Ez 26:5 - Kaqchiquel Bible

⁵ Ri tinamit ri' xa xtok k'a jun achi'el rik'ibel ya'l kichin ri karunela' ri pa runik'ajal ri palou. Yin Jehová ri yibin y ninjikiba' ronojel re'. Y ri tinamit Tiro kan xteleq'ex k'a ronojel ri k'o rik'in koma ri ch'aqa' chik ruwach'ulew.

Ez 26:5 ပူးပေါင်းရင်းမြစ်များ

Ez 25:7

Roma ri' kan xkiyakatej k'a chiwij y xkixinjech k'a el pa kiq'a' ch'aqa' chik winaqi' richin chi nikelesaj kan chiwe ronojel ri k'o iwik'in. Kan xtinben k'a chiwe chi xkixk'is jumul richin man xtipaba' ta chik q'anej ri iruwach'ulew. Y ri ka'i-oxi' chik ri xkek'oje' kan, xtiketamaj chi ja yin Jehová ri ink'o pa ruwi' ronojel, xcha'.

Ez 26:14

Kan xtinben k'a chi ri itinamit xtok achi'el jun abej liq'-liq'. Chuqa' xtinben chire chi xaxe xtik'atzin akuchi nirik'-wi ya'l richin yechaqirisex. Y kan man jun bey chik xtok jun nima-tinamit achi'el re wakami.

Ez 26:19

Roma ri' yin Jehová ninbij chi kan xtinwulaj k'a kan jumul ri tinamit ri' y xtinben k'a chi man jun xtik'oje' chiri'. Chuqa' kan xtinben k'a chi xtijote-q'anej ri palou pa ruwi' richin xtumuq.

Ez 27:32

Y xtikiben k'a jun bix richin bis pa ruwi' ri Tiro, y ri xtibanon, kan xtuben rik'in janila q'axo'n. Y jare' k'a ri bix ri xtikibixaj rije': Ri Tiro, ojer kan ja rija' ri más jebel chikiwech ri ch'aqa' chik ruwach'ulew, jak'a re wakami k'o pa runik'ajal ri ya' y man jun nitikir nuben.

Ez 29:19

Jak'a yin Jehová ninjikiba-nutzij chi ri Nabucodonosor toq xtok pa ruwach'ulew Egipto y xtik'oje' pa ruq'a', xtuk'en k'a kan ronojel rubeyomel y ronojel ri k'o rik'in. Y rik'in k'a ronojel ri' rija' xkerutoj ri aj-labal.

Ez 47:10

Kan k'a pan En-gadi ri k'o pa xaman, k'a pan En-eglaim ri k'o pa xokon chire ri Tzayi-Choy, xkek'oje' ri e chapoy taq ker y chiri' k'a xtikisa-wi ri kiya'l richin nikichop ker. Y ri ker ri ek'o chiri' kan pa ruk'iyal ri xkek'oje', y kan jalajoj k'a ri ker achi'el ri ek'o chupan ri palou.