Ez 26:6 - Kaqchiquel Bible

⁶ Y ri tinamit ri ek'o chunaqaj rija' ri kan kuqul kik'u'x rik'in xa xkeken k'a chi espada. K'ari' xtiketamaj chi ja yin Jehová ri ink'o pa ruwi' ronojel.

Ez 26:6 ပူးပေါင်းရင်းမြစ်များ

Wuj Richin ri Jeremías 49:2

Wakami k'a yin Jehová ninbij chi xtapon k'a jun q'ij toq xtinben chi xtak'axatej raqoj-chi'ij richin labal iwichin rix ri chiri' pan itinamit Rabá. Ri chiri' kan xkewulex k'a ri tinamit ri' y kan xkeporox. K'ari' ri nuwinaq israelita xtikelesaj chik kan jun bey ri xelesex kan chike rije'. Ja yin Jehová ri yibin.

Ez 16:46

Ri animal pa xaman k'o-wi y ri' ja ri Samaria y ri e kokoj taq rutinamit. Y ri achaq' pa xokon k'o-wi y rija' ja ri Sodoma y ri e kokoj taq rutinamit.

Ez 16:48

Kan ninjikiba' k'a nutzij pa nubi' yin, chi ri winaqi' aj-Sodoma y ri ek'o pa taq kokoj rutinamit kan man xkiben ta ri itzel achi'el ri xaben rat.

Ez 16:53

Jak'a chike ri e ka'i' awach'alal kan xtinben chi xkeyakatej chik q'anej y kan xtinya' urtisanik pa kiwi'. Y chuqa' chawe rat kan xtinben chik chi kan xkabe pa jotol y xtinya' urtisanik pan awi'.

Ez 25:14

Kan xtinya' k'a rajel-ruk'exel chike, y ja ri nuwinaq israelita ri xkebanon. Keri' xtiketamaj achike ri' ri rutojbalil ri xtinya' pa kiwi', yin Jehová ri yibin, xcha'.

Ez 25:17

Kan xtinya' rajel-ruk'exel chike y rik'in janila woyowal kan xtinya' k'a ri rutojbalil-mak pa kiwi'. Y toq xtinben kere' k'ari' rije' xtiketamaj chi ja yin Jehová ri ink'o pa ruwi' ronojel, xcha'.

Ez 25:5

Xtinben k'a chire ri itinamit Rabá chi xtok jun kisoq'olbal camello y ri ch'aqa' chik iwulew kan xtinben k'a chire richin chiri' xkeyuq'ux ri karne'l. Y toq xtik'uluwachitej re', k'ari' xtiketamaj chi ja yin Jehová ri ink'o pa ruwi' ronojel.

Ez 25:7

Roma ri' kan xkiyakatej k'a chiwij y xkixinjech k'a el pa kiq'a' ch'aqa' chik winaqi' richin chi nikelesaj kan chiwe ronojel ri k'o iwik'in. Kan xtinben k'a chiwe chi xkixk'is jumul richin man xtipaba' ta chik q'anej ri iruwach'ulew. Y ri ka'i-oxi' chik ri xkek'oje' kan, xtiketamaj chi ja yin Jehová ri ink'o pa ruwi' ronojel, xcha'.

Ez 26:8

Y ri rey ri' kan xkerukamisaj ri iwinaq ri ek'o pa taq kokoj tinamit. Y chirij ri tz'aq richin ri Tiro xtikiyek chik q'anej jun tz'aq ri banon rik'in ulew richin nikewaj-ki'. Chuqa' xtikipabala' nima'q taq raq'arik bey richin ye'ok-qa chupan ri tinamit. K'ari' rije' xtikichop ri kitobal richin nikichop oyowal.