. Chuqa' nikik'en-pe vino ri niban pa tinamit Helbón, y nikik'ayij lana ri niban pa tinamit Sahar.

Ez 27:16

Ri winaqi' aj-Edom ye'oloq'on chuqa' rik'in, roma kan janila k'iy k'o rik'in. Y rije' nikitojbej kan chire rik'in jalajoj y jebelej taq abej, tzieq keq, tzieq ri e tz'ison ruwech y tzieq banon rik'in lino.

Wuj Richin ri Jeremías 10:9

Ri saqipueq ri ya'on chikij ri wachibel ri nikiya' kiq'ij xa k'amon-pe pa ruwach'ulew Tarsis. Chuqa' ri q'anapueq xa k'amon-pe chiri' pa ruwach'ulew Ufaz. Y ri kitziaq xa banon rik'in tzieq raxroj, y keq. Ronojel re' xa e banon koma ri kan jebel yetikir yekiben re samaj re'.

Wuj Richin ri Isaías 60:9

Ja ri barco ri e peteneq roma ja yin xinoyon kichin. Pa nabey e peteneq ri barco richin Tarsis, y e ruk'amon-pe ri iwinaq ri yepe nej. Kik'amon-pe q'anapueq y saqipueq richin nokiya' chuwe yin Jehová ri i-Dios, roma yin ri in loq'olej ri ink'o pan iwi' ri xtinimirisan iq'ij.

Wuj Richin ri Isaías 23:14

Roma ri' kixjilon k'a rix aj-Tiro, ri yixuk'uan ri nimalej barco pa Tarsis, roma xa xtikiwulaj ri itinamit.

Wuj Richin ri Isaías 23:6

Rix winaqi' ri ixk'o pa taq'aj richin ri Tiro, xkixoq', xkixanimej-el, y xtiwewaj-iwi' pa Tarsis.

Wuj Richin ri Isaías 2:16

ri e nima'q taq che' ri e ya'on chupan ri barco ri ek'o pa Tarsis, y ri ch'aqa' chik jebelej taq barco.

Wuj Richin Bix Chire ri Dios 72:10

Ri e rey richin ri ruwach'ulew Tarsis y ri ek'o pa taq'aj, xtikik'en-pe sipanik chire; keri' chuqa' ri e rey richin ri ruwach'ulew Sabá y ri e richin Sebá.

1 Rey 22:48

Chuqa' ri Josafat xeruben barco achi'el ri yeban pa tinamit Tarsis, richin yebe pan Ofir richin nibekik'ama' q'anapueq; jak'a xa man xetikir ta xebe roma xa xeyojtej ri chiri' pa tinamit Esión-guéber.

Apocalipsis 18:12

Y ri k'ayij ri e kik'ualon, ja ri q'anapueq, ri saqipueq, ri jalajoj kiwech wiqobel y ri perla, ri jebelej taq tzieq ri e banon rik'in lino, seda, y ri tzieq kaqkoj-keq y keq, ronojel ruwech jebelej y jubulej taq che', ri q'enq'ojpueq, ri q'eqapueq, ri mármol, y wiqobel ri e banon rik'in rey tix.

Ez 27:11

Ri yechajin ri tinamit xepe pan Arfad, rije' yek'oje' pa ruwi' chijun ri tz'aq richin yechajin. Chuqa' pa taq jay kichin chajinela' ri ek'o pa ruwi' ri tz'aq, xek'oje-wi ri achi'a' aj-Gamad, ri kitobal rije' chuqa' xe'ok wiqobel richin ri tz'aq, ronojel re' richin xnimer ruq'ij ri tinamit Tiro.

Ez 27:13

Chuqa' ri winaqi' aj-Grecia, ri aj-Tubal y ri aj-Mésec yepe richin ye'oloq'on-el rik'in. Y ri nikitojbej kan chire ja ri winaqi' ri e ximil pa samaj kik'in y samajibel ri e banon rik'in q'enq'oj-pueq.

Ez 27:33

Ojer kan toq noqaqa-el ri ruk'ayij chuchi' ri palou, kan xuben chike ri ch'aqa' chik winaqi' richin xekikot. Janila e k'iy rey ri xebeyomer kan, roma ri rubeyomel rija'.

Ez 28:5

y chi rik'in ri anojibal kan janila xnimer ri ak'ayij. Roma ri' xach'ob chi xabeyomer janila y ri abeyomel xbe más pa jotol. Y roma ri' xanimirisaj-awi'.

Ez 28:16

Kan janila xbe pa jotol ri ak'ayij, y richin man nibe-qa pa xulan, rat janila xamakun y xaben kamik. Roma ri' ri Dios xarelesaj-pe pa juyu' ri akuchi at ruya'on-wi. Y wakami xa man jun nachajij, y man yabiyaj ta chik chukojol ri abej ri ek'o pa q'aq'.

2 Crón 9:21

roma ri rey k'o jun molaj ru-barco ri yebe pa ruwach'ulew Tarsis junan rik'in ri molaj ru-barco ri rey Hiram. Y ri barco ri' chi ox-ox juna' ye'ok'ulun kik'amon-pe k'iy q'anapueq, saqipueq y nima'q taq key tix; chuqa' e kik'amon-pe ri chikopi' ri nibix batz'*f5* chike y chuqa' ri pavo real.