Ez 26:19 - Kaqchiquel Bible

¹⁹ Roma ri' yin Jehová ninbij chi kan xtinwulaj k'a kan jumul ri tinamit ri' y xtinben k'a chi man jun xtik'oje' chiri'. Chuqa' kan xtinben k'a chi xtijote-q'anej ri palou pa ruwi' richin xtumuq.

Ez 26:19 ပူးပေါင်းရင်းမြစ်များ

Ez 26:3

Roma ri' yin Jehová in yakatajineq chikij ri aj-Tiro. Xtinben k'a chike chi e k'iy nima'q taq ruwach'ulew xkebeyakatej-pe chikij, achi'el toq nibolqo't ruwi' ri palou.

Apocalipsis 17:15

Ri ángel xubij chuqa' chuwe: Ri ya' ri akuchi tz'uyul-wi ri ixoq ri man utz ta ruk'aslen, xa e winaqi' richin jalajoj ruwach'ulew, ijatzul, tinamit y ch'abel.

Dn 11:40

Jak'a toq xtitz'aqet ri q'ij ri q'aton-pe pa ruwi' ri rey richin Siria, ri rey richin Egipto kan xtibeyakatej chik k'a pe chirij. Jak'a rija' xa kan xtel k'a pe chirij ri rey richin Egipto, y kan xtuben k'a achi'el nuben jun nimalej kaq'iq'-job. Xtel k'a pe rik'in janila chi carruaje, aj-labal ri yech'oke' chirij kiej y chuqa' rik'in janila chi barco. Xtok k'a chupan ri ruwach'ulew Egipto y keri' pa taq ch'aqa' chik ruwach'ulew, achi'el nuben jun raqen-ya' toq nril chik el jun rubey.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Ez 27:26

Y ri ruk'ayij xkik'uaj-el pa taq ronojel ruwach'ulew, achi'el nikiben ri yenimo ri barco. Jak'a ri Dios xtuya-pe jun kaq'iq' re kere' pa relebel-q'ij richin xtik'is ri Tiro.

Ez 37:3

K'ari' xuk'utuj chuwe wi ri chaqi'j taq baq ri' nik'oje' chik kik'aslen. Y yin xinbij k'a chire: Wajaw, kan xaxe rat at etamayon ronojel re', xicha'.